完整藏文原文 · 德格版页 当前仅加载第 84 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེའི་ཀ་བའི་མདུན་གནས་སུ། །དཀྱིལ་འཁོར་དག་ནི་ལྔ་ཡིས་བརྒྱན། །གནས་ལྔ་དག་ནི་ཐམས་ཅད་དུ། །འཁོར་ལོ་ལྔ་ནི་དགོད་པར་བྱ། །འཁོར་ལོའི་དཀྱིལ་འཁོར་དབུས་སུ་ནི། །ཀུན་དུ་བྲི་ཞིང་དགོད་པར་བྱ། །རྡོ་རྗེ་བསྙེམས་ཚུལ་གྱིས་བལྟས་ནས། །རྡོ་རྗེ་
D480.084.0207a01.01སེམས་དཔའ་གཟུང་བར་བྱ། །ཨོཾ་བཛྲ་སཏྭ་ཧཱུཾ། དེ་ལ་དཀྱིལ་འཁོར་དབུས་སུ་ནི། །སངས་རྒྱས་རྒྱལ་པོ་དགོད་པར་བྱ། །གང་གི་ཐུགས་ལས་ངེས་བྱུང་བ། །གསང་བའི་ཚོགས་ནི་སྟུག་ཅིང་བརྟན། །རྣམ་པར་སྣང་མཛད་རྣལ་འབྱོར་ཆེ། །ཕྱོགས་རྣམས་ཀུན་དུ་རྣམ་པར་གསལ། །གང་
D480.084.0207a02.01གི་མཚན་སྨོས་ཙམ་གྱིས་ནི། །སྡིག་པ་ཀུན་ལས་རྣམ་གྲོལ་འགྱུར། །འཁོར་ལོས་སྒྱུར་བ་ཚོགས་ཆེན་པོ། །སེམས་དཔའ་བཞི་པོ་རྒྱལ་པོ་ཆེ། །ཕྱོགས་རྣམས་དག་ནི་ཐམས་ཅད་དུ། །རྡོ་རྗེ་ཤུགས་འཆང་དག་གིས་དགོད། །ཤར་དུ་རྡོ་རྗེ་སེམས་དཔའ་སྟེ། །ལྷོ་རུ་རྡོ་རྗེ་རིན་ཆེན་ནོ། །
D480.084.0207a03.01ནུབ་ཏུ་རྡོ་རྗེ་ཆོས་ཞེས་པ། །རྡོ་རྗེའི་ལས་ནི་བྱང་དུའོ། །རྡོ་རྗེ་སེམས་དཔའ་ལྔ་པོ་ནི། །ཐམས་ཅད་སངས་རྒྱས་ཅོད་པན་ལྡན། །རྒྱན་རྣམས་ཐམས་ཅད་ཀྱིས་སྤྲས་པ། །ནམ་བཟའ་དཀར་པོ་དག་མན་བས་པ། །དེ་ལ་འདི་རྣམས་ཀྱི་སྙིང་པོ་ནི། །ཨོཾ་སརྦ་ཡོ་གཱི་ཤྭ་ར་ཡ་ཧྲཱི་ཧཱུཾ། །ཨོཾ་བཛྲ་སཏྭ་
D480.084.0207a04.01ཧཱུཾ། ཨོཾ་བཛྲ་རཏྣ་ཧཱུཾ། ཨོཾ་བཛྲ་དྷརྨ་ཧཱུཾ། ཨོཾ་བཛྲ་ཀརྨ་ཧཱུཾ། རྡོ་རྗེ་སེམས་དཔའ་རྡོ་རྗེ་ཆེ། །རྩེ་མོ་ལྔ་པ་དགོད་པར་བྱ། །རྡོ་རྗེ་རིན་ཆེན་རིན་པོ་ཆེ། །རྡོ་རྗེ་པདྨའི་པདྨ་སྟེ། །རྡོ་རྗེ་ལས་ཀྱི་རྡོ་རྗེ་ནི། །རྡོ་རྗེ་རྣོན་པོ་མཚོན་ཆ་ཆེ། །རྣམ་སྣང་རང་གི་ཕྱག་རྒྱ་ནི། །ཡེ་ཤེས་ཁུ་ཚུར་ཡོངས་སུ་འཛིན། །
D480.084.0207a05.01ཟླ་བའི་དཀྱིལ་འཁོར་དང་ལྡན་པ། །འོད་ཀྱི་དབུས་སུ་ཡང་དག་གནས། །བདག་ཉིད་ཆེན་པོ་བཞི་པོ་ཀུན། །བཅོམ་ལྡན་འདས་ལས་རབ་ཏུ་བྱུང་། །གང་ན་འཁོར་ལོ་མེད་པ་ཡི། །དབུས་ཀྱི་འཁོར་ལོའི་གྲྭ་བཞི་རུ། །བཙུན་མོ་ཆེན་མོ་ལྷ་མོ་བཞི། །དགོད་པའི་ཆོས་ཉིད་བསམ་
D480.084.0207a06.01པར་བྱ། །རྡོ་རྗེ་སེམས་མ་རྡོ་རྗེ་ཆོས། །དེ་བཞིན་རྡོ་རྗེ་རིན་ཆེན་མ། །རྡོ་རྗེ་ལས་མ་བཙུན་མོ་ཆེ། །དཀྱིལ་འཁོར་གྲྭ་བཞིར་བྲི་བར་བྱ། །རྡོ་རྗེ་སེམས་མ་བྱང་སེམས་མ། །ཕ་རོལ་ཕྱིན་པ་ཆེན་པོ་མཆོག །ལྷ་མོ་ཆེན་མོ་རྡོ་རྗེ་ཆོས། །ཤེས་རབ་ཕ་རོལ་ཕྱིན་པ་མཆོག །དཔལ་ཆེན་
D480.084.0207a07.01