完整藏文原文 · 德格版页 当前仅加载第 84 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བར་འགྱུར་བ་དང་། །བྱང་ཆུབ་སེམས་ནི་རྗེས་དྲན་ན། །དེས་ཀྱང་སངས་རྒྱས་ཉིད་ཐོབ་འགྱུར། །ཧཱུྃ་ཧྲྀ་ད་ཡ་ཨཱ་ཀརྵ་ཡ་བཛྲ་ཀྲོ་དྷ་ཧཱུྃ་ཕཊ། རྡོ་རྗེ་རིག་པ་མཆོག་རྒྱལ་པོར། །མཁས་པ་ཡིས་ནི་བདག་ཉིད་བསྒོམ། །འབར་བ་ཡིས་ནི་ཁྱབ་པའི་སྐུ། །རྡོ་རྗེ་
D480.084.0267a01.01བསྒོམ་པས་འགྲུབ་པར་འགྱུར། །ཧཱུྃ་གསང་བའི་བདག་པོ་ཀུན་གྱི་སྙིང་པོའི་སྔགས་ནི་གསུངས་པར་འགྱུར། །དེ་ནས་རྡོ་རྗེ་འཆང་བས་རྣལ་འབྱོར་དབང་པོ་རྟོག་པར་མཛད། །གདུལ་བྱ་མིན་ལ་ཤིན་ཏུ་འཕྲོག་ཅིང་གདུལ་བྱ་ལ་ཆགས་བློ། །ས་འཛིན་མཆོག་གི་དབང་
D480.084.0267a02.01པོ་བསླབ་པ་རྣམ་པར་རོལ་པའི་ས། །སཱུཀྵྨ་རྫོགས་སོ།། །།གསང་བ་སྐར་མ་ཉི་ཟླ་སྟེ། །རྡོ་རྗེ་དམ་ཚིག་བརྗོད་པར་བྱ། །རྣམ་རྟོག་གིས་བརྟགས་མཛེས་གྱུར་པ། །དེ་ནས་མཆོད་པའི་ཆོ་ག་བཤད། །བདག་ཉིད་སངས་རྒྱས་གཟུགས་དང་ནི། །སངས་རྒྱས་
D480.084.0267a03.01རྣམ་འཕྲུལ་རབ་ཏུ་བསྒོམ། །དང་པོ་སྦྱོར་བྱུང་ཇི་སྐད་བཤད། །སངས་རྒྱས་ཐམས་ཅད་མཆོད་པར་བྱ། །ཨོྃ་སརྦ་ཏ་ཐཱ་ག་ཏ་བཛྲ་ཀརྨེ་ཤྭ་རི་ཧཱུྃ། རང་གི་སྙིང་ཁར་བྱང་ཆུབ་སེམས། །སངས་རྒྱས་ཀུན་གྱི་ཚོགས་བསམས་ནས། །མཆོད་པ་ཡི་ནི་མཆོག་འདི་ཡིས། །
D480.084.0267a04.01འདྲེན་པ་ཐམས་ཅད་མཆོད་པ་བྱ། །ཧཱུྃ། དབང་ཕྱུག་ཆེན་པོ་དང་བཅས་པ། །ལྷ་རྣམས་ཐམས་ཅད་དགུག་བྱ་ཞིང་། །བདག་ཉིད་རྡོ་རྗེ་ཁྲོ་བོ་ཡིས། །ཁྲོ་བོའི་མཆོད་པས་རབ་ཏུ་མཆོད། །ཨོྃ་སརྦ་ཏ་ཐཱ་ག་ཏ་པཱུ་ཛཱ་ཀརྨ་ས་མ་ཡ་བི་སྟི་བི་སྟྭར་ཏྲཻ་ལོ་ཀྱ་བི་ཛ་ཡེ་ཤྭ་སརྦ་
D480.084.0267a05.01དུཥྚཱ་ན་མ་ཧཱ་ས་མ་ཡ་བཛྲཱི་ཧཱུྃ། ཁྲོ་གཉེར་ཅན་ཀུན་ང་བདག་ཉིད། །ཁྲོ་བོ་རིན་ཆེན་གྱིས་བསྒོམ་བྱ། །སངས་རྒྱས་ཐམས་ཅད་འཇིགས་བྱ་ཞིང་། །རིན་ཆེན་མཆོད་པས་རབ་ཏུ་མཆོད། །ཨོྃ་སརྦ་ཏ་ཐཱ་ག་ཏ་ཀ་པཱ་ཤ་ས་མ་ཡ་སྥ་ར་ཎ་མ་ཧཱ་པཱུ་ཛཱ་ཨཱ་ཀརྵ་ཡ་བི་དྷི་བི་སྟྭ་ར་ས་མ་ཡ་
D480.084.0267a06.01ཧཱུྃ། ཆོས་ཀྱི་དབྱིངས་དང་མཚུངས་པར་སྣང་། །རྡོ་རྗེ་ཆོས་ནི་བརྟན་པ་བདག །ཆོས་ཀྱི་མཆོད་པས་རབ་མཆོད་པས། །སངས་རྒྱས་ཐམས་ཅད་མཆོད་པར་བྱ། །ཨོྃ་སརྦ་ཏ་ཐཱ་ག་ཏ་དྷརྨ་དྷཱ་ཏུ་སྥ་ར་ཎ་མ་ཧཱ་པཱུ་ཛཱ་བི་དྷི་བི་སྟྭ་ར་ས་མ་ཡ་ཧཱུྃ། བདག་ཉིད་རྡོ་རྗེ་ལས་ཉིད་
D480.084.0267a07.01