完整藏文原文 · 德格版页 当前仅加载第 84 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
གདུག་ཅིང་དྲག་ལ་ཤིན་ཏུ་གཏུམ། །སངས་རྒྱས་ཀུན་གྱིས་མི་འདུལ་བ། །དེ་ཕྱིར་བདག་ཅག་གསོལ་བ་འདེབས། །མགོན་ཁྱོད་ཤེས་རབ་ཆེན་པོ་སྟེ། །ཁྱོད་ནི་ཐབས་ཆེན་བརྗོད་པར་བྱ། །བྱང་ཆུབ་སེམས་ནི་ཐབས་ཆེན་པོ། །ཉོན་མོངས་ཐམས་ཅད་ངེས་པར་འཇོམས། །
D480.084.0238b01.01གདུག་པ་ཐམས་ཅད་རབ་གདུལ་བ། །མགོན་པོ་ཁྱོད་ལ་གསོལ་བ་འདེབས། །གདུག་པ་འདུལ་བྱེད་རྣམ་འཕྲུལ་པ། །ཐབས་ཆེན་པོ་ནི་རབ་ཏུ་གསུངས། །སངས་རྒྱས་ཀུན་གྱིས་སེམས་ཅན་འདི། །འདུལ་བར་མི་འགྱུར་སྣོད་མིན་ལ། །ཐབས་ཆེན་ཁྲོ་བ་ཆེན་པོ་ནི། །ཐུབ་པ་
D480.084.0238b02.01ཆེན་པོས་བསྟན་དུ་གསོལ། །སངས་རྒྱས་ཀུན་གྱི་ཚིག་གསན་ནས། །ཕྱག་ན་རྡོ་རྗེ་རྫུ་འཕྲུལ་ཆེ། །ཚིག་དག་གིས་ནི་ཞུས་གྱུར་པ། །སངས་རྒྱས་ཀུན་ལ་འདི་སྐད་གསུངས། །ཨེ་མའོ་གསང་བ་འཁོར་ལོ་ཆེ། །ཐབས་ཆེན་བདག་ཉིད་ཆེན་པོ་སྟེ། །ཆོས་ཀྱི་དབྱིངས་ནི་བསྟན་
D480.084.0238b03.01པའི་དངོས། །ཐབས་ཀྱི་འཁོར་ལོ་རབ་སྟོན་པ། །ཇི་སྐད་དུ་ནི་བཀའ་སྩལ་པ། །དེ་བཞིན་དུ་ནི་བདག་གིས་བགྱི། །སེམས་ཅན་ཀུན་ལ་ཕན་བྱའི་ཕྱིར། །དྲག་པོ་ཉིད་ནི་བསྟན་པར་བྱ། །དེ་སྐད་གསུངས་ནས་སེམས་དཔའ་ཆེ། །བྱང་ཆུབ་སེམས་དཔའ་བདག་ཉིད་ཆེ། །
D480.084.0238b04.01མི་གསུང་བཞུགས་ནས་རྣལ་འབྱོར་གྱིས། །དྲག་པོ་ཉིད་ལ་སྙོམས་པར་ཞུགས། །དྲག་པོའི་དཀྱིལ་འཁོར་རྡོ་རྗེ་མཆོག །ཅེས་བྱའི་ཏིང་འཛིན་དེ་ལྟ་བུ། །དྲག་པོ་ཆེན་པོ་སྙོམས་པར་ཞུགས། །དེ་བཞིན་ཐུགས་ཀ་ནས་བྱུང་བ། །དྲག་པོ་འཇིགས་རུང་ཡི་གེ་ཧཱུྃ། །ཁྲོ་བོ་
D480.084.0238b05.01ཆེན་པོ་བརྗོད་པར་འགྱུར། །རྡོ་རྗེ་ཧཱུྃ་མཛད་ཁྲོ་རྒྱལ་པོ། །མགོན་པོ་ཐུགས་ཀ་ནས་བྱུང་གྱུར། །ས་གཞི་མ་ལུས་གཡོས་གྱུར་ཅིང་། །ས་འདི་དག་ནི་སྒྲ་སྒྲོགས་གྱུར། །སྟོང་གསུམ་མ་ལུས་འདི་དག་ནི། ཧཱུྃ་ཧཱུྃ་ཞེས་བྱ་བརྗོད་པར་གྱུར། །ཚད་མེད་གཞལ་དུ་མེད་པ་ཡི། །
D480.084.0238b06.01ཁྲོ་བོའི་རྒྱལ་པོ་བྱུང་གྱུར་པས། །ཕྱོགས་རྣམས་ཀུན་དུ་གདུག་ཆེན་དག །སྐད་ཅིག་དེ་ལ་གཏུམ་པར་གྱུར། །སླར་ཡང་གཅིག་ཉིད་གྱུར་ནས་ནི། །གོང་བུར་བྱས་ནས་རབ་བསྡམས་ཏེ། །ཁྲོ་བོའི་རྒྱལ་པོ་སྐུ་ཆེན་པོ། །འཇིགས་སུ་རུང་བ་གཅིག་ཏུ་གྱུར། །དེ་ནི་
D480.084.0238b07.01