完整藏文原文 · 德格版页 当前仅加载第 84 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་སྙིང་པོ་གསང་བ་ཆེ། །ཐར་པ་ཆེན་པོ་གྲོང་ཁྱེར་མཆོག །དཀྱིལ་འཁོར་རྒྱལ་པོ་ཆེན་པོ་སྟེ། །སེམས་ཅན་དོན་ཀུན་ཡང་དག་ལྡན། །ཆོས་ཉིད་རྫོགས་པར་བྱང་ཆུབ་པ། །འདི་འདྲ་ཆོས་དང་ལོངས་སྤྱོད་རྫོགས། །རིགས་ལྔའི་གསང་བ་གང་ཡིན་
D480.084.0256b01.01པ། །གདོན་མི་ཟ་བར་བྱེད་པ་ཡི། །དེ་བཞིན་གཤེགས་པའི་རིགས་ཞི་བ། །གང་ཕྱིར་དག་པའི་ཚོགས་ཆེན་པོ། །དེ་བཞིན་རྡོ་རྗེའི་རིགས་དྲག་པོ། །གང་ཕྱིར་ལྷ་ཆེན་རབ་འདུལ་བྱེད། །ལྷ་ཆེན་ལ་སོགས་སྤྲུལ་བྱེད་པ། །དེ་བཞིན་པདྨའི་རིགས་མཆོག་སྟེ། །
D480.084.0256b02.01གང་ཕྱིར་གདུལ་བྱའི་སེམས་ཅན་རྣམས། །སྤྲུལ་པ་སྣ་ཚོགས་ཡང་དག་བྱུང་། །སྤྲུལ་པའི་འཁོར་ལོ་ཞི་བ་སྟེ། །དྲག་པོའི་མཆོད་པ་རབ་བསྐོར་བ། །སྣ་ཚོགས་རིགས་ཅན་འཁོར་ལོ་སྟེ། །རིགས་བཞི་དང་ནི་ཡང་དག་ལྡན། །དེ་བཞིན་གཤེགས་པའི་རིགས་
D480.084.0256b03.01མཆོག་ནི། །ཤར་གྱི་འཁོར་ལོ་ཡང་དག་བྱུང་། །དེ་ནས་རྡོ་རྗེའི་རིགས་དྲག་པོ། །སེམས་ཅན་དོན་དུ་ཡང་དག་འཇིགས། །རྡོ་རྗེའི་རིགས་མཆོག་ཆེན་པོ་འདི། །དཀྱིལ་འཁོར་ཚོགས་ནི་ཀུན་བསྡུས་པ། །གསང་བའི་དབང་ཕྱུག་རྒྱལ་པོ་ཆེ། །གང་ཕྱིར་
D480.084.0256b04.01གསང་བའི་བདག་པོར་བཤད། །རྡོ་རྗེ་ཐམས་ཅད་ཀུན་བསྡུས་པ། །རང་གི་རིགས་མཆོག་བཤད་ནས་ནི། །རྡོ་རྗེ་འཛིན་པ་རྒྱལ་པོ་ཆེས། །དཀྱིལ་འཁོར་ཆེན་པོ་ཀུན་དུ་སྤྲུལ། །ལྷ་ལ་སོགས་པ་གདུག་པ་ཀུན། །སྐད་ཅིག་དེ་ལ་ཡང་དག་བཀུག །སླར་ནི་
D480.084.0256b05.01བཅུག་པར་བྱས་ནས་ཀྱང་། །སྐད་ཅིག་གིས་ནི་དམ་ཚིག་ཕོག །རྡོ་རྗེ་མཚན་མའི་དབང་བསྐུར་བ། །དམ་ཚིག་ལྡན་པ་བྱིན་ནས་ནི། །བཀུག་སྟེ་རབ་ཏུ་བཅུག་ནས་ཀྱང་། །དེ་བཞིན་བཅིངས་ཏེ་དབང་དུ་བྱས། །དམ་ཚིག་ལ་ནི་བརྩོན་བྱས་ཏེ། །དམ་ཚིག་སྡོམ་
D480.084.0256b06.01པ་དེ་བཞིན་ནོ། །མི་རྣམས་ལ་ནི་ཕན་པའི་ཕྱིར། །དཀྱིལ་འཁོར་མཆོག་ནི་གསུངས་པར་གྱུར། །འཁོར་ལོ་ཆེན་པོ་གྲོང་ཁྱེར་ཆེ། །རྡོ་རྗེ་རིགས་མཆོག་ཆེན་པོ་སྟེ། །ཁམས་གསུམ་རྣམ་རྒྱལ་ཞེས་བྱ་བ། །དེ་ནས་ཡང་དག་བཤད་པར་བྱ། །འཇིག་རྟེན་གསུམ་
D480.084.0256b07.01