完整藏文原文 · 德格版页 当前仅加载第 84 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་བཞི་ནི་འགྲུབ་པར་འགྱུར། །ཨོྃ་བཛྲ་དྷ་ར་གུ་ཧྱ་སིདྡྷ་ཧཱུྃ། རྡོ་རྗེ་བྱ་བའི་སྦྱོར་བ་དང་། །རྡོ་རྗེ་ཕྱག་རྒྱ་བསྡུས་པ་དང་། །རྡོ་རྗེ་ཁྲོ་བོ་སྙོམས་འཇུག་དང་། །རྡོ་རྗེ་ཁུ་ཚུར་སྦྱོར་བ་དང་། །དམ་ཚིག་མཆོག་ནི་འདི་དག་དང་། །ཧཱུྃ་གི་སོར་མོའི་སྦྱོར་བ་དང་། །ཆོས་ཀྱི་ཕྱག་རྒྱ་དེ་བཞིན་
D480.084.0270b01.01འདིར། །ཨོཾ་ལ་སོགས་པའི་ཡི་གེ་དང་། །སྦྱིན་སྲེག་ཆོ་ག་འདི་ཡིས་ནི། །ཡེ་ཤེས་ཕྱག་རྒྱ་རབ་བསྒྲུབ་བྱ། །རྒྱས་པ་རུ་ནི་ཐམས་ཅད་དག །གསང་བའི་རྒྱུད་དུ་རབ་ཏུ་བཤད། །ཆོ་གའི་སྦྱོར་བ་འདི་ཡིས་ནི། །རྡོ་རྗེ་སློབ་དཔོན་དཀའ་ཐུབ་ཆེས། །ཚེ་འདི་ཉིད་ལ་སངས་རྒྱས་ནི། །
D480.084.0270b02.01མཆོག་ཉིད་བསྒྲུབ་པར་འགྱུར་བ་ཡིན། །རྡོ་རྗེ་རིགས་ཆེན་ཡིད་འོང་བ། །རྒྱུད་ཆེན་ཀུན་ལས་བཏུས་པ་ལ། །གང་ཞིག་མངོན་པར་བརྩོན་འགྱུར་བ། །དོན་ཡོད་པ་ཡི་དངོས་གྲུབ་འགྱུར། །ཚོགས་ནི་བསགས་པ་མེད་པ་དང་། །སངས་རྒྱས་མཐོང་བ་མེད་པ་རུ། །གསང་བའི་སྙིང་པོ་ཆེན་པོ་འདི། །
D480.084.0270b03.01ཐོས་པ་ཙམ་དུ་འང་མི་འགྱུར་རོ། །གསང་བའི་རྣལ་འབྱོར་གྱི་ཆོ་ག་རྫོགས་སོ།། །།དེ་ནས་གསང་བའི་ཕྱག་རྒྱ་བཞི། །དཀྱིལ་འཁོར་མཁས་པས་བསླབ་པར་བྱ། །ཡེ་ཤེས་དེ་ཉིད་གསང་བ་ཡང་། །ཡོངས་སུ་བསྒྲུབས་པར་རབ་ཏུ་བསྐོར། །ཤིན་ཏུ་གསང་བ་ཆེན་པོ་ནི། །དངོས་པོ་ཐམས་ཅད་
D480.084.0270b04.01ཁྱབ་ལ་དགོད། །འདི་ནི་རྡོ་རྗེ་དྲག་པོ་བཞི། །རང་ཉིད་ལྔ་པ་དང་བཅས་པ། །གསང་བ་བརྗོད་དུ་མེད་པ་མཆོག །ཡེ་ཤེས་མཆོག་གི་ཚུལ་ཐོབ་བྱེད། །བདེ་བ་ཆེན་པོ་རབ་གྲུབ་དོན། །དགའ་བ་ཆེན་པོ་ཤིན་ཏུ་བརྟན། །ཨོྃ་སརྦ་ཏ་ཐཱ་ག་ཏ་བཛྲ་ས་མ་ཡེ་ཧཱུྃ། ཧཱུྃ་བཛྲ་མ་ཊ། ཨོྃ་བཛྲ་པྲ་ཏི་བྷྲྀ་ཀུ་ཊཱི་བཛྲ་ར་
D480.084.0270b05.01ཏ། ཨོྃ་བཛྲ་པདྨ་བཛྲ་ཏི་ཏ། །ཨོྃ་བཛྲ་ཀརྨ་ཨ་ཏྲི་ཀྲོ་དྷ། ཤར་དང་ལྷོ་ཡི་ཕྱོགས་ཆ་དང་། །ནུབ་དང་བྱང་གི་ཕྱོགས་ཆ་དང་། །དབུས་དང་ཕྱོགས་བཞི་དག་དང་ནི། །སྦྱོར་བས་ཕྱག་རྒྱ་དགོད་པར་བྱ། །ཕྱག་རྒྱའི་དཀྱིལ་འཁོར་དམ་པ་ནི། །ཐམས་ཅད་བྲི་ཞིང་དགོད་པར་བྱ། །རྡོ་རྗེ་སེམས་དཔའ་རྒྱལ་
D480.084.0270b06.01པོ་ཆེ། །མཐོང་འགྱུར་འདི་ལ་ཐེ་ཚོམ་མེད། །ཇི་སྐད་བཤད་པའི་རྣལ་འབྱོར་བཞིན། །རྡོ་རྗེ་རྣལ་འབྱོར་རྗེས་སྦྱོར་སྐྱེས། །རྣལ་འབྱོར་དག་ནི་ལྷག་མ་དག །དེ་དག་ཐམས་ཅད་བརྟན་པར་བྱ། །ཤིན་ཏུ་གསང་བ་དེ་ཉིད་ཆེ། །མཆོག་ཏུ་གསང་བ་དེ་ཉིད་མཆོག །གསང་བ་ཆེན་པོ་གསང་བ་འཛིན། །
D480.084.0270b07.01