完整藏文原文 · 德格版页 当前仅加载第 84 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་རྡོ་རྗེ་རྩེ་མོ་ལས་རྒྱུད་ཀྱི་རྒྱལ་པོ་ཆེན་པོའི་དགོངས་པ་རྣམ་པར་འགྲེལ་པ་ཞེས་བྱ་བ་རྣམ་པར་བཤད་པ་གསུམ་པ་རྫོགས་སོ།། །།རྟོག་པ་ཐམས་ཅད་བསྡུས་པའི་རྒྱུད་ཀྱི་རྒྱལ་པོ་ཆེན་པོ་ཞེས་བྱ་བ་ལས་དེ་བཞིན་གཤེགས་པ་ཐམས་ཅད་ཀྱི་ཆོས་མཆོག །གསང་བའི་
D480.084.0193b01.01ཆོས་ཀྱི་གནས་མཆོག་ཏུ་གསང་བ་ཡང་རྫོགས་སོ།། །།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དུས་གསུམ་གཤེགས་པ་སྲས་བཅས་ལ། །ཡང་དང་ཡང་དུ་ཕྱག་འཚལ་ནས། །མཆོག་ཏུ་རྨད་བྱུང་རིག་པའི་རྒྱུད། །མདོར་བསྡུས་ནས་
D480.084.0193b02.01ནི་བཤད་པར་བྱ། །ཧཱུཾ་ཨ་ཛ་ཀར། དྷ་ར་ཧོ། དྷ་ར་ས། ཨོཾ་ཨ་དྲ་ན་ཧ་ཧ་ཧེ་ཝར། དྷི་དྷ་དྷ། དྷཱི་ངྷཱར་ཎི། མ་ཧེ་ཏོ་རཾ་ཀ་ཀྲ་ཎཾ། ཀ་བ་ཙེ་ཧཱུཾ་བཾ། དེ་ལ་གསང་བ་མཆོག་ཏུ་གསང་། །ཡེ་ཤེས་དམ་པའི་རང་བཞིན་ཆེ། །རྒྱལ་པོ་གསང་བའི་མདོ་དབང་པོ། །ཐེག་པ་ཆེན་པོ་ཀུན་དུ་བསྡུས། །
D480.084.0193b03.01རིགས་འབྱུང་བློ་ལྡན་ཆེན་པོ་དང་། །སངས་རྒྱས་ཐམས་ཅད་འབྱུང་བ་དང་། །རྡོ་རྗེ་ཀུན་དབང་ཆོ་ག་ནི། །ཤིན་ཏུ་རྨད་བྱུང་རབ་བཤད་བྱ། །ངོ་བོ་ཉིད་ཀྱི་སྐུ་རུ་ནི། །སངས་རྒྱས་རྡོ་རྗེ་ཅན་ཀུན་འབྱུང་། །རྨད་བྱུང་ཆོས་ཀྱི་རྒྱུད་ཆེན་པོ། །ཐར་བ་མཆོག་ཏུ་བསྟན་པ་སྟེ། །ཐུབ་པའི་
D480.084.0193b04.01དབང་ཕྱུག་རྣམ་སྣང་མཛད། །ཐུགས་ཀ་ནས་ནི་རྒྱུད་འདི་བྱུང་། །ཀུན་དུ་བཟང་པོ་རྡོ་རྗེའི་བདག །ཕྱག་ན་རྡོ་རྗེ་འོད་པོ་ཆེ། །རྡོ་རྗེ་སེམས་དཔའ་སེམས་དཔའ་ཆེ། །དོན་ཡོད་དབང་ཕྱུག་དམ་པ་སྟེ། །ཐེག་པ་ཆེན་པོ་བྱང་ཆུབ་སེམས། །བདེན་པ་དམ་ཚིག་ཅེས་བྱ་བ། །ཐུབ་པ་
D480.084.0193b05.01ཆེན་པོ་ཆོས་ཕུང་པོ། །སྟོང་ཕྲག་དག་ནི་གྲངས་མེད་གསུངས། །རྡོ་རྗེ་སེམས་དཔའ་མཆོག་ཆེན་གྱིས། །ཆོས་ཀྱི་མངོན་པར་རྟོགས་པ་བཤད། །སོ་སོར་རྟོགས་པའི་མངོན་རྟོགས་དང་། །དེ་བཞིན་མངོན་པར་བྱང་ཆུབ་དང་། །དཔེ་བྱད་མཆོག་ནི་མངོན་དུ་བྱུང་། །དེ་བཞིན་ཡེ་ཤེས་ཐོབ་
D480.084.0193b06.01པ་ཉིད། །ཡེ་ཤེས་ཆེན་པོའི་ཆོས་འདི་ནི། །སངས་རྒྱས་ཀྱི་ནི་མངོན་རྟོགས་བཤད། །ཐེག་པ་ཆེན་པོའི་མངོན་རྟོགས་ཡིན། །ཤིན་ཏུ་གསང་བའི་ཚུལ་ཆེན་པོ། །རང་སེམས་སོ་སོར་རྟོགས་པ་ནི། །བྱང་ཆུབ་སེམས་དཔའི་ཚུལ་ཆེན་པོ། །ཕ་རོལ་ཕྱིན་དྲུག་སྤྱོད་པ་མཆོག །ཐེག་
D480.084.0193b07.01