完整藏文原文 · 德格版页 当前仅加载第 84 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀུན་གྱི་གསང་ཆེན་ནི། །རྒྱུད་དོན་ཡང་དག་བྱུང་བ་ཡིན། །རྡོ་རྗེ་འཆང་དྲག་འདི་ཅི་ཞིག །སངས་རྒྱས་གཟུགས་ཀྱིས་མི་འདུལ་བའི། །སེམས་ཅན་གདུག་ཚོགས་དེ་ཡི་ཕྱིར། །རང་གི་ཡེ་ཤེས་བྱང་ཆུབ་སེམས། །རྡོ་རྗེ་དྲག་པོར་ཡང་དག་འབྱུང་། །དྲག་
D480.084.0149a01.01པོའི་དོན་ནི་ཇི་ལྟར་འབྱུང་། །དྲག་པོ་དྲག་པོའི་མིག་གིས་ནི། །དྲག་པོའི་ཁྲོ་བོ་ཞེས་སུ་བསྟན། །དྲག་པོའི་ལས་ནི་སྤྱོད་བྱེད་རྣམས། །འཆོས་ཤིང་བཟློག་པར་བྱ་བ་ཡིན། །རྡོ་རྗེ་ཞི་བ་འདི་ཅི་ཞིག །གདུག་པ་དེ་ཀུན་བཏུལ་ནས་ནི། །སླར་ཡང་ཞི་བར་ཡང་དག་བྱུང་། །དེ་ཉིད་རྒྱལ་པོ་རྡོ་རྗེ་
D480.084.0149a02.01འཆང་། །སེམས་ཅན་དོན་གྱི་ཐབས་སྟོན་མཛད། །བཅོམ་ལྡན་རྣམ་པར་སྣང་མཛད་ནི། །ཁྲོ་བོའི་དབང་ཕྱུག་དག་ཏུ་བསྟན། །དེ་ཉིད་ཞི་དང་དྲག་པོ་དང་། །ཕྱག་ན་རྡོ་རྗེ་རྫུ་འཕྲུལ་ཆེ། །ཅི་ཡི་ཕྱིར་ན་ཞི་བར་བརྗོད། །སྣ་ཚོགས་གཟུགས་ཅན་རྣལ་འབྱོར་ཆེ། །སེམས་ཅན་སྨིན་བྱ་འབའ་
D480.084.0149a03.01ཞིག་ཕྱིར། །ཉོན་མོངས་གདུག་ལ་བརྩེར་དགོངས་ཤིང་། །ཞི་བའི་དོན་ནི་ཡང་དག་བྱུང་། །ཕྱག་ན་རྡོ་རྗེ་ཅི་ཡི་ཕྱིར། །ཉོན་མོངས་གདུག་པ་ཉེས་གཞོམ་ཕྱིར། །བྱང་ཆུབ་སེམས་ཀྱི་རང་བཞིན་བཟང་། །རྡོ་རྗེ་ཕྱག་ན་བསྣམས་མཛད་པ། །དེ་ནི་ཕྱག་ན་རྡོ་རྗེར་བརྗོད། །དུས་གསུམ་
D480.084.0149a04.01བདུད་རྣམས་དེ་བཞིན་དུ། །མི་མཐུན་ཕྱོགས་ཀྱིས་མི་ཤིགས་པ། །བྱང་སེམས་རང་བཞིན་རྡོ་རྗེ་ནི། །སངས་རྒྱས་ཀུན་གྱི་བསྟན་པའི་ཚོགས། །དེ་ནས་སངས་རྒྱས་ཀུན་དང་ལྡན། །གསང་ཆེན་རྡོ་རྗེ་དེ་ལྟ་བུ། །ཕྱག་ན་རྟག་ཏུ་བསྣམས་པས་ན། །དེ་ནི་ཕྱག་ན་རྡོ་རྗེར་བརྗོད། །རྡོ་རྗེ་
D480.084.0149a05.01གཏུམ་པའི་དོན་ཅི་ཞིག །རྡོ་རྗེ་གཏུམ་པོ་གནོད་སྦྱིན་ཆེ། །རྡོ་རྗེ་གནོད་སྦྱིན་ཤིན་ཏུ་བརྟན། །ང་རྒྱལ་ཉོན་མོངས་ཞགས་པ་ཟ། །བྱང་ཆུབ་སེམས་དཔའ་རང་བྱུང་བ། །ཅི་ཡི་ཕྱིར་ན་གཏུམ་པོར་བརྗོད། །གཏུམ་གདུག་དྲག་པོ་ཆེན་པོ་ནི། །རང་བྱུང་ང་ཉིད་ཁོ་ན་སྟེ། །སྲིད་པའི་
D480.084.0149a06.01ཞགས་པ་གཅོད་བྱེད་ཅིང་། །དྲག་པོའི་དོན་ནི་གཏུམ་པོ་ཡིན། །རྡོ་རྗེ་ཁྲོ་བོ་ཅི་ཡིན་བརྗོད། །གསོད་དང་སྐྲོད་པ་དྲག་པོ་སྟེ། །དེ་ནི་ཁྲོ་བོའི་དོན་དུ་བརྗོད། །ང་ནི་རྡོ་རྗེ་མེ་ལྟར་འབར། །ཉོན་མོངས་ཕྱོགས་རྣམས་སྲེག་བྱེད་ཡིན། །རྡོ་རྗེ་རྡོ་རྗེ་ཞེས་གསུངས་པ། །ཅི་ཕྱིར་རྡོ་རྗེར་བརྗོད་པར་བྱ། །སྲ་
D480.084.0149a07.01