完整藏文原文 · 德格版页 当前仅加载第 84 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར་བ་བཅུ་ལས་འབྱུང་མི་འགྱུར། །སོ་ལས་རྣམ་པ་ཀུན་དུ་མིན། །ལྕེ་དང་རྩ་བ་ལས་ཀྱང་མིན། །རྐན་ལས་རྣམ་པ་ཀུན་དུ་མིན། །གནས་གང་ལས་ནི་སྦྱོར་བ་འབྱུང་། །སྙིང་ག་ཉིད་ལས་འབྱུང་མི་འགྱུར། །ཁོང་སྟོང་དངོས་པོ་ཐམས་ཅད་ལ། །
D480.084.0230a01.01སྐྱེ་བ་ཉིད་ནི་སྣང་མི་འགྱུར། །ཡི་གེ་ཧཱུྃ་གི་སྦྱོར་བ་ཡིས། །རང་གི་དབྱིངས་ལ་ཡང་དག་སྦྱར། །དེ་ཉིད་ཉོན་མོངས་ཅན་མི་འགྱུར། །ཀུན་གཞི་ས་བོན་ཐམས་ཅད་པ། །རྐན་དང་ལྐོག་མའི་འབད་པ་དང་། །ལྕེ་ཡི་ཚོགས་ལས་ཡང་དག་འབྱུང་། །ཡི་གེ་ཧཱུྃ་གི་སྒྲ་བྱུང་
D480.084.0230a02.01བ། །དེ་ནི་མི་རྟོག་ཡང་དག་བྱུང་། །དེ་ལྟར་འབྱུང་བའི་སྦྱར་བ་ལས། །གནས་ཀྱི་ཉོན་མོངས་ཅན་མི་འགྱུར། །ཚིག་དང་བཅས་པའི་ཇི་བཞིན་སྒྲ། །འདུས་བྱས་ཐམས་ཅད་དོར་བར་བྱ། །ཇི་བཞིན་ཧཱུྃ་གི་སྦྱོར་བ་ལས། །ཆོས་རྣམས་ཐམས་ཅད་སྐྱེ་བ་མེད། །
D480.084.0230a03.01རྣམ་པར་རྟོག་ལས་ཡང་དག་བྱུང་། །དེ་ནི་མི་རྟོག་ཡང་དག་འབྱུང་། །འཁོར་བ་དག་གི་ཐོག་མ་ནི། །ཇི་ལྟར་ཡང་ནི་ཤེས་མི་འགྱུར། །འདིར་ནི་སྐྱེ་བ་མི་སྣང་ཞིང་། །འདུས་བྱས་དག་ནི་འཇིག་པ་མིན། །དེ་བས་ཡི་གེ་ཧཱུྃ་ཙམ་གྱིས། །འདུས་བྱས་སོ་སོར་བརྟག་པར་
D480.084.0230a04.01བྱ། །དག་ཅིང་མཐར་ཐུག་གནས་ཉིད་ནི། །ཧཱུྃ་གིས་ཀྱང་ནི་སྦྱར་བར་བྱ། །རང་བཞིན་མེད་པའི་སྒྲ་འདི་ནི། །ཡི་གེ་ཧཱུྃ་ལས་ཡང་དག་བྱུང་། །འདི་ལ་དངོས་པོ་ཡོད་མ་ཡིན། །རང་བཞིན་མེད་ཅིང་བདག་མེད་པ། །དེ་བཞིན་ཆོས་རྣམས་ཐམས་ཅད་ཀྱི། །རང་བཞིན་
D480.084.0230a05.01ཉིད་ནི་ཡོད་མ་ཡིན། །བདག་གམ་སེམས་ཅན་གསོ་བ་མེད། །གཟུང་དང་འཛིན་པ་རྣམ་པར་སྤང་། །ཟག་པ་མེད་ཅིང་འདུས་བྱས་མིན། །གནས་ནི་དག་པ་བརྟན་པར་བྱ། །དངོས་གྲུབ་སྦྱོར་བའི་ཡེ་ཤེས་ཀྱིས། །སངས་རྒྱས་བྱང་ཆུབ་ཐོབ་པར་འགྱུར། །དེ་ལྟ་བུ་ཡི་
D480.084.0230a06.01སྦྱོར་བ་ཡིས། །ཡི་གེ་ཧཱུྃ་ནི་ཡང་དག་འབྱུང་། །ཡེ་ཤེས་དག་པ་ཡང་དག་འབྱུང་། །ཆོས་ཀྱི་དབྱིངས་ཀྱིས་བརྟན་པར་བྱ། །སངས་རྒྱས་རྫུ་འཕྲུལ་ཆེན་པོ་ཡང་། །འདིར་ནི་ཉེ་བར་མི་དམིགས་ཏེ། །གང་ཕྱིར་དུས་གསུམ་གཤེགས་སྙིང་པོ། །སངས་རྒྱས་སྙིང་པོ་
D480.084.0230a07.01