完整藏文原文 · 德格版页 当前仅加载第 84 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བརྟུལ་ཞུགས་བྱ། །ཁ་ན་མ་ཐོ་རྡུལ་ཙམ་ལ། །ཀུན་དུ་འཛེམ་པར་བྱ་བ་ཡིན། །ཚད་དང་ཚོན་རྩི་སྲད་བུ་དང་། །ཡོ་བྱད་ཆོ་ག་ཡང་དག་ལྡན། །བཅིང་དང་ཕུར་བུས་གདབ་པ་ཉིད། །སྔར་བཤད་རྡོ་རྗེ་དབྱིངས་བཞིན་དུ། །བཟའ་བ་དང་ནི་མི་བཟའ་བ། །རྡོ་རྗེ་
D480.084.0257b01.01སྙེམས་ཚུལ་ཏིང་འཛིན་གྱིས། །རྡོ་རྗེ་དབྱིངས་སོགས་དཀྱིལ་འཁོར་དུ། །སྔར་ནི་ཇི་ལྟར་དེ་བཞིན་བྱ། །དེ་ནས་ཡང་དག་རབ་བཤད་བྱ། །དཀྱིལ་འཁོར་ཆེན་པོ་མཆོག་གྱུར་པ། །རྡོ་རྗེ་དབྱིངས་དང་རབ་ཏུ་མཚུངས། །དངོས་གྲུབ་ཐམས་ཅད་བྱེད་པའི་མཆོག །
D480.084.0257b02.01གྲུ་བཞི་པ་ལ་སྒོ་བཞི་པ། །རྟ་བབས་བཞེས་ནི་རྣམ་པར་བརྒྱན། །ཐིག་བཞི་དང་ནི་ཡང་དག་ལྡན། །དར་གྱི་ཆུན་པོས་རྣམ་པར་བརྒྱན། །རྒྱ་ཆེར་ཇི་ལྟར་རིགས་པ་རུ། །ཇི་བཞིན་རྡོ་རྗེ་གྲོང་ཁྱེར་ཆེ། །རྡོ་རྗེ་དབྱིངས་དང་རབ་ཏུ་མཚུངས། །རྡོ་རྗེ་འཛིན་པའི་གྲོང་
D480.084.0257b03.01ཁྱེར་བྲི། །འཁོར་ལོ་ལྔ་དང་ཡང་དག་ལྡན། །ཀ་བ་བརྒྱད་དང་ཡང་དག་ལྡན། །དེ་དབུས་རང་བཞིན་འཁོར་ལོ་ཡི། །དབུས་སུ་སངས་རྒྱས་དགོད་པར་བྱ། །རྣམ་པར་སྣང་མཛད་སྟོན་པ་ཆེ། །རྡོ་རྗེ་སེམས་དཔའ་འོད་པོ་ཆེ། །བྱང་ཆུབ་སེམས་དཔའ་རྒྱལ་པོ་
D480.084.0257b04.01ཆེ། །སངས་རྒྱས་ལོངས་སྤྱོད་རྫོགས་དཀྱིལ་འཁོར། །སངས་རྒྱས་སྤྱན་སྔར་རྡོ་རྗེ་ནི། །འབར་བའི་དབུས་སུ་དགོད་པར་བྱ། །རྡོ་རྗེ་མེ་ལྟར་འབར་ཉིད་ནི། །ཕྱག་རྒྱ་འཇིག་རྟེན་གསུམ་འཇོམས་པ། །གཡས་སུ་རིན་ཆེན་ཕྱག་རྒྱ་ནི། །འབར་བའི་དབུས་སུ་
D480.084.0257b05.01དགོད་པར་བྱ། །གཡོན་དུ་པདྨའི་ཕྱག་རྒྱ་བྲི། །རྒྱབ་ཏུ་རྡོ་རྗེ་རྣོན་པོ་ནི། །འབར་བའི་དབུས་སུ་དགོད་པར་བྱ། །ཕྱག་རྒྱ་ཡི་ནི་རྒྱལ་པོ་བཞི། །འབར་བའི་མེ་དང་རབ་ཏུ་ལྡན། །རྣམ་པར་སྣང་མཛད་དཀྱིལ་འཁོར་ཆེ། །ཆོས་དབྱིངས་གྲོང་ཁྱེར་ཆེན་པོ་
D480.084.0257b06.01ལ། །འཁོར་ལོས་སྒྱུར་བ་བཞི་པོ་ཡི། །ཕྱག་རྒྱ་དག་ཀྱང་དགོད་པར་བྱ། །གང་དང་གང་གི་ཐིག་གྱུར་པ། །དཀྱིལ་འཁོར་ཤེས་རབ་ཅན་ཐིག་གདབ། །རྡོ་རྗེ་ཡི་ནི་སྔགས་འདི་ཡིས། །རྡོ་རྗེའི་ཐིག་ནི་ཡོངས་སུ་གཟུང་། །ཨོཾ་བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་
D480.084.0257b07.01