完整藏文原文 · 德格版页 当前仅加载第 84 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
འཕྲོག་པ། །དེས་ནི་གསང་བ་རབ་འགྲུབ་འགྱུར། །ནོར་ནི་འཁོར་བ་ཞེས་བཤད་དེ། །སེམས་ཅན་དེ་རྣམས་ཉོན་མོངས་འགྱུར། །གང་ཞིག་གཞན་གྱི་ནོར་འཕྲོག་པ། །བྱང་ཆུབ་སེམས་ནི་རབ་འགྲུབ་འགྱུར། །བུད་མེད་རྣམས་དང་ལྷན་ཅིག་རྩེ། །དེས་ནི་གསང་བ་
D480.084.0192b01.01འགྲུབ་པར་འགྱུར། །རང་གི་རིགས་ཀྱི་ལྷ་མོ་གང་། །རིག་པའི་ལྷ་མོ་བླ་མེད་དང་། །ལྷན་ཅིག་རྣལ་འབྱོར་རོལ་པ་ཡིས། །རོལ་པ་ཙམ་གྱིས་འགྲུབ་པར་འགྱུར། །གལ་ཏེ་རིགས་ནི་འགྲུབ་འདོད་ན། །{བརྫུན་,རྫུན་}པའི་ཚིག་ཀྱང་སྨྲ་བར་བྱ། །ཆོས་ཀུན་དངོས་པོ་མེད་པ་སྟེ། །བརྗོད་
D480.084.0192b02.01མིན་ཚིག་གི་སྤྱོད་ཡུལ་མིན། །མེད་པ་གང་ཡིན་{བརྫུན་,རྫུན་}ཚིག་ལྡན། །རིག་པའི་བཟླས་པ་བདེན་པ་ཡིན། །གལ་ཏེ་དངོས་གྲུབ་མཆོག་ནི་བསྒྲུབ་འདོད་ན། །སེམས་ཅན་གསད་བྱ་དེ་བཞིན་བཟའ་བར་བྱ། །སེམས་ཅན་ཆགས་པ་ཞེས་བཤད་དེ། །མིང་དང་གཟུགས་ལ་
D480.084.0192b03.01ཀུན་དུ་ཆགས། །བཀུག་ནས་ཟོས་པར་གྱུར་ན་ནི། །བསོད་ནམས་ཆེན་པོ་ཐོབ་པར་འགྱུར། །འཁོར་བ་སྤངས་ཀྱང་ཆོས་མིན་འགྱུར་བ་ནི། །འཁོར་བ་སྤོང་བ་གང་ཡིན་པ། །སེམས་ཅན་དོན་ལ་རྒྱབ་ཕྱོགས་འགྱུར། །བློ་ལྡན་ཐེག་པ་དམན་དགའ་བ། །དེ་ནི་རྟག་ཏུ་
D480.084.0192b04.01ཉེས་ལྡན་ཡིན། །མྱ་ངན་འདས་ལ་མངོན་དགའ་ན། །སེམས་ཅན་དོན་ལ་ཕྱིར་ཕྱོགས་འགྱུར། །བློ་ལྡན་ཐེག་པ་དམན་དགའ་བ། །དེ་ནི་རྟག་ཏུ་ཉེས་ལྡན་ཡིན། །སེར་སྣ་ཅན་ནི་དེ་ཡི་རིགས་བསྒྲུབ་འགྱུར། །ཚུལ་ཁྲིམས་རྣམ་པར་དག་འགྱུར་ཞིང་། །སྲོག་གི་ཕྱིར་ཡང་
D480.084.0192b05.01གཏོང་མི་བྱེད། །རིག་པའི་བརྟུལ་ཞུགས་ལྡན་འགྱུར་བ། །དེས་ནི་གསང་བ་རབ་བསྒྲུབ་འགྱུར། །དྲག་དང་ལྡན་པའི་སེམས་ལྡན་པ། །དེས་ནི་འགྲུབ་པར་འགྱུར་བར་འདོད། །སྡུག་བསྔལ་ཐམས་ཅད་གཅོད་པའི་ཕྱིར། །རྟག་ཏུ་དྲག་པོ་ཉིད་དུ་འགྱུར། །སྡིག་པ་སྡང་བ་རྣམས་
D480.084.0192b06.01སྤོང་ན། །དེས་ནི་གསང་བ་རབ་འགྲུབ་འགྱུར། །ཆོས་མིན་སྤྱོད་པ་རྣལ་འབྱོར་མཆོག་གྲུབ་ཡིན། །གཟུང་དང་འཛིན་པ་ཆོས་ཤེས་པ། །གང་ཚེ་སྤོང་བར་གྱུར་པ་ནི། །རྟག་ཏུ་ཆོས་མཆོག་སྤྱོད་པ་སྟེ། །དེས་ནི་གསང་བ་རབ་འགྲུབ་འགྱུར། །སྲིད་གསུམ་མངོན་པར་ཆགས་པས་
D480.084.0192b07.01