完整藏文原文 · 德格版页 当前仅加载第 84 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་རིག་པའི་ལས་རྣམས་ཀུན། །དེ་ལྟ་བུ་ནི་བྱེད་པ་མིན། །སྦྱིན་སྲེག་རྣམ་པ་མང་ལྡན་པ། །མདོ་རུ་བསྡུ་ན་རྣམ་པ་ལྔ། །རྒྱས་པར་རྣལ་འབྱོར་ཆེན་པོ་ཡི། །གསང་བའི་མདོ་ལས་རབ་ཏུ་བཤད། །རིག་པ་འཛིན་པའི་རྣམ་འཕྲུལ་བ། །ཇི་ལྟར་སྦྱིན་སྲེག་རྣམ་པ་
D480.084.0268b01.01ཡིས། །རིགས་ཀྱི་དཀྱིལ་འཁོར་འགྲུབ་འགྱུར་བ། །མདོར་བསྡུས་རབ་ཏུ་བཤད་པར་བྱ། །སྦྱིན་སྲེག་ལས་ནི་རྣམ་པ་ལྔ། །རེ་རེ་ཞིང་ཡང་རྣམ་པ་མང་། །ཞི་བ་དང་ནི་རྒྱས་པ་ཉིད། །མངོན་སྤྱོད་ཀྱི་ནི་གསུམ་པ་སྟེ། །དགུག་པ་ཡང་ནི་བཞི་པ་ཡིན། །ལྔ་པ་དབང་
D480.084.0268b02.01དང་ཡང་དག་ལྡན། །སྦྱིན་སྲེག་ལྔ་པ་དེ་རྣམས་ནི། །དབང་དུ་བྱེད་པ་མཆོག་ཡིན་ནོ། །དེ་ནས་ཐབ་ཁུང་རབ་བཤད་བྱ། །སྦྱོར་བ་ཇི་བཞིན་སྦྱོར་བར་བྱ། །ཞི་ལ་ཐབ་ཁུང་ཟླུམ་པོ་སྟེ། །ཀུན་ནས་ཡོངས་སུ་ཟླུམ་པོ་ཡིན། །རྒྱས་པ་ལ་ནི་གྲུ་བཞི་སྟེ། །མངོན་སྤྱོད་
D480.084.0268b03.01ལ་ནི་གྲུ་གསུམ་ཡིན། །ཐབ་ཁུང་རྡོ་རྗེའི་རྣམ་པ་ཅན། །ཀུན་དུ་དགུག་པར་བྱེད་པའི་མཆོག །དེ་བཞིན་ཐབ་ཁུང་རིང་བོར་བྱ། །དབང་དུ་བྱེད་པའི་མཆོག་ཡིན་ནོ། །དེ་དག་རྣམ་པ་ལྔ་རུ་བཤད། །ཐབ་ཁུང་ལས་ནི་བླ་ན་མེད། །སྲོད་ཀྱི་དུས་སུ་ཞི་བ་བྱ། །སྔ་དྲོའི་
D480.084.0268b04.01དུས་སུ་རྒྱས་པའི་ལས། །ཉི་མ་ཕྱེད་ན་མངོན་སྤྱོད་ཀྱི། །དྲག་པོའི་ལས་ནི་ངེས་པར་བྱ། །དགུག་པ་དུས་རྣམས་ཐམས་ཅད་དུ། །མཚན་མོ་དབང་དུ་བྱ་བ་ཡིན། །སྦྱོར་བ་ལྔ་པོ་འདི་ཡིས་ནི། །མཉམ་པར་གཞག་པས་ལས་རྣམས་བྱ། །ཤར་དུ་ཁ་བལྟས་ཞི་དོན་དུ། །
D480.084.0268b05.01རྒྱས་པ་བྱང་དུ་ཡང་དག་གནས། །ལྷོ་རུ་ཁ་བལྟས་གྱུར་པ་ཡིས། །མངོན་སྤྱོད་ཀྱི་ནི་ལས་རྣམས་སོ། །སྟེང་དུ་ཁ་བལྟས་དེ་བཞིན་དགུག །ཕྱོགས་རྣམས་ཀུན་དུ་དབང་དུ་བྱ། །ཕྱོགས་མཚམས་ཐམས་ཅད་མཉམ་སྦྱོར་བསམ། །ཡང་ན་ནུབ་ཀྱི་ཕྱོགས་སུ་བཤད། །
D480.084.0268b06.01ཞི་ལ་སངས་རྒྱས་ཕྱག་རྒྱ་སྟེ། །རྒྱས་ལ་ནོར་བུའི་མཚན་མས་སོ། །རྡོ་རྗེ་ཁྲོ་བོ་མངོན་སྤྱོད་ལ། །དབང་ལ་པདྨའི་རིགས་ཀྱིས་སོ། །ཤིན་ཏུ་དགུག་པ་དང་ལྡན་པ། །རྡོ་རྗེ་ལྕགས་ཀྱུས་དགུག་པ་ལ། །སྦྱོར་བ་ལྔ་པོ་འདི་ཡིས་ནི། །སྦྱིན་སྲེག་ལས་ནི་རབ་ཏུ་བསྒྲུབ། །
D480.084.0268b07.01