完整藏文原文 · 德格版页 当前仅加载第 84 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་རྣམས་ཀུན་དུ་གཤེགས། །དེ་ནས་སྒོ་སྲུང་བཅིངས་ནས་ནི། །ཡི་གེ་ཛཿནི་ཡོངས་སུ་བརྗོད། །རྡོ་རྗེ་ཅན་ནི་ཐམས་ཅད་དགུག །ཐེ་ཚོམ་མེད་པར་གཤེགས་པར་གྱུར། །རྡོ་རྗེ་ཞགས་པ་བཅིངས་ནས་ནི། །ཆོ་ག་ཇི་བཞིན་ངེས་པར་གཞུག །རྡོ་རྗེ་ལྕགས་
D480.084.0209b01.01སྒྲོག་བཅིངས་ནས་ནི། །དབང་དུ་ཡང་ནི་རྟག་ཏུ་བྱ། །རྡོ་རྗེ་དྲིལ་བུའི་ཕྱག་རྒྱ་ཡིས། །དེ་དག་ཉིད་ཀྱང་དབབ་པར་བྱ། །རྡོ་རྗེ་གནས་པའི་ཕྱག་རྒྱ་ཡིས། །གནས་རྣམས་ཀུན་ནི་དགོད་པར་བྱ། །ཅི་ནུས་པར་ནི་རབ་ཏུ་བསྒྲགས། །དེ་ནས་མཆོད་པ་རབ་ཏུ་བྱ། །སྤོས་དང་མེ་
D480.084.0209b02.01ཏོག་ལ་སོགས་པའི། །ཕྱག་རྒྱའི་དཀྱིལ་འཁོར་ཀུན་ལ་སྦྱར། །བདག་ཉིད་དབུལ་དང་མཆོད་པ་དང་། །བཤགས་དང་གསོལ་བ་བཏབ་ལ་སོགས། །བྱང་ཆུབ་སེམས་ནི་བསྐྱེད་ནས་ཀྱང་། །སྡོམ་པ་ཡང་དག་སྤྱད་པར་བྱ། །རྡོ་རྗེ་སེམས་དཔའི་ཕྱག་རྒྱ་ཆེས། །བདག་ཉིད་
D480.084.0209b03.01ལ་ནི་དབང་བསྐུར་བྱ། །སེ་གོལ་དག་ནི་བརྡབ་བྱ་ཞིང་། །སངས་རྒྱས་ཐམས་ཅད་བསྡུ་བར་བྱ། །སངས་རྒྱས་སྲས་དང་བཅས་པ་ཀུན། །བཀུག་ཅིང་རབ་ཏུ་བཅུག་ནས་ནི། །རྡོ་རྗེ་ལྕགས་སྒྲོག་ཡང་དག་དབབ། །རྡོ་རྗེ་སེམས་དཔའི་ཕྱག་རྒྱ་ཆེས། །དྲལ་ནས་དེ་ནི་ཡང་དག་
D480.084.0209b04.01དབབ། །རྡོ་རྗེ་ཡེ་ཤེས་བླ་ན་མེད། །ཡེ་ཤེས་དག་པ་སྐྱེ་བར་འགྱུར། །སེམས་དཔའི་ཡེ་ཤེས་འབབ་པར་འགྱུར། །རྡོ་རྗེ་དབབ་པ་ཡང་དག་བརྗོད། །ཇི་སྟེ་བབས་པར་མ་གྱུར་ན། །ཡི་གེ་ཨ་ཡིས་དྲིལ་བུ་དཀྲོལ། །མཚམས་མེད་ལྔ་པོ་བྱེད་པ་ཡི། །རྡོ་རྗེ་སློབ་དཔོན་འདི་ལྟ་བུ། །
D480.084.0209b05.01ཡེ་ཤེས་དམ་པ་སྐྱེ་འགྱུར་ཞིང་། །རྨད་དུ་བྱུང་བའང་འདིས་མཐོང་འགྱུར། །བརྒྱ་ལས་རྩ་བདུན་ལྷག་པ་ཉིད། །མཚན་མའང་དེ་ལས་ལྷག་འབྱུང་འགྱུར། །གཞན་དག་གང་ཡང་རུང་བ་ཉིད། །གལ་ཏེ་བསོད་ནམས་སྐལ་བ་ཆེ། །དེས་ནི་སངས་རྒྱས་ཐམས་ཅད་མཐོང་། །ཡང་
D480.084.0209b06.01ན་བྱང་ཆུབ་སེམས་དཔའ་འམ། །ཡང་ན་རྡོ་རྗེ་འཛིན་གང་ཉིད། །ཡང་ན་འོད་ཟེར་འཕྲོས་པས་མཐོང་། །ཧཾ་སྒྲོགས་འབྲུག་གི་སྒྲ་དང་ནི། །སྤོས་དང་མེ་ཏོག་དག་གི་བར། །བ་སྤུ་ལངས་པ་ལ་སོགས་བྱུང་། །དེ་ནས་རྡོ་རྗེ་སློབ་དཔོན་ནི། །དཀྱིལ་འཁོར་ཕྱི་རོལ་བྱུང་ནས་ནི། །
D480.084.0209b07.01