完整藏文原文 · 德格版页 当前仅加载第 84 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་མོ་དང་བཅས་ཕྱག་རྒྱ་ཡི། །སྦྱོར་བས་རྡོ་རྗེ་ཅན་དབང་བསྐུར། །རྡོ་རྗེའི་ལས་སུ་ཡང་དག་བྱའོ། །བདག་ཉིད་ཀྱི་ནི་མཁའ་དབྱིངས་སུ། །སངས་རྒྱས་ཐམས་ཅད་མོས་བྱས་ཏེ། །སངས་རྒྱས་ཀུན་གྱི་རང་བཞིན་ཉིད། །དབང་བསྐུར་བར་ནི་ཡང་དག་བྱ། །
D480.084.0171a01.01རྡོ་རྗེ་ཆོས་འཛིན་རྒྱལ་པོ་རུ། །དཀྱིལ་འཁོར་བཀོད་ལ་བརྟག་པར་བྱ། །སངས་རྒྱས་ཐམས་ཅད་དགུག་བྱ་ཞིང་། །རྡོ་རྗེ་ཅན་རྣམས་མཆོག་ཞུགས་བྱ། །བསྒྲུབ་པ་དང་ནི་དབང་དུ་བྱ། །བྱ་བ་འདི་ནི་མཆོག་ཡིན་ནོ། །རང་གི་རིགས་ཀྱི་དཀྱིལ་འཁོར་དུ། །གནས་དེ་
D480.084.0171a02.01ལྷག་པར་མོས་པར་བྱ། །འཁོར་ལོ་ཇི་བཞིན་བཀོད་ཇི་བཞིན། །ཕྱག་རྒྱ་ཇི་བཞིན་དབང་བྱས་པའོ། །ལས་ཀྱི་རྒྱལ་པོ་མཆོག་ཅེས་བྱ་བའི་ཏིང་ངེ་འཛིན་ཏོ།། །།རང་ཉིད་ཁྲུས་བྱས་ཡན་ལག་བྱུགས། །རྒྱན་དང་གོས་ནི་སྣ་ཚོགས་ལྡན། །དཔུང་རྒྱན་གདུ་བུ་ཉིད་
D480.084.0171a03.01དང་ནི། །དེ་བཞིན་སོར་གདུབ་དབུ་རྒྱན་བཅས། །གསེར་སྐུད་མུ་ཏིག་དང་ལྡན་པའི། །ལག་པ་རྐང་པ་དེ་ནས་སྐེ། །ལུས་ཀུན་རྣམ་པར་བརྒྱན་འགྱུར་བ། །དེ་བཞིན་ཀོ་ཤའི་རས་ལྷག་པའི། །གོས་དག་བཟང་པོ་བགོས་ཞིང་བསང་། །ཡང་ན་ཆོས་གོས་
D480.084.0171a04.01འཛིན་པ་སྟེ། །སངས་རྒྱས་ཕྱག་རྒྱ་རྒྱལ་མཚན་བཞིན། །གལ་ཏེ་སྐྲ་བྲེགས་དགེ་སློང་སྟེ། །རིང་ཞིང་འཁྱིལ་ལ་མདོག་སྔོ་བའི། །སྐྲ་ནི་སྔོན་པོ་བཅིང་བར་བྱ། །ཡང་ན་རང་གི་མགོ་ལ་སྐྱེས། །བདག་ཉིད་རྡོ་རྗེ་སེམས་དཔའ་འམ། །ཡང་ན་རྡོ་རྗེ་ལས་སུ་
D480.084.0171a05.01བྱ། །རྣལ་འབྱོར་རང་བཞིན་གསང་མེད་པར། །དངོས་གྲུབ་བཟང་པོ་ཐོབ་མི་འགྱུར། །དཀྱིལ་འཁོར་དབུས་སུ་མཉམ་པ་རུ། །ཅི་རིགས་པར་ནི་འདུག་ནས་སུ། །ཤར་དུ་ཁ་བལྟས་ལངས་ནས་ནི། །ཁེངས་པ་མེད་ཅིང་མ་འཁྲུལ་བར། །རྡོ་རྗེ་སེམས་
D480.084.0171a06.01དཔར་ཡོངས་སུ་བསྐོར། །མཚན་བརྒྱ་རྩ་བརྒྱད་དམ་པ་ནི། །ལན་ཅིག་ཏུ་ནི་བརྗོད་པར་བྱ། །བསྟོད་པ་བྱས་ནས་རང་བདག་ཉིད། །དངོས་གྲུབ་སྦྱོར་བ་ཡང་དག་བྱ། །སྙིང་རྗེ་ཆེན་པོ་སྦྱོར་བ་ཡིས། །བདག་གིས་དྲང་སྲོང་བསྐུལ་བར་བྱ། །རྡོ་རྗེ་སེམས་དཔའ་
D480.084.0171a07.01