完整藏文原文 · 德格版页 当前仅加载第 84 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་འཕགས་པ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །སངས་རྒྱས་ཀུན་གྱི་བྱང་ཆུབ་གང་། །དེ་ནས་རྡོ་རྗེ་ཅན་དུ་གྱུར། །བྱང་ཆུབ་སེམས་གང་དེ་རྡོ་རྗེ། །རྡོ་རྗེ་གང་ཡིན་དྲག་པོ་འཛིན། །དེ་རྣམས་ཀྱིས་གསོལ་པ། སངས་རྒྱས་
D480.084.0245b01.01ཐམས་ཅད་རབ་ཏུ་ཞི། །དེ་ནི་བྱང་ཆུབ་དེ་དང་མཚུངས། །བརྩེ་དང་བྱང་ཆུབ་སེམས་ལས་བྱུང་། །དེ་འདྲའི་དྲག་པོ་ག་ལས་བྱུང་། །བཅོམ་ལྡན་འདས་ཀྱིས་བཀའ་སྩལ་པ། །འདི་ནི་ཐབས་ཀྱིས་འདུལ་བ་སྟེ། །གདུག་པ་ཐམས་ཅད་རབ་འདུལ་བྱེད། །དཔལ་ལྡན་
D480.084.0245b02.01རྡོ་རྗེ་འཛིན་པ་འདི། །བྱང་ཆུབ་སེམས་ལས་ཡང་དག་བྱུང་། །དེ་ནས་རྒྱལ་པོ་རྡོ་རྗེ་འཛིན། །རྡོ་རྗེ་ཁྲོ་བོ་བདག་ཆེན་པོས། །ལྷ་ཚོགས་ཀུན་ལ་བོས་ནས་ནི། །དབང་ཕྱུག་ཆེན་པོ་ལ་གསུངས་པ། །ང་ཡི་བསྟན་པའི་བཀའ་དག་ནི། །ཀྱཻ་གདུག་པ་དག་མཉན་པར་གྱིས། །
D480.084.0245b03.01མིན་ན་རྡོ་རྗེ་འབར་བ་ཡིས། །རིགས་དང་བཅས་པ་ང་ཡིས་སྲེག །ཁྱབ་འཇུག་ལ་སོགས་ལྷ་རྣམས་ཀྱིས། །ཚིག་གཅིག་ཏུ་ནི་འདི་སྐད་ཞུས། །གཙོ་བོས་ཇི་ལྟར་བཀའ་སྩལ་པ། །རྒྱལ་པོ་ཆེན་པོ་དེ་བཞིན་བགྱི། །དེ་ནས་ལྷ་ཆེན་གྱིས་སྨྲས་པ། །རྡོ་རྗེ་གནོད་སྦྱིན་ངས་མི་
D480.084.0245b04.01ཤེས། །ང་ནི་རང་ཉིད་རྒྱལ་པོ་སྟེ། །ང་ཡི་བཀའ་ནི་མཉན་པར་གྱིས། །ལྷ་ཆེན་པོ་ཡི་ཚིག་གསན་ནས། །རྡོ་རྗེ་ཁྲོ་བོ་རབ་འབར་བས། །རྡོ་རྗེ་གནོད་སྦྱིན་འཇོམས་ཞེས་པ། །ཁྲོ་བོའི་རྒྱལ་པོ་ཡང་དག་བརྗོད། །ཨོྃ་བཛྲ་ནི་སུམྦྷ་ཧཱུྃ། ཤིན་ཏུ་གཏུམ་པ་སྟོབས་ཆེན་པོ། །
D480.084.0245b05.01ཁྲོ་བོ་འདི་ནི་བརྗོད་པ་ཡིས། །དབང་ཕྱུག་ཆེན་པོ་བརྒྱལ་གྱུར་ནས། །དེ་བཞིན་ས་ལ་འགྱེལ་བར་གྱུར། །གཡོ་མེད་འཆི་བའི་དབང་དུ་གྱུར། །ཤིང་འགྱེལ་བཞིན་དུ་གནས་པར་གྱུར། །འགུལ་བ་མེད་ཅིང་གཡོ་བ་མེད། །རྡོ་རྗེ་ཁྲོ་བོས་གདུངས་པར་གྱུར། །བཅོམ་
D480.084.0245b06.01ལྡན་འདས་ཀྱིས་བཀའ་སྩལ་པ། །རྡོ་རྗེ་ཁྲོ་བོ་ཐམས་ཅད་མཁྱེན། །བདག་ཉིད་ཆེན་པོ་འདི་ཡིས་ནི། །སྲོག་གི་རྒྱུ་ནི་ཟད་པ་དང་། །དེ་ཉིད་ཉམས་པར་ཅི་ཕྱིར་བྱེད། །དེ་ནས་རྒྱལ་པོ་རྡོ་རྗེ་འཛིན། །སངས་རྒྱས་ཐུགས་རྗེས་བསྐུལ་བ་ཡིན། །རྡོ་རྗེ་ཚེ་ཞེས་བྱ་བ་སྟེ། །རྡོ་རྗེའི་
D480.084.0245b07.01