完整藏文原文 · 德格版页 当前仅加载第 84 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེང་གི་སྒོ་ན་གནས། །དཔལ་བེའུ་སྙིང་ག་ལ་གནས་ཏེ། །ལྷག་པ་ལྷ་མོ་ཆེན་མོ་དཔལ། །འོག་གི་ཁ་ཡི་སྒོ་རུ་ནི། །གཤིན་རྗེའི་རྒྱལ་པོ་རྣམ་པར་བརྟེན། །རྫོང་དང་འཇིགས་བྱེད་ལྷ་མོ་ཆེ། །པུས་མོ་ལ་ནི་ཡང་དག་གནས། །རྐང་པའི་སོར་མོ་བཅུ་ལ་ནི། །མ་མོ་བཅུ་ནི་ཀུན་
D480.084.0176a01.01དུ་གནས། །དྲག་པོ་རྗེ་ངར་གནས་པ་ཉིད། །ཆུ་ཡི་ལྷ་མོ་རྒྱབ་ན་གནས། །དཔྱིད་དང་སོ་ག་དབྱར་དང་ནི། །སྟོན་དང་དགུན་དང་དགུན་སྨད་ལྷ། །གཡས་པ་དང་ནི་གཡོན་པ་ཡིན། །རྐང་པ་དག་ལ་ཡང་དག་གནས། །འོག་གི་འཁོར་ལོ་རྩིབས་སྟོང་ལ། །དྲག་པོའི་ཕུང་པོ་འཆིང་བ་དང་། །སྒྲ་གཅན་
D480.084.0176a02.01ཐགས་{བཟངས་,བཟང་}རིས་སྣང་བྱེད། །ལྷ་མ་ཡིན་རྣམས་ཀུན་དུ་གནས། །ལག་པ་བཅུ་ཡི་ཐལ་མོ་ལ། །ཕ་རོལ་ཕྱིན་པ་བཅུ་དག་གནས། །མངོན་པར་འདོད་པ་ཉིད་དག་གི །ལྷ་ཆེན་ལ་སོགས་འདི་དག་བྲི། །ཞལ་བཞི་ཕྱག་ནི་བརྒྱད་པ་སྟེ། །ཞལ་རེ་ཞིང་ནི་སྤྱན་གསུམ་པའི། །གོས་དང་གཟུགས་ནི་
D480.084.0176a03.01བཟང་པོར་ལྡན། །དེ་འདྲའི་རང་བཞིན་ཐུབ་པ་དགོད། །དེ་ཡི་ཕྱོགས་རྣམས་ཐམས་ཅད་དུ། །པདྨའི་སེམས་དཔའ་ཡང་དག་བྲི། །པདྨའི་སེམས་དཔའ་ལྕགས་ཀྱུ་དང་། །མདའ་དང་པདྨ་ལེགས་པར་སྦྱིན། །ནུབ་ཀྱི་ལྷོ་ཡི་ཕྱོགས་མཆོག་ཏུ། །རྡོ་རྗེ་ཤུགས་ཀྱིས་སོང་ནས་ཀྱང་། །དེ་ཡི་དབུས་སུ་
D480.084.0176a04.01སེམས་དཔའ་ཆེ། །རིན་ཆེན་པདྨ་ཡང་དག་བྲི། །ཞལ་ནི་བཅུ་གཉིས་ལྡན་པ་ཉིད། །ཕྱག་བཅུ་གཉིས་དང་ལྡན་པའི་མཆོག །རིན་ཆེན་པདྨར་ཡང་དག་བཞུགས། །རིན་ཆེན་ལས་ནི་འབྱུང་བར་འདོད། །དེ་ཡི་ཕྱོགས་རྣམས་ཐམས་ཅད་དུ། །པདྨའི་རིན་ཆེན་དྲ་སོགས་བྲི། །ཁྲོ་གཉེར་ཉི་མའི་རྒྱལ་
D480.084.0176a05.01མཚན་དང་། །དེ་བཞིན་ཞལ་ནི་བཅུ་གཅིག་པ། །ནུབ་ཀྱི་ཕྱོགས་ཀྱི་དཀྱིལ་འཁོར་དུ། །རྡོ་རྗེ་ཤུགས་ཀྱིས་སོང་ནས་ཀྱང་། །དེ་ཡི་དབུས་སུ་སེམས་དཔའ་ཆེ། །འོད་དཔག་མེད་ནི་དགོད་པར་བྱ། །པདྨ་ཆེན་པོ་རབ་སྟེར་བ། །པདྨ་གར་གྱི་དབང་ཕྱུག་གཙོ། །སྤྱན་དང་ཕྱག་ནི་སྟོང་པར་ལྡན། །
D480.084.0176a06.01ཕྱག་རྒྱ་མཚོན་ཆ་ཐམས་ཅད་བཅང་། །ཞལ་བཅུ་གཉིས་པ་བཟང་པོ་སྟེ། །པདྨའི་ལྷ་མོ་ཡང་དག་ལྡན། །ཕ་རོལ་ཕྱིན་པ་བཅུ་དང་ལྡན། །ཚོགས་ཀྱི་དབུས་ན་རྣམ་པར་རོལ། །དེ་ཡི་ཕྱོགས་རྣམས་ཐམས་ཅད་དུ། །པདྨའི་སེམས་དཔའ་ཡང་དག་བྲི། །སྒྲོལ་མ་གཞོན་ནུའི་མཐུ་ཅན་དང་། །མགྲིན་
D480.084.0176a07.01