完整藏文原文 · 德格版页 当前仅加载第 84 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །བསོད་ནམས་ཚོགས་ནི་བསྐྱེད་པའི་ཕྱིར། །སངས་རྒྱས་མཆོད་པ་ཡང་དག་བྱ། །དེ་ནས་ཟས་ཀྱི་དུས་སུ་ནི། །རྣམ་པ་ཀུན་དུ་ཆང་བུ་སྦྱིན། །སངས་རྒྱས་རིག་པས་མངོན་བསྲུངས་ལ། །བཟའ་བདག་པ་དབུལ་བར་བྱ། །སངས་རྒྱས་བདག་ཉིད་བཟའ་བ་དབུལ། །
D480.084.0162b01.01ལེགས་པར་བགོས་ནས་བཟའ་བ་དབུལ། །སྔ་དྲོ་སྡོམ་པ་བླང་བྱ་སྟེ། །དེ་ཉིད་ཉིན་ཕྱེད་དང་མཚམས་སུ། །ཉིན་དང་མཚན་མོ་ལན་གསུམ་དུ། །སངས་རྒྱས་རྡོ་རྗེ་ནོར་བུ་དང་། །པདྨ་བྱེད་པའི་རྣལ་འབྱོར་གང་། །རྣམ་པ་བཞི་པོ་དེ་ལས་སྦྱོར། །སངས་རྒྱས་ཆོས་དང་ཚོགས་
D480.084.0162b02.01བྱང་ཆུབ། །ཉིན་དང་མཚན་ལ་རྣམ་པ་དྲུག །རྡོ་རྗེ་དྲིལ་བུ་ཚོགས་སློབ་དཔོན། །རྡོ་རྗེ་ཅན་རྣམས་དེ་བཞིན་དྲུག །ཟང་ཟིང་མི་འཇིགས་ཆོས་དང་ནི། །བྱམས་པ་ཉིན་ཞག་ཀུན་ལ་ཡང་། །ཆོས་གསུམ་ཚངས་པ་བཞི་ཞེས་པ། །རྣམ་པ་བརྒྱད་དུ་བཟླས་པར་བྱ། །འདི་ཡི་ཆོས་
D480.084.0162b03.01ཆེན་གསུམ་པོ་ལ། །རྟག་ཏུ་སྙོམས་པར་འཇུག་པར་བྱ། །གསང་མཆོག་དཀྱིལ་འཁོར་མཆོག་དང་ནི། །དེ་བཞིན་ལས་ཀུན་བྱེད་པའོ། །གང་དུ་སྡིག་པར་མི་འགྱུར་བའི། །ཐམས་ཅད་བཟའ་ཞིང་ཐམས་ཅད་ལེན། །ལུས་ནས་ལྷག་མར་གྱུར་བ་སྤང་། །དེ་བཞིན་
D480.084.0162b04.01དྲི་མ་ཐམས་ཅད་སྤང་། །ཉིན་རེ་ཞིང་ནི་ལན་གསུམ་དུ། །ཁྲུས་གསུམ་བྱ་ཞིང་གསང་བླང་བ། །གོས་ཀྱང་ལན་གསུམ་བརྗེ་བར་བྱ། །གཙང་གོས་ལན་གསུམ་ཡང་ནི་སྦྱིན། །ཤ་དང་ཆང་དང་བཙོང་ལ་སོགས། །དྲི་ངན་ཁ་ཡི་སྒྲེགས་པ་དང་། །འཁྲིག་པ་འདོད་དང་
D480.084.0162b05.01བསྟེན་པ་དང་། །སེམས་ཅན་འཚེ་ལ་དགའ་མི་བྱ། །བརྩོན་ཞིང་ལས་མཁས་སྤྱོད་པར་ལྡན། །སྒྲིན་ཞིང་དུལ་ལ་དགའ་དང་གཙང་། །བྱ་བ་བྱེད་ཅིང་བླ་མ་འཁུར། །དགེ་ལེགས་རྒྱན་ནི་འཆང་བར་བྱེད། །ཀུན་རྫོབ་དོན་དམ་རྣམ་པ་གཉིས། །བསླབ་པའི་སྡོམ་པ་
D480.084.0162b06.01བླང་བར་བྱ། །ཆུང་ངུ་བཟའ་ཞིང་བསྙེན་པར་བྱ། །ཁ་ནི་ནང་དུ་ལྟ་ཡིད་ཆེས། །སྔགས་དང་ཕྱག་རྒྱ་རིག་སྔགས་དང་། །གཟུངས་དང་ལྷ་དང་བླ་མ་དང་། །རྡོ་རྗེ་ལ་སོགས་མཚོན་ཆ་བཟང་། །ལྷ་ཡི་གནས་དང་ཡང་དག་ལྡན། །འཇིགས་མིན་གཡོ་དང་སྒྱུ་ཅན་མིན། །
D480.084.0162b07.01