完整藏文原文 · 德格版页 当前仅加载第 84 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཉིད་ཀྱིས་མེ། །ཀུན་དུ་ཐབ་ཁུང་དེ་ཁོ་ན། །རྡོ་རྗེ་སེམས་དཔའི་སྨན་མ་ནི། །བསྲེགས་ན་བཀའ་བཞིན་བྱེད་པར་འགྱུར། །ཧཱུྃ་བཛྲ་པཱ་ཎི་བ་ཤྃ་ཀ་རཱ་ཡ་ཛ། ཡང་ན་སངས་རྒྱས་སྨན་མའམ། །ཡང་ན་བདག་དང་མཚན་མ་དག །སྒྲུབ་པའི་སྦྱོར་བས་སྦྱིན་སྲེག་བྱ། །
D480.084.0270a01.01སངས་རྒྱས་བཀའ་བཞིན་བྱེད་པར་འགྱུར། །ཨོྃ་བུདྡྷ་ཤྃ་ཀ་རཱ་ཡ་ཛ། ཚིག་གི་སྦྱོར་བ་འདི་ཡིས་ནི། །སྦྱིན་སྲེག་བྱ་ཞིང་མྱུར་དུ་འགྲུབ། །རྡོ་རྗེའི་སྦྱོར་བས་དངོས་གྲུབ་ཀུན། །ཐེ་ཚོམ་མེད་པར་འགྲུབ་པར་འགྱུར། །རྡོ་རྗེ་རིགས་ལ་སོགས་ཀུན་ཀྱང་། །དེ་ནས་གསང་བ་ཕྱག་རྒྱ་ཆེ། །
D480.084.0270a02.01རྡོ་རྗེའི་རྣལ་འབྱོར་རབ་སྒྲུབ་ཕྱིར། །རྣལ་འབྱོར་ཆེན་པོ་བསྒྲུབ་པར་བྱ། །རིག་པ་གང་ཞིག་ཡིད་འོང་བ། །སྲིང་མོའི་རིགས་ནི་ཐོབ་བྱའི་ཕྱིར། །རིག་པའི་ལྷ་མོ་དང་ལྡན་པར། །ཤིན་ཏུ་རྣལ་འབྱོར་བསྒྲུབ་པར་བྱ། །བུད་མེད་སྡུག་དང་ལྷན་ཅིག་ཏུ། །མཁས་པས་འདུག་པ་བསྟེན་པར་
D480.084.0270a03.01བྱ། །མདོ་སྡེ་གསང་དབང་རྒྱལ་པོ་ལས། །དེ་ཉིད་དུ་ནི་ཇི་སྐད་བཤད། །ཀུན་དུ་གུར་གུམ་ཕྱེ་མ་དང་། །བྷ་གར་མིག་སྨན་བཅུག་ནས་ནི། །དེ་ཡི་སེམས་དཔའ་ཤེས་པར་བྱ། །གང་ཕྱིར་དགོངས་པ་རབ་ཏུ་བསྒྲགས། །སྡུག་པ་དེ་ཡི་རིག་པ་ནི། །མངོན་པར་འདོད་པ་གང་ཡིད་འོང་། །
D480.084.0270a04.01རང་གི་རིགས་ཀྱི་ལྷ་མོ་གང་། །དེ་ནི་བུད་མེད་ཅེས་བྱར་གྲགས། །རིག་པའི་སྦྱོར་བ་དེ་ཡིས་ནི། །རང་གི་རིགས་ཀྱི་ལྷ་དག་སྒྲུབ། །མིག་སྨན་ལ་སོགས་གཞུག་པ་ནི། །པདྨའི་སྟེང་དུ་ཡང་དག་དགོད། །བྷ་ག་པདྨ་ཞེས་བཤད་དེ། །གཞུག་པ་དགོད་པར་བཤད་པར་བྱ། །བྷ་གའི་
D480.084.0270a05.01སྦྱོར་བ་འདི་ཡིས་ནི། །མིག་སྨན་དག་ནི་བསྒྲུབ་པར་བྱ། །བྷ་ག་མིག་སྨན་གཞུག་པ་ནི། །པདྨའི་སྟེང་དུ་ཡང་དག་དགོད། །པདྨ་དང་ནི་ལྷན་ཅིག་དགོད། །རྣམ་པ་བཞི་ནི་འགྲུབ་པར་འགྱུར། །ཨོྃ་གུ་ཧྱ་ར་ཏི་བཛྲ་བ་ཤྃ་ཀ་རཱི་སིདྡྷ་ཧཱུྃ། དྲོ་དང་དུ་བ་འབར་དང་རྡུལ། །རྣམ་པ་བཞི་ནི་འགྲུབ་
D480.084.0270a06.01པར་འགྱུར། །ཨོྃ་གུ་ཧྱ་བཛྲ་སིདྡྷ་ཧཱུྃ། བྷ་གར་གི་ཝང་བཞག་ནས་ནི། །གསང་བའི་ཕྱག་རྒྱ་གཞག་པར་བྱ། །མཚན་མ་རྣམ་པ་བཞི་དག་གིས། །དངོས་གྲུབ་རྣམ་པ་བཞི་རུ་བཤད། །ཨོྃ་གུ་ཧྱ་བཛྲི་སིདྡྷི་ཧཱུྃ། རྡོ་རྗེ་སེམས་དཔའི་ཕྱག་རྒྱ་ཡིས། །བྷ་གར་གུར་གུམ་བཅུག་ནས་ནི། །དགབ་ཅིང་དེ་ནི་འབར་གྱུར་ན། །
D480.084.0270a07.01