完整藏文原文 · 德格版页 当前仅加载第 84 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་ཐམས་ཅད་སྲེག་བྱེད་པ། །ཡེ་ཤེས་དེ་རུ་འབྱུང་འགྱུར་ཏེ། །གཟུང་བ་དང་ནི་འཛིན་པ་སྤངས། །རྣམ་པར་མི་རྟོག་མཚུངས་མེད་པ། །བདག་མེད་དེ་བཞིན་སྟོང་པ་ཉིད། །མི་ཤེས་རི་བོ་འཇོམས་པར་བྱེད། །རྡོ་རྗེ་དང་མཚུངས་ཁོང་སྟོང་མེད། །རྡོ་རྗེའི་རང་བཞིན་
D480.084.0231b01.01སྙིང་པོ་ཆེ། །འཇིག་ཚོགས་རི་བོ་བརྟན་པ་ནི། །རྡོ་རྗེ་དེས་ནི་འཇོམས་པར་བྱེད། །དེ་ཕྱིར་རྡོ་རྗེའི་རང་བཞིན་བསྟན། །དེ་བས་རྡོ་རྗེའི་རྣལ་འབྱོར་བས། །ཟླ་བའི་དབུས་སུ་ཟླ་བ་མཚུངས། །ཟླ་བ་གཉིས་དབུས་རྡོ་རྗེ་ཡིས། །རྡོ་རྗེའི་ཡེ་ཤེས་བརྟན་པར་བྱ། །སྟོང་ཉིད་དེ་བཞིན་ཉིད་
D480.084.0231b02.01དེ་ཉིད། །ཡང་དག་མཐའ་དང་འདུས་མ་བྱས། །སྐྱེ་བ་མེད་ཅིང་འགག་པ་མེད། །ཡི་གེ་ཧཱུྃ་ནི་བསྒོམ་པར་བཤད། །ཆོས་ཀྱི་དབྱིངས་ནི་བརྟན་པ་མཆོག །ནམ་མཁའི་དབྱིངས་དང་མཚུངས་པ་ནི། །ཟླ་བའི་དབུས་སུ་བསྒོམ་པར་བྱ། །ཧཱུྃ་གི་སྦྱོར་བ་དེ་ཡིས་ནི། །རྡོ་རྗེའི་
D480.084.0231b03.01མཆོག་ནི་བསྒོམ་པར་བྱ། །ལུས་ཀུན་ལ་ནི་སྤྲོ་བྱ་ཞིང་། །སྟོང་པ་ཉིད་དང་མཚུངས་པར་སྤྲོས། །གཟུགས་འདི་ཉིད་ནི་མིང་ཙམ་སྟེ། །དངོས་པོ་འགའ་ཡང་ཡོད་མ་ཡིན། །ཆ་ཤས་ཀྱིས་ནི་རྣམ་དཔྱད་ན། །གཟུགས་ཞེས་བྱ་བ་ཡོད་མ་ཡིན། །དེ་དག་ཕྲ་རབ་རྣམ་བརྟགས་
D480.084.0231b04.01ཀྱང་། །ཕྲ་རབ་ཞེས་བྱ་ཡོད་མ་ཡིན། །འཇིག་རྟེན་ཀུན་རྫོབ་ཅེས་བྱ་སྟེ། །དམ་པའི་དོན་དུ་ཡོད་མ་ཡིན། །དེ་ལྟ་བུ་ཡི་རང་བཞིན་དུ། །གཟུགས་ཞེས་བྱ་བ་ཡོད་མ་ཡིན། །གཟུགས་དེ་ཡོད་པ་མ་ཡིན་ན། །ཇི་ལྟར་ཡོད་ཅེས་བྱ་བ་ཡིན། །གལ་ཏེ་གཟུགས་དེ་ཡོད་
D480.084.0231b05.01མིན་ན། །མིང་ཡང་དེ་ལ་ཡོད་མ་ཡིན། །མིང་ནི་གང་ལས་ཡང་དག་བྱུང་། །མིང་ཞེས་བྱ་བ་ཅི་འདྲ་བར། །དངོས་ཞེས་བྱ་བ་དེ་དང་མཚུངས། །མིང་དེས་སོ་སོར་བརྟགས་བྱས་ན། །གནས་གང་ཞིག་ན་རབ་ཏུ་གནས། །དངོས་པོ་གཅིག་ནི་རྣམ་ཕྱེ་ན། །མིང་ནི་མང་པོ་ཡང་
D480.084.0231b06.01དག་བྱུང་། །རེ་རེ་ཡི་ནི་དབྱེ་བ་ཡིས། །སྔར་གྱི་མིང་ནི་ཉམས་པར་འགྱུར། །དེ་ལ་མིང་ནི་ཡོད་མིན་པ། །མིང་ནི་ཡང་དག་འབྱུང་བ་མེད། །གང་ལ་མིང་ནི་ཡོད་མིན་ན། །ཇི་ལྟར་མིང་དུ་བརྗོད་པར་བྱ། །གང་གིས་མིང་ནི་རབ་གནས་པ། །རྣམ་པ་ཀུན་དུ་དམིགས་མི་འགྱུར། །
D480.084.0231b07.01