完整藏文原文 · 德格版页 当前仅加载第 84 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བ་མ། །རླུང་ལྷ་རྡོ་རྗེ་ཤུགས་ཅན་མ། །ལུས་ངན་མ་ནི་རྡོ་རྗེ་གདེངས། །མེ་ལྷ་དེ་བཞིན་རྡོ་རྗེ་འབར། །ཕག་མོ་རྡོ་རྗེ་གདོང་ཅན་མ། །རྡོ་རྗེ་ནག་མོ་ཙ་མུཎྜི། །ཆུ་ལྷ་རྡོ་རྗེ་ཆུ་སྲིན་མ། །སྣ་ཆད་མ་ནི་སྤྲུལ་མོ་སྟེ། །དེ་འདྲ་ལ་སོགས་གྲངས་མེད་པ། །
D480.084.0248a01.01ལྷ་མོ་རྣམས་ནི་དབང་བསྐུར་གྱུར། །རང་རང་རིགས་ནི་རྟོགས་ནས་སུ། །ཇི་བཞིན་ལྷ་ཡི་བདག་པོར་བཤད། །དེ་ནས་ཕྱག་རྒྱ་བཅིང་བ་བྱིན། །དེ་བཞིན་དམ་ཚིག་སྙིང་པོའོ། །ལྷ་རྣམས་ཀུན་གྱི་བདག་པོ་ཀུན། །བཀུག་ནས་དེ་བཞིན་དབང་དུ་འགྱུར། །རྡོ་རྗེ་ཕྱག་རྒྱ་གཉིས་
D480.084.0248a02.01བཅིངས་ནས། །སྡིགས་མཛུབ་དང་ནི་ལྕགས་ཀྱུ་བཅིངས། །འཆིང་བ་དང་ནི་གྲོལ་བྱེད་པར། །དངོས་པོ་བྱ་བའི་དོན་སེམས་དཔའ། །དེ་ཡི་མདུན་དུ་ཁྱེད་རྣམས་ནི། །བྱ་བ་བསྒྲུབ་ཕྱིར་གནས་པར་གྱིས། །ཁྱོད་ཀྱི་སྲོག་ནི་ཉམས་གྱུར་པའི། །དེ་བཞིན་དམ་ཚིག་སྦྱིན་མི་བྱ། །
D480.084.0248a03.01རྒྱ་ཆེར་ཕྱག་རྒྱ་ཆེན་པོར་ནི། །ཐེག་པ་ཆེན་པོ་མངོན་བསྡུས་པས། །རྡོ་རྗེ་རྣལ་འབྱོར་སྦྱོར་བྱེད་པ། །དེ་ཉིད་ཅེས་བྱ་བསྟན་པ་ཡིན། །དཀྱིལ་འཁོར་མཆོག་རྣམས་དེ་དག་དང་། །དེ་བཞིན་ལྷ་ལ་སོགས་པ་ཀུན། །བཀུག་ཅིང་རབ་ཏུ་བཅུག་པར་གྱུར། །རྡོ་རྗེ་ཅན་གྱིས་དབང་
D480.084.0248a04.01བྱས་ནས། །རྡོ་རྗེ་ཐམས་ཅད་དབང་བསྐུར་གྱུར། །རྡོ་རྗེ་མིང་གིས་མཚན་པར་བྱས། །ལྷ་ཆེན་པོ་ནི་གཅིག་པུ་ཉིད། །ཞབས་ཀྱིས་འོག་ཏུ་བརྡབས་ནས་བཞག །འཇིག་རྟེན་གདུག་པ་ཆེར་གྱུར་པ། །གདུག་པའི་སྙིང་པོ་ཞེས་བྱར་གྲགས། །གདུག་པའི་དཀྱིལ་
D480.084.0248a05.01འཁོར་རྒྱལ་པོ་ཡི། །སེམས་ཅན་འོངས་པར་ཐེ་ཚོམ་མེད། །ཐང་ཅིག་ཚེས་གྲངས་རེ་རེ་མ། །གང་དུ་ཟླ་གཅིག་དཀྱིལ་འཁོར་དུ། །སེམས་ཅན་སྟོང་ཕྲག་བརྒྱ་དག་ནི། །སྐད་ཅིག་དེ་ལ་སྡུག་བསྔལ་བྱེད། །ཡིད་ནི་ཉེ་བར་འཇལ་བར་བྱེད། །མདངས་ནི་ཉེ་བར་
D480.084.0248a06.01འཕྲོག་པའི་ནད། །མི་ཡི་སྐྱེ་བོ་གསོད་པ་དང་། །ཐ་ན་དུག་ཆེན་ཉིད་དང་ནི། །གྲོང་ཁྱེར་དང་ནི་གྲོང་རྡལ་དང་། །གྲོང་དག་འཇོམས་པར་བྱེད་པ་དག །སེམས་ཅན་རྣམས་ནི་གཅོད་བྱེད་དང་། །སྐྱེ་བོ་སྟོང་པ་སྦྱོར་བྱེད་དང་། །དེ་ལྟར་དྲག་ཅིང་འཇིགས་སུ་རུང་། །
D480.084.0248a07.01