完整藏文原文 · 德格版页 当前仅加载第 84 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
ལྕགས་སྒྲོག་ཕྱག་རྒྱ་ཡང་དག་བཅིང་། །དེ་ནས་རྡོ་རྗེ་སློབ་དཔོན་གྱིས། །དེ་ཉིད་རྡོ་རྗེ་ལྕགས་ཀྱུ་བཅིང་། །སྟེང་དུ་སེ་གོལ་བརྡབས་པ་ཡིས། །སངས་རྒྱས་ཐམས་ཅད་བསྡུ་བར་བྱ། །སངས་རྒྱས་བསྡུ་བའི་སྔགས་ནི་ཛཿཛཿཛཿ། །ཤར་གྱི་སྒོ་རུ་ཡི་གེ་ཛཿ། །དེ་བཞིན་ལྷོ་རུ་ཡི་
D480.084.0181b01.01གེ་ཧཱུྃ། །ནུབ་ཏུ་ལྕགས་སྒྲོག་ཆེན་པོ་བཾ། །བྱང་དུ་ཀུན་དུ་དབབ་པ་ཨཿ། །རྡོ་རྗེའི་དཀྱིལ་འཁོར་ཐམས་ཅད་ལ། །ལས་འདི་དག་ནི་ཡང་དག་བཤད། །ལས་ནི་ཀུན་དུ་རྫོགས་བྱས་ནས། །དེ་བཞིན་ངོ་མཚར་མཐོང་འགྱུར་བ། །ཆོ་འཕྲུལ་ཆེན་པོ་རྨད་འབྱུང་ཆེ། །སྣ་ཚོགས་བརྒྱ་
D480.084.0181b02.01དང་རྩེ་བཅུ་སྟེ། །ཆོ་འཕྲུལ་རྨད་བྱུང་ཆེན་པོ་རྣམས། །རྡོ་རྗེ་སློབ་དཔོན་གྱིས་མཐོང་འགྱུར། །དངོས་གྲུབ་བདག་ཉིད་ཆེན་པོ་ཀུན། །དཀྱིལ་འཁོར་ཀུན་ཏུ་འོང་བར་འགྱུར། །རྡོ་རྗེ་ཅན་དང་བྱང་ཆུབ་སེམས། །དེ་བཞིན་རིགས་ནི་རྣམ་ལྔ་དང་། །རྡོ་རྗེ་དབྱིངས་ནི་བདག་ཉིད་ཆེ། །
D480.084.0181b03.01བཅོམ་ལྡན་མཆོག་ཀྱང་གཤེགས་པར་འགྱུར། །རྡོ་རྗེ་སེམས་སོགས་སངས་རྒྱས་སྲས། །ངོ་མཚར་སློབ་དཔོན་གྱིས་མཐོང་འགྱུར། །མཆོད་པ་དང་ནི་གཏོར་མ་ཉིད། །ཇི་བཞིན་ཆོ་ག་བཅས་པར་འགྱུར། །དེ་བཞིན་རྫུ་འཕྲུལ་དངོས་གྲུབ་དག །མཐོང་ནས་དཀྱིལ་འཁོར་བྱ་བ་ཡིན། །
D480.084.0181b04.01ཇི་ལྟར་བཀོད་པ་འཁོར་ལོ་དང་། །ཇི་ལྟར་ཡོ་བྱད་ཟད་པ་དང་། །ཇི་ལྟར་བརྟུལ་ཞུགས་སྤྱད་པ་བཞིན། །དེ་བཞིན་དངོས་གྲུབ་ཐོབ་པར་འགྱུར། །བྱང་ཆུབ་སེམས་དཔའ་མཐུ་ཆེན་དང་། །སངས་རྒྱས་ཡང་དག་མཐོང་བར་འགྱུར། །ཇི་ལྟར་འཁོར་ལོ་ཆེན་པོ་བྱོན། །འདི་ནི་ངོ་མཚར་མཆོག་ཡིན་
D480.084.0181b05.01ནོ། །ཇི་ལྟར་དེ་རྣམས་བཞུགས་པ་བཞིན། །དེ་བཞིན་འཁོར་ལོ་ཡོངས་སུ་བཟུང་། །ཡེ་ཤེས་བཟང་པོ་ཁྱབ་པ་ཡི། །རྨད་བྱུང་དམ་པ་ཐོབ་པར་འགྱུར། །དཀྱིལ་འཁོར་རྨད་བྱུང་ཐམས་ཅད་ནི། །ས་དག་བརྟོལ་ནས་མཐོང་བར་འགྱུར། །ཡང་ན་དཀྱིལ་འཁོར་བར་སྣང་གི། །
D480.084.0181b06.01ནམ་མཁའ་ལ་གནས་མཐོང་བར་འགྱུར། །ཡང་ན་སངས་རྒྱས་ཀུན་གང་བའི། །སངས་རྒྱས་རྒྱ་མཚོ་མཐོང་བར་འགྱུར། །ཡང་ན་ཕྱོགས་རྣམས་ཐམས་ཅད་དུ། །སངས་རྒྱས་སྐུ་ནི་རབ་མཐོང་འགྱུར། །རྡོ་རྗེ་སེམས་དཔའི་གཟུགས་བཞིན་དུ། །རྡོ་རྗེ་ཅན་གྱིས་བདག་ཉིད་མཐོང་། །
D480.084.0181b07.01