完整藏文原文 · 德格版页 当前仅加载第 84 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ནི། །ཕྱག་རྒྱ་ཐམས་ཅད་ཡོངས་སུ་བྲི། །ཕྱག་རྒྱ་དེ་ནི་བྱིན་བརླབ་པ། །རྡོ་རྗེའི་ཕྱག་རྒྱ་ཡོངས་སུ་གཟུང་། །བྱང་ཆུབ་མཆོག་ཏུ་དབུས་ནས་མཆོག །ཤིས་པ་ཤར་གྱི་ཕྱག་རྒྱ་སྟེ། །ལྷོ་ཡི་ཕྱོགས་སུ་མཆོག་སྦྱིན་ནོ། །ནུབ་ཏུ་ཆོས་ཀྱི་འཁོར་ལོ་
D480.084.0173a01.01འཛིན། །བྱང་དུ་མི་འཇིགས་སྦྱིན་ཞེས་པ། །དོན་ཡོད་གྲུབ་པས་ཡོངས་སུ་གཟུང་། །ཕྱག་རྒྱ་ལྷག་མ་ཕྱག་མཚན་བཅས། །དེ་ནས་རྡོ་རྗེ་སེམས་ཚོགས་བྲི། །དཀྱིལ་འཁོར་ཐམས་ཅད་ཀྱི་རྒྱལ་པོ་དཀྱིལ་འཁོར་ཆེན་པོ་ལས་རྡོ་རྗེ་འཁོར་ལོ་ཆེན་པོའི་དབུས་ཀྱི་ཆ་ཞེས་བྱ་བ་
D480.084.0173a02.01རྫོགས་སོ།། །།རྡོ་རྗེ་ཤུགས་ཀྱིས་སོང་ནས་སུ། །ཤར་ཕྱོགས་ཀྱི་ནི་དཀྱིལ་འཁོར་ལ། །རྡོ་རྗེ་རིགས་ཆེན་ཉམས་དགའ་བའི། །དཀྱིལ་འཁོར་ལྔ་ནི་ཡང་དག་བྲི། །ཀ་བ་བརྒྱད་ནི་རྡོ་རྗེ་ཆེ། །དཀྱིལ་འཁོར་ལྔ་ཡིས་རྣམ་པར་བརྒྱན། །དཀྱིལ་འཁོར་བཞི་
D480.084.0173a03.01དང་ལྡན་པ་ཡི། །རྡོ་རྗེའི་འཁོར་ལོ་ཡོངས་སུ་དགོད། །དེ་ཡི་ཤར་གྱི་དབུས་སུ་ནི། །སངས་རྒྱས་གཟུགས་ཅན་ཡང་དག་བྲི། །ཨུཏྤལ་སྔོན་པོ་འོད་ཆེན་ལྡན། །ཁྲོ་བཅས་བཞིན་ནི་འཛུམ་ལྡན་པའི། །དྲག་པོ་འབར་བའི་ཕྲེང་བས་ཁྱབ། །རྡོ་རྗེ་ཏི་རིན་ཏི་རི་འཛིན། །
D480.084.0173a04.01ཁྲོ་བོ་རྡོ་རྗེའི་ལྟ་བ་འཛིན། །གཏུམ་པ་ཐམས་ཅད་རབ་འདུལ་བྱེད། །སངས་རྒྱས་མདུན་དུ་རྡོ་རྗེ་འཛིན། །འབར་བའི་དབུས་སུ་དགོད་པར་བྱ། །དེ་བཞིན་འབར་དབུས་པདྨ་དང་། །དེ་བཞིན་རིན་ཆེན་སྣ་ཚོགས་མཚན། །དེ་ཉིད་ཤར་གྱི་འཁོར་ལོ་ཆེ། །ཤར་གྱི་ཆ་རུ་སོང་
D480.084.0173a05.01ནས་ནི། །དེ་ཡི་དཀྱིལ་འཁོར་དབུས་སུ་ནི། །རྡོ་རྗེ་ཧཱུྃ་མཛད་ཡང་དག་བྲི། །ཞལ་བཞི་པ་ལ་ཕྱག་བརྒྱད་པ། །ཕྱག་རྒྱ་བརྒྱད་ནི་ཡོངས་སུ་འཛིན། །མཆེ་བ་དག་ནི་ཅུང་ཟད་གཙིགས། །ཁྲོ་བཅས་བཞིན་ནི་འཛུམ་ལྡན་པའི། །ལྕགས་ཀྱུ་རྡོ་རྗེ་ལྕགས་སྒྲོག་
D480.084.0173a06.01དང་། །ཞགས་པ་ཕྱག་རྒྱ་བཞི་རུ་བཤད། །མདའ་དང་གཞུ་ནི་གཉིས་སུ་འཛིན། །གཉིས་ནི་ཡི་གེ་ཧཱུྃ་གིས་བསྡུས། །དེས་ནི་རྐང་པ་གཡོན་པ་ཡིས། །དབང་ཕྱུག་ཆེན་པོ་མནན་པར་བྱ། །གཡས་པས་ལྷ་མོ་ཨུ་མ་ཡི། །ནུ་མའི་བར་དུ་མནན་པ་སྟེ། །གཡོན་
D480.084.0173a07.01