完整藏文原文 · 德格版页 当前仅加载第 84 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀུན་ལ་འདི་སྐད་གསུངས། །ཀྱེ་མའོ་རྣམ་དག་ཡེ་ཤེས་བདག །ཀྱེ་མའོ་སངས་རྒྱས་ཉེར་ཐོབ་པ། །ཀྱེ་མའོ་གར་མཁན་འཁོར་ལོ་འདི། །རང་གི་ཡེ་ཤེས་འདྲི་བར་བྱེད། །རྟོག་པ་ཐམས་ཅད་ཀུན་བསྡུས་པའི། །མཆོག་ཏུ་གསང་བ་བཤད་པར་བྱ། །ཤིན་
D480.084.0146a01.01ཏུ་རྙེད་དཀའ་དམ་པ་ཡི། །རིན་ཆེན་སྒྲོམ་གྱི་ཁ་དབྱེ་བྱ། །བླ་ན་མེད་པའི་ཡེ་ཤེས་ཀྱི། །རྒྱལ་མཚན་དམ་པ་བསྒྲེང་བར་བྱ། །རིན་ཆེན་སྒྲོམ་གྱི་ཁ་ཕྱེ་ནས། །ཤེས་རབ་ཀྱིས་ནི་སྣང་བར་བྱ། །དེ་ནས་གསང་བ་མཆོག་གྱུར་པ། །དམ་པ་ཡང་དག་བཤད་པར་བྱ། །བྱ་བ་བསྒྲུབ་པའི་
D480.084.0146a02.01ཐབས་ཆེན་པོ། །རྟོག་པ་ཐམས་ཅད་བསྡུས་པ་དང་། །གསང་བའི་བྱེ་བྲག་འབྱེད་བྱེད་ཅིང་། །རྣལ་འབྱོར་དགོངས་པ་རྣམ་པར་འགྲོལ། །དེ་ཉིད་དམ་པ་ཤེས་བྱེད་པའི། །རྟོག་པ་ཐམས་ཅད་བསྡུས་པ་དང་། །རྡོ་རྗེ་རྣལ་འབྱོར་ཆོ་ག་དང་། །འཁོར་ལོའི་རྣལ་འབྱོར་ཆོ་ག་སྟེ། །
D480.084.0146a03.01མཆོག་ཏུ་གསང་བ་ཞེས་བྱ་དེའི། །རྟོག་པ་ཐམས་ཅད་བསྡུས་པ་དང་། །དུས་གསུམ་ཁྱབ་པའི་བྱ་བར་ལྡན། །གསང་བ་རྣལ་འབྱོར་ཀུན་འབྱུང་ཞིང་། །བྱ་བ་ཀུན་གྱི་ཐབས་ཆེན་གྱི། །རྟོག་པ་ཐམས་ཅད་བསྡུས་པ་དང་། །སངས་རྒྱས་རྣལ་འབྱོར་ཆོ་གར་ལྡན། །རྡོ་རྗེ་ཆོས་ནི་རབ་
D480.084.0146a04.01འཇུག་པ། །སྐུ་གསུམ་ཞེས་བྱ་གསང་ཆེན་གྱི། །རྟོག་པ་ཐམས་ཅད་བསྡུས་པ་དང་། །རྡོ་རྗེ་རྣལ་འབྱོར་ཆོ་གར་ལྡན། །མ་རུངས་ཐམས་ཅད་འདུལ་བྱེད་པ། །ཁམས་གསུམ་རྣམ་རྒྱལ་ཞེས་བྱ་བའི། །རྟོག་པ་ཐམས་ཅད་བསྡུས་པ་དང་། །ཆོས་ཀྱི་རྣལ་འབྱོར་ཆོ་གར་ལྡན། །པདྨ་
D480.084.0146a05.01གར་མཁན་སྐྱེད་བྱེད་པ། །འགྲོ་བ་འདུལ་བ་ཞེས་བྱ་བའི། །རྟོག་པ་ཐམས་ཅད་བསྡུས་པ་དང་། །སྦྱིན་པ་བཞི་དང་ཡང་དག་ལྡན། །རིན་ཆེན་འཁོར་ལོ་སྐྱེད་བྱེད་ཅིང་། །བྱང་ཆུབ་སེམས་དཔའ་ཡིད་ཆེས་བྱེད། །རྟོག་པ་ཐམས་ཅད་བསྡུས་པ་དང་། །སངས་རྒྱས་ཀུན་གྱི་ཐབས་ཆེན་
D480.084.0146a06.01པོ། །སྣ་ཚོགས་གར་མཁན་སྐྱེད་བྱེད་པ། །ལས་ཀྱི་རྣལ་འབྱོར་ཆོ་ག་ཡི། །རྟོག་པ་ཐམས་ཅད་བསྡུས་པ་དང་། །དེ་ཉིད་ཤེས་ཤིང་དགོངས་པ་ཤེས། །ཚུལ་ཆེན་མཆོག་ནི་ཤེས་བྱེད་ཅིང་། །མཆོག་གི་དང་པོ་སངས་རྒྱས་མཆོག །རྟོག་པ་ཐམས་ཅད་བསྡུས་པ་སྟེ། །
D480.084.0146a07.01