完整藏文原文 · 德格版页 当前仅加载第 84 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་རྣལ་འབྱོར་ཆེ། །གསང་བ་ཀུན་ལས་ཡང་དག་བྱུང་། །རྡོ་རྗེའི་སྦྱོར་བའི་ཏིང་འཛིན་གྱིས། །རྡོ་རྗེ་ཅན་ལ་བསྐུལ་བ་གསུངས། །ཨོྃ་བཛྲ་ས་ཏྭ་ཨུཏ་ཏིཥྛ། རྡོ་རྗེ་བསྐུལ་བ་གསུངས་པ་ན། །ཆོས་དབྱིངས་སངས་རྒྱས་གཅིག་པུ་ཉིད། །གསང་
D480.084.0237a01.01བའི་རྣལ་འབྱོར་ཏིང་འཛིན་གྱིས། །རྡོ་རྗེ་སེམས་དཔའ་བཞེངས་པར་གྱུར། །ཐུབ་པས་མགོན་རྣམས་ལ་བཏུད་ནས། །ཚིག་ནི་འདི་སྐད་གསུངས་པར་གྱུར། །རྣམ་པ་ཀུན་དུ་ཅི་ཞིག་བགྱི། །བདག་ལ་སངས་རྒྱས་ཀུན་གྱིས་གསུངས། །ཕྱག་ན་རྡོ་རྗེ་བརྟན་པ་ལ། །དེ་ནས་
D480.084.0237a02.01སངས་རྒྱས་ཀུན་གྱིས་གསུངས། །གསང་བ་རྡོ་རྗེ་རིགས་ཞེས་པ། །རིགས་ཀྱི་དཀྱིལ་འཁོར་བཤད་དུ་གསོལ། །སངས་རྒྱས་ཀུན་གྱི་གསུང་ཐོས་ནས། །རྡོ་རྗེ་དབང་པོའི་གནས་སྣང་བྱེད། །རབ་ཏུ་བཏུད་ནས་ཚིག་གསུངས་པ། །མགོན་པོ་རྣལ་འབྱོར་གཟིགས་སུ་
D480.084.0237a03.01གསོལ། །བདག་གི་སྣོད་དང་ལྡན་པའི་མཆོག །འདི་ནི་སེམས་ཅན་འགའ་ཡང་མེད། །གང་ཕྱིར་མུ་སྟེགས་ལ་ཆགས་ཤིང་། །སྐྱེ་དགུ་ལྟ་བའི་དྲི་མས་ཁྱབ། །སེམས་ཅན་འདི་དག་གདུལ་བྱ་མིན། །སངས་རྒྱས་ཆོས་ཀྱི་སྣོད་མ་ཡིན། །ལོག་པའི་ལམ་དུ་ཡང་དག་
D480.084.0237a04.01ཞུགས། །མུན་པ་སྟུག་པོ་ལ་གཞོལ་བ། །ལ་ལ་ལྷ་མི་ལྟ་ལ་ཆགས། །ཁ་ཅིག་བརྟུལ་ཞུགས་ལྟ་བའི་གནས། །ཁ་ཅིག་དཀའ་ཐུབ་གདུངས་པས་འཁྲུལ། །ཉོན་མོངས་པས་ནི་འཁྲུག་པའི་སེམས། །འདོད་པའི་ཡོན་ཏན་ལྔ་ལ་ཆགས། །སྐྱོ་བར་ཡང་ནི་མི་འགྱུར་ཏེ། །
D480.084.0237a05.01རྡོ་རྗེ་རིགས་ཀྱི་གསང་འདི་ལ། །ནམ་ཡང་སྦྱོར་བར་མི་འགྱུར་རོ། །དེ་དག་འདོད་ཆགས་ཆེ་ལ་ཆགས། །འདོད་པའི་ཆགས་པ་དག་ལས་རྒྱལ། །སངས་རྒྱས་བྱང་ཆུབ་ཆགས་བྲལ་བ། །གསང་བ་འདི་ལ་སྦྱོར་མི་འགྱུར། །ལྟ་བའི་ཆགས་པས་རྒྱལ་བར་འགྱུར། །
D480.084.0237a06.01འདོད་པའི་ཆགས་པས་ལྟ་བ་ཅན། །སྲིད་པའི་ཞགས་པས་ཤིན་ཏུ་ཆགས། །སངས་རྒྱས་བསྟན་པ་ལ་ཆགས་བྲལ། །ང་རྒྱལ་ལྷག་པའི་ང་རྒྱལ་བཅིང་། །གདུག་ཅིང་དྲག་ལ་ཤིན་ཏུ་ཁྲོ། །སྙིང་རྗེ་མེད་ཅིང་བརྩེ་མེད་འགྱུར། །དེ་ལ་གསང་བ་རུང་མ་ཡིན། །རྨོངས་
D480.084.0237a07.01