完整藏文原文 · 德格版页 当前仅加载第 84 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
པས། །གལ་ཏེ་དངོས་གྲུབ་མཆོག་འདོད་ན། །དཀྱིལ་འཁོར་དག་ནི་དག་པར་བྱ། །ཚོན་རྩི་ལྔ་དང་ཡང་དག་ལྡན། །ཁྲུ་ནི་སྟོང་དང་ལྡན་པ་མཆོག །ཡང་ན་རྒྱང་གྲགས་ཙམ་དུ་ནི། །ས་ཡི་ཆ་ནི་ཐིག་གདབ་བྱ། །གལ་ཏེ་འབྱོར་པ་ལྡན་པ་མིན། །ཁྲུ་
D480.084.0203a01.01བཞི་མདོ་རུ་བསྡུས་པར་བྱ། །ཡང་ན་ཕྱོགས་རྣམས་ཐམས་ཅད་དུ། །ཁྲུ་བརྒྱད་དང་ནི་ཡང་དག་ལྡན། །ཨིནྡྲ་ནཱི་ལ་ཤིན་ཏུ་སྔོ། །ཚོན་རྩི་སྔོན་པོ་རབ་ཏུ་བྱ། །པདྨ་རཱ་ག་ཤིན་ཏུ་དམར། །ཚོན་རྩི་དམར་པོ་ཞེས་བྱར་བཤད། །རྡོ་རྗེ་མཆུ་དང་མཆུ་ཆེན་པོ། །སེར་པོ་ཡང་ནི་ཡང་དག་
D480.084.0203a02.01ལྡན། །དག་ཅིང་དང་བའི་གསེར་དང་ནི། །ཁ་དོག་སེར་པོ་ལྡན་པར་བྱ། །ཤིན་ཏུ་དག་པ་ཤེལ་དང་བས། །ཚོན་རྩི་དཀར་པོ་རབ་ཏུ་བྱ། །གང་ཕྱིར་རྒྱལ་པོ་ནོར་ཆེན་ལྡན། །ཚོན་རྩི་འདི་དག་ཡང་དག་བཤད། །ཕྱུག་ཅིང་ནོར་དང་ཡང་དག་ལྡན། །གལ་ཏེ་དེ་ནི་ཁྱིམ་བདག་
D480.084.0203a03.01གྱུར། །ཁྲུ་བརྒྱ་ཡོངས་སུ་ཚང་བར་བྱ། །བཅུ་དྲུག་ལས་ནི་ཉུང་མི་བྱ། །ཚོན་རྩི་དྲི་དང་ཡང་དག་ལྡན། །གུར་གུམ་ལ་སོགས་དང་བསྲེས་པ། །ཚོན་རྩི་ལྔ་དང་ཡང་དག་ལྡན། །མཁས་པ་ཡིས་ནི་དཀྱིལ་འཁོར་བྱ། །ཕྱུག་ཅིང་ནོར་དང་ཡང་དག་ལྡན། །ཚོང་དཔོན་ཡང་ནི་
D480.084.0203a04.01དེད་དཔོན་ནམ། །ཁྱིམ་པ་འབྱོར་པ་དང་ལྡན་པ། །གཞན་དག་དགའ་ཞིང་འོངས་གྱུར་ན། །རིན་ཆེན་ཕྱེ་མ་དང་བསྲེས་པའི། །ཚོན་རྩི་ཆེན་པོ་རབ་ཏུ་བྱ། །རམས་དང་བ་བླ་ལ་སོགས་པ། །ཚོན་རྩི་ལྔ་དང་ཡང་དག་ལྡན། །བདག་ཉིད་ཆུང་བའམ་ཆེ་བའང་རུང་། །དེ་ཡི་འབྱོར་པ་
D480.084.0203a05.01བརྟག་བྱ་བ། །ཇི་ལྟར་རིགས་པར་ངེས་པར་སྦྱར། །རྒྱལ་པོ་ལ་ནི་ཚད་བཤད་པ། །ཁྱིམ་བདག་ལ་ཡང་དེ་བཞིན་ནོ། །ཚོང་དཔོན་དང་ནི་དེད་དཔོན་གྱི། །ཁྲུ་ནི་ལྔ་བཅུ་ཉིད་ཀྱང་ངོ་། །གཞན་དག་དགའ་ཞིང་འོངས་གྱུར་ན། །ཁྲུ་ནི་ཉི་ཤུར་བྱས་པ་ཡིན། །གལ་ཏེ་དངོས་གྲུབ་བསྒྲུབ་
D480.084.0203a06.01འདོད་ན། །ཁྲུ་དྲུག་ལས་ནི་ཆུང་མི་བྱ། །མང་པོ་དེ་བཞིན་ཉུང་བ་ཡང་། །དྲི་དང་ཀུན་དུ་ཡང་དག་ལྡན། །རྟག་ཏུ་སྣ་ཚོགས་དྲི་ཡིས་ནི། །སྔོན་དུ་ས་གཞི་དག་པར་བྱ། །ཕྱི་རོལ་དཀྱིལ་འཁོར་ངོས་དག་གི། །གྲྭ་ནི་བཞི་པོ་ཐམས་ཅད་དུ། །ཤེས་རབ་ཅན་གྱིས་བདུག་སྤོས་
D480.084.0203a07.01