完整藏文原文 · 德格版页 当前仅加载第 84 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་གསང་བའི་མདོ་སྡེའི་དབང་པོའི་རྒྱལ་པོ་ཤིན་ཏུ་གསང་བའི་རྣལ་འབྱོར་མཆོག་ཏུ་གསང་བ་རྟོག་པའི་རྒྱལ་པོ་ཆེན་པོ་རྡོ་རྗེ་རྩེ་མོ་ལས། རྡོ་རྗེ་རིགས་ཀྱི་དེ་ཁོ་ན་ཉིད་ཤིན་ཏུ་གསང་བའི་རྣམ་པར་བཤད་པ་སྟེ། ལེའུ་བཞི་པ་རྫོགས་སོ།། །།དེ་ནས་བཅོམ་ལྡན་འདས་རྣམ་པར་
D480.084.0273b01.01སྣང་མཛད་དེ་བཞིན་གཤེགས་པ་ཐམས་ཅད་དང་བཅས་པས། སླར་ཡང་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་རྡོ་རྗེ་སེམས་དཔའ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་པར་གྱུར་ཏོ། །རྡོ་རྗེ་ཧཱུྃ་མཛད་རྡོ་རྗེ་མཆོག །རྡོ་རྗེ་མཆོག་འཛིན་རྡོ་རྗེའི་
D480.084.0273b02.01མདའ། །རྡོ་རྗེ་ཁྲོ་གཉེར་རྡོ་རྗེའི་ལུས། །རྡོ་རྗེ་འབར་བ་རྒྱལ་མཚན་ཆེ། །རྡོ་རྗེ་གད་རྒྱངས་རྡོ་རྗེའི་བདག །རྡོ་རྗེ་སྡེ་སྟེ་ཆོས་མཆོག་འཛིན། །རྡོ་རྗེ་རྒྱལ་མཚན་ཤིན་ཏུ་རྣོ། །རྡོ་རྗེ་འཁོར་ལོ་བཟླས་པ་ཆེ། །ལས་ཀྱི་རྡོ་རྗེ་རྡོ་རྗེ་ཆེ། །རྡོ་རྗེ་གནོད་སྦྱིན་འཇིགས་ཆེན་པོ། །
D480.084.0273b03.01རྡོ་རྗེ་ཕྱག་རྒྱ་སྒྲ་ཆེན་པོ། །རྡོ་རྗེ་ཁུ་ཚུར་བརྟན་པ་ཆེ། །རྡོ་རྗེ་འབར་བ་རྡོ་རྗེ་ཆེ། །ལས་ཆེན་པོ་སྟེ་མདའ་ཆེན་པོ། །རྡོ་རྗེ་ལེགས་པ་དགའ་བ་ཆེ། །རྡོ་རྗེ་རྒྱན་ནི་འཕྲོག་བྱེད་པ། །རྡོ་རྗེ་འོད་དེ་རྒྱལ་མཚན་ཆེ། །རྡོ་རྗེའི་ཚེམས་ནི་རབ་དགའ་བ། །རྡོ་རྗེ་པདྨ་ཤིན་ཏུ་གཅོད། །
D480.084.0273b04.01རྡོ་རྗེ་དཀྱིལ་འཁོར་རྡོ་རྗེ་རིག །རྡོ་རྗེ་ལྗགས་ཏེ་སྣ་ཚོགས་ཆེ། །སྣ་ཚོགས་མཚོན་ཆེན་སྐྱེ་དགུ་མདའ། །གོ་ཆ་ཆེན་པོ་རྡོ་རྗེ་སྐུ། །རྡོ་རྗེ་མཆེ་བ་འཇིགས་བྱེད་པ། །རྡོ་རྗེ་བསྡམས་པ་རྡོ་རྗེ་ཆེ། །རྡོ་རྗེ་ཁྲོ་བོ་གཞུ་ཆེན་པོ། །རྡོ་རྗེ་ལྕགས་ཀྱུ་མཛོད་ཆེན་པོ། །ཞགས་
D480.084.0273b05.01པ་ཆེན་པོ་དབང་ཆེན་པོ། །རྡོ་རྗེ་ལྕགས་སྒྲོག་འབེབས་པ་ཆེ། །རྡོ་རྗེ་དབབ་པ་འཇིགས་བྱེད་པ། །ཡི་གེ་ཛཿསྟེ་ཡི་གེ་ཧཱུྃ། །ཡི་གེ་ཧཱུྃ་ནི་དམ་དུ་འཆིང་། །ཡི་གེ་ཧོཿསྟེ་ཡི་གེ་ཧཿ། །རྡོ་རྗེ་ཕྱག་རྒྱ་དྲེགས་པ་མཆོག །རྡོ་རྗེ་སེམས་དཔའ་ཁྲོ་བོ་ཆེ། །ལྕགས་ཀྱུ་བསྡིགས་མེད་རྡོ་རྗེ་
D480.084.0273b06.01ཁྲོ། །རྡོ་རྗེ་བདུད་དེ་བདུད་ཀྱི་མཆོག །བདུད་ཀྱི་བདུད་ནི་རབ་འཇོམས་པ། །རྡོ་རྗེ་དགའ་བ་ཞི་བ་ཆེ། །རྡོ་རྗེ་དཀའ་ཐུབ་ཤིས་མཛད་པ། །རྡོ་རྗེ་དྲག་པོ་ཤིན་ཏུ་གདུག །རྡོ་རྗེ་རང་དབང་རྡོ་རྗེ་མཛད། །རྡོ་རྗེ་འདོད་པ་ཁྲོ་བོ་ཆེ། །རྡོ་རྗེ་སྒྲ་སྟེ་སྒྲ་ཆེན་པོ། །སངས་རྒྱས་ཧཱུྃ་
D480.084.0273b07.01