完整藏文原文 · 德格版页 当前仅加载第 84 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེའི་རིགས་རྣམས་ཀུན་གྱི་གཙོ། །རྡོ་རྗེ་ལྕགས་ཀྱུ་མ་རུ་བཤད། །རྡོ་རྗེ་རིན་ཆེན་མཆོག་གྱུར་པ། །རྡོ་རྗེ་སེམས་དཔའ་དེ་བཞིན་ཕ། །ཕ་ནི་རྡོ་རྗེ་རྒྱལ་པོ་རྒྱུ། །མ་ནི་རྡོ་རྗེ་རྣོན་པོ་སྟེ། །པདྨའི་རིགས་ཆེན་བཟང་པོ་ཡི། །པད་འཛིན་གང་ལས་བྱུང་བའོ། །རྡོ་རྗེ་གཟི་བརྗིད་རིན་ཆེན་
D480.084.0152b01.01པ། །རྒྱལ་མཚན་མ་ནི་ཡིན་པར་བསྟན། །ནོར་བུ་རིན་ཆེན་བཟང་པོ་ཡི། །རིན་ཆེན་གང་ལས་བྱུང་བའོ། །ཕ་ནི་རྒྱལ་པོ་རྡོ་རྗེ་ལས། །མ་ནི་གནོད་སྦྱིན་སྲུང་བ་སྟེ། །ལས་ཀྱི་རིགས་ཅན་བཟང་པོ་ཡི། །ལས་རྣམས་གང་ལས་བྱུང་བའོ། །དང་པོ་གང་ཞིག་ཅི་ཞེ་ན། །དངོས་ཀུན་དང་
D480.084.0152b02.01པོ་ས་བོན་ཏེ། །རྡོ་རྗེ་ཅན་ཀུན་དང་པོ་སེམས། །འདུན་དང་དྲན་དང་ཏིང་ངེ་འཛིན། །རིགས་རྣམས་ཀུན་གྱི་དང་པོར་བཤད། །ཡང་གླེང་གཞི་ཅི་ཡིན་ཞེ་ན། །རིགས་བཞི་ལས་ནི་ཡང་དག་བྱུང་། །ཚངས་བའི་གནས་ཆེན་དང་ལྡན་པའི། །སྙིང་རྗེའི་བདག་ཉིད་ཅན་རྣམས་ཀྱི། །སྙིང་རྗེ་
D480.084.0152b03.01ཆེན་པོ་གླེང་གཞི་ཡིན། །དམིགས་པ་གང་ཞིག་ཡིན་ཞེ་ན། །རྟོག་པ་མེད་ཅིང་དམིགས་པ་མེད། །དང་པོར་བྱང་ཆུབ་སེམས་བྱུང་བའི། །ཕ་རོལ་ཕྱིན་པ་མཆོག་དྲུག་ནི། །དེ་ཡི་དམིགས་པ་ཡིན་པར་བཤད། །རྐྱེན་གང་ཞེ་ན། རྟག་ཏུ་སྲིད་གསུམ་མངོན་དགའ་བ། །སེམས་
D480.084.0152b04.01ཅན་སྡུག་བསྔལ་གྱུར་བལྟས་ནས། །སྙིང་རྗེ་དང་ནི་ལྡན་པ་ཡི། །བྱང་ཆུབ་སེམས་ཀྱིས་བསྐུལ་བའོ། །གསང་བ་འདི་ནི་གང་དུ་བྱུང་། །འོག་མིན་སྟུག་པོ་ཉམས་དགའ་ཞིང་། །སྟུག་པོའི་ཞིང་ཁམས་འཇིགས་མེད་པ། །དེ་ནས་སངས་རྒྱས་རྣམས་ཀྱི་ཆོས། །རྫོགས་པར་
D480.084.0152b05.01ལོངས་སྤྱོད་ཚུལ་འདི་བྱུང་། །ཁྱབ་བདག་འདི་རྣམས་གང་ནས་བྱུང་། །རྡོ་རྗེ་རིན་ཆེན་མཆོག་ཆེན་གྱི། །གཞལ་ཡས་ཁང་པ་ཡིད་འོང་ཞིང་། །སངས་རྒྱས་རྣམས་ཀྱི་ཆོས་ལྡན་པ། །དེ་ནས་ཁྱབ་བདག་འདི་རྣམས་བྱུང་། །ཐོག་མ་ཐ་མ་མེད་འདི་ཅི། །གསང་བའི་དབང་ཕྱུག་ཆེན་པོ་
D480.084.0152b06.01གསུང་། །སེམས་ཅན་ཀུན་གྱི་ཤེས་པ་དང་། །དེ་བཞིན་གཤེགས་པའི་སྙིང་པོ་དང་། །ཆོས་དབྱིངས་རྡོ་རྗེ་ཆེན་པོ་སྟེ། །ཐོག་མ་ཐ་མ་མེད་པར་བཤད། །རབ་ཏུ་དགའ་བ་ཉིད་འདི་ཅི། །བདེ་ཆེན་རབ་ཏུ་གྲུབ་བྱའི་ཕྱིར། །སངས་རྒྱས་བྱང་ཆུབ་བླ་ན་མེད། །རྡོ་རྗེ་སེམས་དཔའ་རྒྱལ་པོ་ཆེ། །
D480.084.0152b07.01