完整藏文原文 · 德格版页 当前仅加载第 84 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་འདི་རུ་ནི། །གཙོ་བོ་རབ་ཏུ་ཞུགས་པར་གྱིས། །གལ་ཏེ་དེ་བཞིན་མི་བྱེད་ན། །དབང་ཕྱུག་ཆེན་པོ་བཞིན་དུ་བྱ། །དེ་ནས་ལྷ་ཀུན་འཇིགས་གྱུར་ཏེ། །སྐྲག་ནས་ཐམས་ཅད་ཀྱིས་ཞུས་པ། །དེ་བཞིན་དུ་ནི་བགྱིད་པར་འཚལ། །བདག་
D480.084.0247a01.01ཅག་ཁྱེད་ཀྱི་བྲན་དུ་གྱུར། །རྒྱལ་པོ་ཁྱོད་ཀྱི་དམ་ཚིག་ནི། །ཇི་ལྟར་བསྒྲུབ་པར་མི་བགྱིད་ལགས། །བདག་ཅག་རྣམས་ནི་ཁྱོད་ཀྱི་འཁོར། །བསྐལ་པ་ཆེན་པོ་བཀའ་སྩོལ་ཅིག །རྡོ་རྗེ་ཁྲོ་བོས་བཀའ་སྩལ་པ། །སངས་རྒྱས་ཆོས་དང་དགེ་འདུན་ལ། །སྐྱབས་སུ་
D480.084.0247a02.01རབ་ཏུ་འགྲོ་བར་གྱིས། །བྱང་སེམས་ཡང་དག་བསྐྱེད་ནས་ནི། །སེམས་ཅན་ཀུན་ལ་ཡང་དག་སྦྱོར། །སྲོག་གཅོད་པ་ན་སྤང་བར་གྱིས། །རྐུ་དང་{བརྫུན་,རྫུན་}དུ་སྨྲ་བ་དང་། །གཞན་གྱི་ཆུང་མ་དེ་བཞིན་དུ། །དེ་ནི་དང་པོར་སྤང་བར་གྱིས། །སེམས་ཅན་གནོད་དང་ལྡན་པ་ནི། །
D480.084.0247a03.01ཅི་ནས་ཀྱང་ནི་མི་བྱའོ། །བྱང་ཆུབ་སྤྱོད་པ་རབ་སྦྱོར་བ། །དེ་ལ་ལྷོད་མིན་བརྩོན་པར་བྱ། །ང་ཡི་བསྟན་པའི་བཀའ་ཡི་ནི། །འདི་དག་དམ་ཚིག་ཡང་དག་བརྗོད། །ང་ཡི་ཚིག་ནི་མཉན་པར་གྱིས། །མིན་ན་ཁྱོད་ནི་ཀུན་དུ་སྲེག །དེ་ནས་འཇིག་རྟེན་གསུམ་འཁོར་ལོས། །
D480.084.0247a04.01དེ་ནས་ཚིག་ནི་བླངས་ནས་ཀྱང་། །བྱང་སེམས་ཡང་དག་བསྐྱེད་ནས་ནི། །དཀོན་མཆོག་གསུམ་ལ་སྐྱབས་སུ་སོང་། །རྡོ་རྗེ་ཁྲོ་བོ་རྒྱལ་པོ་ཆེས། །ཀུན་དུ་ཕྱག་རྒྱ་བྱིན་ནས་ཀྱང་། །ཕྱག་རྒྱའི་སྙིང་པོ་འདི་ཡིས་ནི། །རྡོ་རྗེ་ཏི་རིནྟི་རི་ཡི། །དཀྱིལ་འཁོར་དུ་ནི་བཅུག་གྱུར་པས། །
D480.084.0247a05.01ཨོྃ་བཛྲ་ས་མ་ཡ་གྲྀཧྞ་བུདྡྷ་ས་མ་ཡེ་བཛྲ་སཏྭ་ས་མ་ཡ་མ་ནུ་སྨ་ར། སརྦ་ཏ་ཐཱ་ག་ཏ་ས་མ་ཡ་ཏྲཾ། དྲྀ་ཌྷོ་མེ་བྷ་བ། ཨ་པྲ་ཏི་ཧ་རོ་མེ་བྷ་བ། སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡཿ། ཀུ་རུ་ཧ་ཧ་ཧ་ཧ་ཧཱུྃ། དེ་ནས་བརྗོད་པ་ཙམ་གྱིས་ནི། །ཕྱག་རྒྱ་ཀུན་དུ་བབས་པར་གྱུར། །རྡོ་རྗེ་ཏི་རིནྟི་
D480.084.0247a06.01རི་ཡི། །ཕྱག་རྒྱ་ཀུན་དུ་བསྟན་པར་གྱུར། །དེ་དག་རིམ་བཞིན་བཅུག་ནས་ནི། །རྡོ་རྗེ་རིན་ཆེན་དབང་བསྐུར་གྱུར། །རྡོ་རྗེ་མཚན་མ་ལག་བྱིན་ནས། །རྡོ་རྗེ་མིང་ནི་དབང་བསྐུར་གྱུར། །དེ་ལ་ལྷ་རྣམས་ཐམས་ཅད་ནི། །རྡོ་རྗེ་མིང་གི་དབང་བསྐུར་འགྱུར། །སྔོན་ལ་འཇིག་
D480.084.0247a07.01