完整藏文原文 · 德格版页 当前仅加载第 84 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
པགས་པ་རློན་པ་གོས་སུ་གྱོན། །ལྷ་རྣམས་ཐམས་ཅད་ཁྱོད་ཀྱི་འཁོར། །ང་ཡི་བཀའ་ནི་རབ་ཏུ་ཉོན། །གདུག་པ་དྲག་ཆེན་མཚན་མོ་རྒྱུ་བ་སློང་མོ་བ། །ཁྲག་ལ་སྤངས་པའི་པགས་ཅན་ལུས་ལ་ཐལ་བས་བྱུགས། །ང་ཡིས་བཀའ་ཉོན་དྲག་པོའི་སེམས་
D480.084.0242b01.01ལྡན་ལུས་སྲུལ་པོ། །མིན་ན་བསྐལ་པའི་མེ་ཡིས་རྩྭ་བཞིན་ཁྱོད་བསྲེག་བྱ། །རོ་བསྲེགས་ཐལ་བའི་ཕུང་པོ་བཞིན་དུ་ཐལ་བར་འགྱུར། །རིགས་བཅས་དཔུང་ལྡན་དཀྱིལ་འཁོར་དང་བཅས་གནོད་སྦྱིན་དྲག །རྡོ་རྗེ་དྲག་པོ་ཡི་ནི་རབ་གཞོམ་གཞིག་པར་བྱ། །དབང་
D480.084.0242b02.01ཕྱུག་ཆེན་པོས་སྨྲས་པ། ང་ནི་མ་ལུས་དབང་ཕྱུག་ཆེན་པོའི་འཁོར་ལོས་སྒྱུར། །འཇིག་རྟེན་གསུམ་གྱི་ལྷ་ཚོགས་མ་ལུས་པ་ཡི་འཁོར། །ཤིན་ཏུ་དྲག་ཅིང་རྣམ་གཙིགས་འཇིག་རྟེན་ཁྱོད་ཡིན་ཡང་། །ཁྱོད་ཀྱིས་ང་ཡི་བཀའ་ནི་མཉན་པར་གྱིས། །གདུག་དང་
D480.084.0242b03.01སངས་རྒྱས་མང་པོའི་འཁོར་ནི་སངས་རྒྱས་ཆོས་ཀྱི་འབྱུང་གནས་ང་ཡིས་སྤྲུལ། །ཞི་ཞིང་དེ་ལ་རྣམ་འདུལ་གསང་བ་དྲི་མེད་ཉོན་མོངས་མེད་པའི་ཕ་རོལ་ཕྱིན། །དེ་འདྲའི་མགོན་པོ་དགའ་བ་དུས་གསུམ་བཞུགས་པ་ཐམས་ཅད་ནས་དབང་བསྐུར། །སླར་ཡང་
D480.084.0242b04.01ང་ཡི་འབྱུང་པོའི་ཚིག་ཉོན་ཞེས་པའི་ཚིག་ནི་འདི་ལྟ་བུ། །དེ་ནས་རྒྱལ་པོ་རྡོ་རྗེ་འཛིན། །འདུལ་བའི་དོན་ལ་ཤིན་ཏུ་མཁས། །ཁྲོ་བོ་གདུག་པ་གཏུམ་ཆེན་པོ། །རབ་འབར་ཁྲོ་བའི་རྒྱལ་པོ་ནི། །རྡོ་རྗེའི་བྱིན་བརླབས་ཕྱག་རྒྱ་ལས། །བྱ་བ་དེ་འདྲའི་ཏིང་འཛིན་ལ། །
D480.084.0242b05.01སྙོམས་པར་ཞུགས་ནས་སེམས་དཔའ་ཆེས། །རང་རིགས་ཁྲོ་བོ་ལས་བྱུང་བ། །གདུག་པ་རྣམས་ནི་འདུལ་བའི་ཕྱིར། །ཁྲོ་བོའི་ཆོས་ཀྱི་ཚུལ་བཟུང་ནས། །རྐང་པ་ནས་བརྩམས་སྤྱི་བོའི་བར། །ལུས་ཀུན་ལས་ནི་རྣམ་པར་ཕྱུང་། །ཨོྃ་བཛྲ་ཀྲོ་དྷ་ཨུཥྞི་ཥ་ཧཱུྃ།
D480.084.0242b06.01རྡོ་རྗེའི་གཙུག་ཏོར་ཁྲོ་བོ་ཆེ། །འབར་བའི་སྤྱི་བོ་ནས་ཕྱུང་ནས། །ས་རྣམས་ཐམས་ཅད་གཡོ་བྱེད་ཅིང་། །ཁྲོ་བོའི་རྒྱལ་པོ་ཐམས་ཅད་འཇོམས། །ཨོྃ་བཛྲ་བྷྲྀ་ཀུ་ཊི་ཀྲོ་དྷ་ཧཱུྃ། ཁྲོ་བོའི་རྒྱལ་པོ་ཁྲོ་གཉེར་ཅན། །མཛོད་སྤུ་ལས་ནི་རབ་ཏུ་བྱུང་། །འཇིགས་བྱེད་དྲག་པོ་
D480.084.0242b07.01