完整藏文原文 · 德格版页 当前仅加载第 84 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྟེ། །དེ་ཕྱིར་འདིར་ནི་རྟོགས་པར་བརྗོད། །རྟོག་པ་མེད་པའི་ཆོས་རྣམས་ཀྱི། །ཆོས་ཀྱི་དོན་འདི་ཅི་ཡིན་བརྗོད། །བདག་མེད་དངོས་པོ་ཡོད་པ་མིན། །ཆོས་རྣམས་མེད་ཅིང་རྟོག་པ་མེད། །འོན་ཀྱང་ཆོས་ཉིད་ཡང་དག་རྟོགས། །ཆོས་དང་ལོངས་སྤྱོད་རྫོགས་པར་རྟོགས། །
D480.084.0148b01.01རྟོགས་པ་ཉམས་སུ་མྱོང་བར་བརྗོད། །འདིར་ནི་ངོ་མཚར་ཉིད་དུ་རྟོགས། །ཆོས་ཀུན་གཟུགས་ཅན་མིན་པ་དང་། །གཟུགས་ཅན་དུ་ཡང་འདི་རུ་བསྟན། །ཆོས་ཀུན་ཚིག་གི་སྤྱོད་ཡུལ་མིན། །སྒྲ་རུ་ཡང་ནི་འདིར་བསྟན་ཏེ། །དེ་བས་ངོ་མཚར་ཆོས་འདི་རུ། །རྟོག་པ་རྟོག་པ་ཡིན་
D480.084.0148b02.01པར་བརྗོད། །ཅི་ཕྱིར་འདི་ནི་ངོ་མཚར་ཆོས། །དེ་ཉིད་གསང་བ་བསྒྲུབ་པའི་ཕྱིར། །ལས་རྣམས་དྲུག་པོ་ཉིད་དང་ནི། །གཟུགས་ཅན་ཚིག་གི་མཐུ་དག་དང་། །འབྲས་ཕྱིར་སྡོམ་པའི་ངོ་མཚར་ཏེ། །དེ་ཕྱིར་འདི་ནི་ངོ་མཚར་ཆོས། །དེ་ཕྱིར་འདི་ནི་རྟོག་པར་བརྗོད། །དེ་བས་ངོ་མཚར་
D480.084.0148b03.01ཆོས་འདི་རུ། །རྟོག་པ་འབའ་ཞིག་རྟོག་པ་ཡིན། །ཡང་འདིར་རྟོག་པ་ཇི་ལྟ་བུ། །སེམས་ཅན་ཀུན་གྱི་དོན་བྱའི་ཕྱིར། །བྱང་ཆུབ་ཏུ་ནི་སེམས་བསྐྱེད་ནས། །ཕ་རོལ་ཕྱིན་དྲུག་སྤྱོད་པ་དག །སྟེན་པ་རྟོག་པ་ཉིད་ཡིན་ནོ། །སྒྲུབ་པའི་དོན་ནི་ཇི་ལྟ་བུ། །གང་ཟག་ཆོས་ལ་
D480.084.0148b04.01བདག་མེད་དང་། །གཟུང་དང་འཛིན་པ་སྤངས་པ་ཡི། །རབ་ཏུ་དགའ་བའི་ས་སྒྲུབ་པ། །དེ་ཚེ་སྒྲུབ་པའི་དོན་ཡིན་ནོ། །ཅི་ཕྱིར་འདི་ནི་རྒྱུད་ཕྱི་མ། །རྒྱུད་ནི་རྒྱུན་ཆགས་ཞེས་བྱ་སྟེ། །འཁོར་བ་རྒྱུད་དུ་འདོད་པ་ཡིན། །ཕྱི་མ་ཞེས་བྱ་ཕ་རོལ་ཏེ། །རྒྱུད་ནི་ཕྱི་མར་བརྗོད་པ་ཡིན། །རྒྱུད་རྒྱུན་
D480.084.0148b05.01ཆགས་ཞེས་བྱ་སྟེ། །ཕྱི་མ་སྔ་མ་ལས་བྱུང་བའི། །དེ་ཉིད་གསང་བ་སྦས་ཞེས་པ། །རྒྱུད་ནི་ཕྱི་མར་བརྗོད་པ་ཡིན། །ཅི་ཕྱིར་རྒྱུད་དང་ཕྱི་མ་ལགས། །ས་མཐར་ཕྱིན་པའི་རྒྱལ་བ་མཆོག །སྲིད་པའི་བཙོན་ར་ལས་རྒལ་ཡིན། །ཡང་ན་གང་ཞིག་རྒལ་གྱུར་པ། །རྒྱུད་ནི་ཕྱི་མ་ཡིན་པར་
D480.084.0148b06.01བཤད། །རྒྱུད་ཀྱི་དོན་ནི་ཇི་ལྟར་བྱུང་། །སེམས་ཅན་ཀུན་ལ་ཕན་པའི་ཕྱིར། །སངས་རྒྱས་རྣམས་ཀྱི་ཆོས་ལོངས་སྤྱོད། །སངས་རྒྱས་ཐུགས་རྗེས་བསྐུལ་བ་ནི། །རྒྱུད་དོན་ཡང་དག་བྱུང་བ་ཡིན། །སངས་རྒྱས་རྣམས་ཀྱི་ཐུགས་བྱུང་བའི། །ཆོས་དང་ལོངས་སྤྱོད་བྱུང་བ་སྟེ། །
D480.084.0148b07.01