完整藏文原文 · 德格版页 当前仅加载第 84 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དང་ཡང་དུ་སྤྲོ་བར་བྱ། །དེ་ལྟ་བུ་ཡི་སྦྱོར་བ་ཡིས། །རྡོ་རྗེ་རིན་ཆེན་དགའ་ཆེན་པོ། །ཐེ་ཚོམ་མེད་པར་དངོས་གྲུབ་ཀུན། །བཟླས་པ་ཙམ་གྱིས་འགྲུབ་པར་འགྱུར། །སྟོང་གསུམ་གྱི་ནི་འཇིག་རྟེན་འདིར། །རྡོ་རྗེ་ལས་སུ་རྣམ་པར་བསམ། །དེ་ཡི་ཐུགས་ཀར་ཞུགས་
D480.084.0234b01.01ནས་ནི། །སྣ་ཚོགས་རྣམ་འཕྲུལ་སྤྲོ་བར་བྱ། །དེ་ལྟ་བུ་ཡི་སྦྱོར་བ་ཡིས། །སྣ་ཚོགས་མཛོད་ནི་རབ་སྤྲོས་ནས། །ཐེ་ཚོམ་མེད་པར་དངོས་གྲུབ་ཀུན། །བཟླས་པ་ཙམ་གྱིས་འགྲུབ་པར་འགྱུར། །ཤིན་ཏུ་གསང་བ་འདི་ལྔ་ནི། །བཟླས་པ་གསང་བ་བླ་ན་མེད། །དེ་ལྟ་བུ་ཡི་སྦྱོར་
D480.084.0234b02.01བ་ཡིས། །སངས་རྒྱས་བྱང་ཆུབ་ཐོབ་པར་འགྱུར། །བཟླས་པའི་ཆོ་གའི་སྦྱོར་བ་འདི། །རྒྱུད་ཀྱི་སྙིང་པོ་ཀུན་བསྡུས་ཤིང་། །ཉོན་མོངས་ཐམས་ཅད་རབ་འཇོམས་ལ། །རིག་པ་འཛིན་པས་བཟླས་པར་བྱ། །བཟླས་པའི་སྦྱོར་བ་འདི་ཡིས་ནི། །རིག་པའི་བརྟུལ་ཞུགས་ངེས་པར་
D480.084.0234b03.01བླང་། །གལ་ཏེ་འདི་ནི་དངོས་གྲུབ་འདོད། །རྣལ་འབྱོར་པ་ཡིས་བརྟུལ་ཞུགས་བྱ། །བཟླས་བརྗོད་སྦྱིན་སྲེག་ཆོ་ག་ནི། །རྣལ་འབྱོར་མཆོག་ཏུ་བརྩོན་པར་བྱ། །ཐེག་པ་ཆེན་པོ་མངོན་བསྡུས་པ། །བྱེ་བ་གསུམ་ནི་ཡོངས་སུ་བཟླ། །བྱེ་བ་གསུམ་ནི་བཟླས་བྱས་ནས། །སྒྲུབ་
D480.084.0234b04.01པ་དག་ནི་བརྩམ་པར་བྱ། །བྱང་ཆུབ་སེམས་ནི་དགའ་ཆེན་པོ། །ཤེས་རབ་ཅན་གྱིས་དཀྱིལ་འཁོར་བྲི། །རྡོ་རྗེ་སེམས་དཔའ་རྒྱལ་པོ་ཆེ། །སེམས་ཅན་གཅིག་གིས་ཡང་དག་བྲི། །གང་ཕྱིར་རྒྱལ་པོ་མཆོག་གསང་དབང་། །རྡོ་རྗེ་མཆོག་ནི་རབ་སྟེར་བྱེད། །རྡོ་རྗེ་དབྱིངས་ཀྱི་
D480.084.0234b05.01སྦྱོར་བ་ཡིས། །དེ་ནི་སྔོན་དུ་ཡང་དག་བརྩམ། །ཤེས་རབ་ཅན་གྱིས་དཀྱིལ་འཁོར་བྲི། །ཁྲུ་ནི་བཅུ་པར་ཡང་དག་བྲི། །གྲུ་བཞི་པ་ལ་སྒོ་བཞི་པ། །རྟ་བབས་བཞེས་ནི་རྣམ་པར་བརྒྱན། །ཀ་བ་བརྒྱད་དང་ཡང་དག་ལྡན། །དར་གྱི་ཆུན་པོས་རྣམ་པར་བརྒྱན། །ཐིག་བཞི་དང་
D480.084.0234b06.01ནི་ཡང་དག་ལྡན། །ཁ་ཁྱེར་དག་གིས་ཤིན་ཏུ་སྤྲས། །རིན་ཆེན་དྲ་བས་ཡོངས་སུ་བྲེས། །གསེར་སྐུད་དྲིལ་བུ་གཡེར་ཁས་བརྒྱན། །སྒོ་ཁྱུད་དང་ནི་མཚམས་རྣམས་སུ། །རྡོ་རྗེ་འཆིང་བས་རབ་ཏུ་བཅིང་། །རྡོ་རྗེ་རིན་ཆེན་རབ་ཏུ་བཀོད། །རྡོ་རྗེ་ཐིག་གིས་ཐིག་བཏབ་པ། །
D480.084.0234b07.01