完整藏文原文 · 德格版页 当前仅加载第 84 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་མོངས་སྤོང་། །རྣལ་འབྱོར་ལྡན་ཞིང་བརྟུལ་ཞུགས་ཆེ། །མི་ཤེས་ལིང་ཏོག་འཇོམས་བྱེད་པ། །དེ་ནི་སེམས་དཔའ་མཁས་པར་བརྗོད། །འདིར་ནི་བྱང་ཆུབ་སེམས་དཔའ་གང་། །ཆོས་ཀྱི་དེ་ཉིད་རྟོགས་གྱུར་ཅིང་། །འཁོར་བའི་གནས་ནས་སད་འགྱུར་ཏེ། །སེམས་
D480.084.0150b01.01ཅན་རྣམས་ནི་སད་བྱེད་པ། །དེ་ནི་བྱང་ཆུབ་སེམས་དཔར་བརྗོད། །རྫོགས་པའི་བྱང་ཆུབ་རྣམ་པ་དུ། །དེ་ལ་བྱང་ཆུབ་རྣམ་གསུམ་སྟེ། །དམན་དང་མཆོག་དང་བར་མའོ། །དམན་པ་ཉན་ཐོས་སེམས་ཡིན་ཏེ། །བར་མ་རང་རྒྱལ་བྱང་ཆུབ་བོ། །མཆོག་ནི་བྱང་ཆུབ་སེམས་
D480.084.0150b02.01ཡིན་ཏེ། །དེ་ནི་མི་འགྱུར་རྡོ་རྗེ་ཡིན། །སྐུ་གསུང་ཐུགས་རྣམས་གཞག་པ་གང་། །བྱང་ཆུབ་མཆོག་ཏུ་བརྗོད་པར་བྱ། །ཅི་ཕྱིར་རྡོ་རྗེ་སེམས་དཔའ་ཡིན། །བྱང་ཆུབ་མཆོག་གི་ཡེ་ཤེས་གང་། །དེ་ནི་རྡོ་རྗེ་ངེས་པར་བརྗོད། །ཡེ་ཤེས་རྡོ་རྗེ་ལས་བྱུང་བ། །དེ་ནི་རྡོ་རྗེ་སེམས་དཔར་
D480.084.0150b03.01བརྗོད། །རྡོ་རྗེ་འཆང་བ་ཀུན་གྱི་རྒྱལ། །ཅི་ཡི་ཕྱིར་ན་སེམས་དཔར་བརྗོད། །རྡོ་རྗེ་སེམས་དཔའ་མགོན་པོ་ཆེ། །དགའ་ཆེན་དེ་ནི་ཆགས་སམ་ཅི། །སེམས་ཅན་ཐམས་ཅད་དགྲོལ་བའི་ཕྱིར། །སེམས་ཅན་རྣམས་ལ་ཆགས་པ་སྟེ། །དེ་ནི་རྡོ་རྗེ་འཛིན་རྒྱལ་པོ། །རྡོ་རྗེ་སེམས་
D480.084.0150b04.01དཔའ་ཞེས་སུ་བསྒྲགས། །བྱང་ཆུབ་སེམས་ཀྱི་འབྲས་བུ་སྟེ། །སངས་རྒྱས་ཡེ་ཤེས་བླ་མེད་གང་། །དེ་ནི་རྡོ་རྗེ་སེམས་རང་བཞིན། །ཆོས་དང་ལོངས་སྤྱོད་སྤྲུལ་པའོ། །རྡོ་རྗེ་རྒྱལ་པོ་ཅི་ཡིན་བརྗོད། །རྡོ་རྗེ་རིགས་ཀུན་རྒྱལ་པོ་སྟེ། །རྡོ་རྗེ་ལྕགས་ཀྱུ་ཞེས་སུ་བརྗོད། །
D480.084.0150b05.01དགུག་དང་དབབ་པའི་རྡོ་རྗེ་ནི། །དེ་ནི་རྡོ་རྗེ་རྒྱལ་པོར་བརྗོད། །བསྡུ་བ་ཡི་ནི་དངོས་པོ་བཞི། །བཅོམ་ལྡན་འདས་ཀྱིས་གང་སྤྱད་པ། །སེམས་ཅན་དགུག་པའི་ཐབས་ཞེས་པ། །རྡོ་རྗེ་རྒྱལ་པོར་ཡང་དག་བྱུང་། །རྡོ་རྗེ་ཆགས་པ་འདི་དོན་ཅི། །སངས་རྒྱས་ཐམས་ཅད་མཉེས་བྱེད་པ། །
D480.084.0150b06.01རྗེས་སུ་ཆགས་པ་ཞེས་སུ་བརྗོད། །རྡོ་རྗེ་ཆགས་པ་བདུད་ཆེན་པོ། །དེ་ནི་རྡོ་རྗེ་ཆགས་པར་བརྗོད། །སེམས་ཅན་སྨིན་ཕྱིར་བཅོམ་ལྡན་ཀྱིས། །གང་ཚེ་བྱང་ཆུབ་སྤྱོད་པ་སྤྱད། །བྱང་ཆུབ་སྤྱོད་པ་རྗེས་ཆགས་པ། །རྡོ་རྗེ་ཆགས་པར་ཡང་དག་འབྱུང་། །རྡོ་རྗེ་ལེགས་པ་ཅི་ཡིན་
D480.084.0150b07.01