完整藏文原文 · 德格版页 当前仅加载第 84 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ལྷན་ཅིག་ཆོས་སྤྱོད་ཅིང་། །གཉིས་ཀ་ལྷན་ཅིག་གྱུར་བས་དག་གཙང་མཆོད། །ཇི་ལྟར་བུད་མེད་ལྷན་ཅིག་དཀྱིལ་འཁོར་མཆོད། །དངོས་གྲུབ་དམ་པ་མཆོག་ཏུ་ཇི་ལྟར་འགྱུར། །གཞན་ཡང་རྡོ་རྗེ་རིགས་འབྱུང་ཀུན་ལྡན་ཞིང་། །མཆོག་ཏུ་མི་བཟད་དྲག་པོའི་ལས་ཅན་
D480.084.0145b01.01ཏེ། །དག་ཅིང་ཤིན་ཏུ་སྡུག་ལ་མཐོ་བར་འགྲོ། །འགལ་བ་དེ་ནི་ཇི་ལྟར་རུང་བར་འགྱུར། །གཞན་ཡང་བརྡེག་དང་གསད་པ་ལྷུར་ལེན་ཅིང་། །བསྐྲད་དང་དྲག་པའི་ལས་ཅན་དེ་དག་ནི། །དག་ཅིང་ཤིན་ཏུ་སྡུག་ལ་མཐོ་བར་འགྲོ། །འགལ་བ་དེ་ནི་ཇི་ལྟར་རུང་བར་འགྱུར། །
D480.084.0145b02.01གཞན་ཡང་བཟའ་དང་བཏུང་བ་ལྷུར་ལེན་ཅིང་། །སྙིང་འབྱིན་པ་ཡིས་དག་པར་འདོད་པ་ཉིད། །དེ་ནི་དག་ཅིང་སྡུག་ལ་མཐོ་བར་འགྲོ། །འགལ་བ་དེ་ནི་ཇི་ལྟར་རུང་བ་ཡིན། །གཞན་ཡང་ནོར་བུ་རིན་ཆེན་འཕྲོག་པ་ཡིས། །སྡུག་ཅིང་བསྟན་ལ་དག་ཅིང་མཐོར་འགྲོ་དང་། །གཞན་ཡང་
D480.084.0145b03.01ང་རྒྱལ་སེར་སྣ་ལྷུར་ལེན་པས། །དག་པར་འགྱུར་བ་ཉིད་ནི་འགལ་བ་ཡིན། །གཞན་ཡང་ལས་ཀྱི་རིག་པ་བྱུང་བ་ཡིས། །མི་དགེ་བ་ཡི་ལས་རྣམས་ཐམས་ཅད་བྱ། །འཁྲིག་སོགས་ལས་ཀྱི་ཟེ་ཚོགས་རྣམ་མང་པོའི། །ལས་བྱེད་པ་ནི་ཇི་ལྟར་སྐྱེན་མི་འགྱུར། །གཞན་ཡང་
D480.084.0145b04.01{བརྫུན་,རྫུན་}ཚིག་དེ་བཞིན་འཁྲིག་པ་ཡིས། །དག་འདོད་འཕགས་པ་མིན་པས་གསང་བ་ཡི། །རྒྱལ་བའི་དབང་ཆེན་འདོད་པས་བདུད་རྩི་ལྟར། །སྡུག་ཅིང་མཐོར་འགྲོ་ཇི་ལྟར་རུང་བར་འགྱུར། །ཀྱེ་མགོན་ཁྱོད་ནི་དག་པའི་ཆོས་ཀྱི་ཚོགས་ཏེ་ཁྱོད་ནི་རྟག་ཏུ་རྣལ་འབྱོར་འགྱུར། །ཀྱེ་མགོན་
D480.084.0145b05.01ཁྱོད་ནི་དགྱེས་ཆེན་བདུད་རྩི་འཆད་པ་དམ་ཆོས་གསང་བའི་འབྱུང་གནས་ཏེ། །ཀྱེ་རྒྱལ་ཁྱོད་ནི་དྲི་མེད་ཉི་མ་བཞིན་དུ་མི་ཤེས་ཀུན་དུ་སྦྱོང་མཛད་པ། །ཁྱབ་བྱེད་རྒྱལ་བའི་ངང་ཚུལ་འཇིག་རྟེན་གསུམ་གྱི་འདྲེན་ཆེན་བྱང་སེམས་དགའ་སྟོན་ཀྱེ། །མདོར་བསྡུས་པའོ།། །།ཀུན་མཆོག་
D480.084.0145b06.01ཐམས་ཅད་རིག་པ་སྟེ། །ཀུན་མཁྱེན་དྲི་མ་གསུམ་སྤངས་པ། །བྱང་སེམས་སངས་རྒྱས་རྒྱལ་པོ་ཆེ། །དེ་བཞིན་གཤེགས་པ་དེ་ཉིད་ནི། །ཏིང་ངེ་འཛིན་ལས་བཞེངས་ནས་ཀྱང་། །ཕྱོགས་རྣམས་ཀུན་དུ་གཟིགས་མཛད་དེ། །ཐུབ་པས་མགོན་རྣམས་རབ་བཏུད་ནས། །སངས་
D480.084.0145b07.01