完整藏文原文 · 德格版页 当前仅加载第 84 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་། །རྡོ་རྗེ་སེམས་དཔའ་མི་བསྐྱོད་མཚུངས། །ཤར་གྱི་ཕྱོགས་སུ་ཡང་དག་བཞུགས། །རྡོ་རྗེ་རིན་ཆེན་རིན་ཆེན་མཆོག །ལྷོ་ཡིས་ཕྱོགས་སུ་ཡང་དག་བཞུགས། །རྒྱལ་པོ་འཇིག་རྟེན་དབང་ཕྱུག་མགོན། །ནུབ་ཀྱི་ཕྱོགས་སུ་ཡང་དག་བཞུགས། །
D480.084.0199a01.01བྱ་བ་ཀུན་ལ་དོན་ཡོད་པ། །བྱང་ཕྱོགས་སུ་ནི་བཞུགས་པར་འགྱུར། །དབུས་སུ་མགོན་པོ་རྣམ་སྣང་མཛད། །ཀུན་མཁྱེན་ཡེ་ཤེས་རྣལ་འབྱོར་ཆེ། །ཟླ་བ་གང་བ་བཞིན་དུ་ཞི། །རྡོ་རྗེ་འཁོར་ལོ་བླ་ན་མེད། །གང་ཕྱིར་ཀུན་དུ་སྔོན་འགྲོ་བ། །རྡོ་རྗེ་བྱང་ཆུབ་སེམས་དོན་ལྡན། །
D480.084.0199a02.01དེ་ལས་སྤྱོད་པ་དེ་ལས་ཆོས། །དེ་ལས་སྤྱོད་པ་སྤྱད་དཀའ་བ། །སེམས་དཔའ་ཆེན་པོ་བླ་ན་མེད། །རྡོ་རྗེ་རྣལ་འབྱོར་བཞུགས་པར་འགྱུར། །སངས་རྒྱས་ཀུན་གྱི་གསུང་གཅིག་གིས། །མགོན་པོ་ལ་ནི་གསོལ་བ་བཏབ། །ཐུབ་པའི་དབང་ཕྱུག་རྡོ་རྗེ་སེམས། །མགོན་པོ་ལ་ནི་
D480.084.0199a03.01གསོལ་བ་འདེབས། །རྫོགས་པའི་བྱང་ཆུབ་ཁྱོད་རག་ལུས། །ཁྱོད་ལ་བརྟེན་ནས་དེ་བཞིན་གཤེགས། །སངས་རྒྱས་སྲས་དང་བཅས་པ་ཀུན། །ཁྱོད་ལ་བརྟེན་ནས་འབྱུང་བར་འགྱུར། །དང་པོའི་ཐུགས་ནི་རྣལ་འབྱོར་ཆེ། །བྱང་སེམས་ཤིན་ཏུ་རྙེད་དཀའ་བ། །ཀྱེ་མ་སེམས་
D480.084.0199a04.01ཅན་འདི་སྡུག་བསྔལ། །སངས་རྒྱས་ཆོས་ཀྱི་སྣོད་མིན་པ། །སེམས་ཅན་ཀུན་གྱི་དོན་ཆེད་དུ། །འཁོར་ལོའི་དཀྱིལ་འཁོར་དམ་པ་གསུངས། །དེ་ནས་རྒྱལ་པོ་རྡོ་རྗེ་འཛིན། །ཀུན་མཆོག་གནས་ཀྱི་དབང་ཕྱུག་གིས། །མགོན་པོའི་གསུང་ནི་གསན་ནས་སུ། །འཁོར་ལོའི་སྦྱོར་བ་
D480.084.0199a05.01གསུངས་པར་འགྱུར། །དེ་ནི་ཡང་དག་བཤད་པར་བྱ། །འཁོར་ལོ་ཆེན་པོ་གྲོང་ཁྱེར་ཆེ། །སངས་རྒྱས་ཀུན་གྱི་ཐུགས་ལས་བྱུང་། །སྙིང་པོའི་ཆོས་མཆོག་རྣལ་འབྱོར་ལྡན། །སངས་རྒྱས་རྡོ་རྗེའི་བསྟན་པ་ཡིན། །སེམས་ཅན་འདི་དག་གདུལ་བྱ་མིན། །དེ་རྣམས་བདེ་བའི་དོན་ཆེད་
D480.084.0199a06.01དུ། །རྡོ་རྗེའི་རྣལ་འབྱོར་བཤད་པར་བྱ། །རྡོ་རྗེ་སློབ་དཔོན་ཆོ་གའི་ཚུལ། །བདག་ཉིད་ཇི་བཞིན་རྣལ་འབྱོར་བྱས། །སངས་རྒྱས་བྱང་ཆུབ་ཐོབ་འགྱུར་བ། །དེ་ལ་དང་པོར་རབ་བཤད་བྱ། །དེ་རུ་སེམས་ཅན་ཐམས་ཅད་ཀུན། །ཤིན་ཏུ་བརྟན་པར་རབ་འཇུག་ན། །སངས་རྒྱས་བྱང་ཆུབ་
D480.084.0199a07.01