完整藏文原文 · 德格版页 当前仅加载第 84 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་ཡི་སྦྱོར་བའི་ཆོ་ག་དང་། །ཕུར་བུས་བགེགས་ནི་བསལ་བྱ་ཞིང་། །ཚོན་རྩི་ལྔ་ཡི་སྲད་བུ་ནི། །རྡོ་རྗེ་གསང་བས་བསྲུང་བར་བྱ། །རྡོ་རྗེ་དབྱིངས་ཀྱི་སྦྱོར་བ་ཡིས། །ཕྱི་རོལ་དཀྱིལ་འཁོར་ཐིག་གདབ་བྱ། །ཇི་སྐད་སྔར་བཤད་དེ་ཉིད་ནི། །རྡོ་རྗེ་གསང་བ་ཡོངས་སུ་
D480.084.0235a01.01བཀོད། །རྡོ་རྗེ་གསང་བ་ཡོངས་བཀོད་ནས། །ཕྱི་རོལ་དཀྱིལ་འཁོར་ཐིག་གདབ་བྱ། །རྡོ་རྗེ་འཁོར་ལོ་རབ་མཛེས་ལ། །འཁོར་ལོའི་དབུས་སུ་རབ་ཏུ་དགོད། །རྡོ་རྗེ་ཆགས་པ་ཡོངས་སུ་དགོད། །ཚོན་རྩི་ལྔ་ནི་རབ་ཏུ་དབྱེ། །ཇི་སྐད་གསང་རྒྱུད་ལས་གསུངས་བཞིན། །དཀར་
D480.084.0235a02.01པོ་སྣ་ཚོགས་འོད་འབར་བ། །སྔོན་པོ་སེར་པོ་ཤིན་ཏུ་འབར། །བཙོད་སོགས་དང་ནི་རབ་ཏུ་ལྡན། །འོད་ཟེར་དམར་པོ་སྣ་ཚོགས་ལྡན། །སྣ་ཚོགས་ཚོན་རྩིས་བྲི་བར་བྱ། །འོད་ཟེར་དམར་པོ་སྣ་ཚོགས་འབར། །རྡོ་རྗེ་འཁོར་ལོ་ཡོངས་བཀོད་ནས། །ཟླ་བ་གང་བར་རབ་བཀོད་དོ། །
D480.084.0235a03.01འཁོར་ལོ་ཐམས་ཅད་ཡོངས་སུ་བཟུང་། །ཁ་དོག་ཇི་བཞིན་རིགས་པ་བཞིན། །ཇི་ལྟར་མཛེས་ཤིང་ཤིན་ཏུ་དཀར། །ཇི་བཞིན་ཟླ་བ་ཉ་བ་མཚུངས། །ཟླ་བ་གང་བ་ཡང་དག་བྲི། །ཟླ་བ་གང་བའི་དབུས་སུ་ནི། །རྡོ་རྗེ་སེམས་དཔའ་ཡང་དག་བྲི། །གང་གིས་མཚན་ནི་བཟུང་
D480.084.0235a04.01བ་ཡིས། །སྐད་ཅིག་གིས་ནི་སྡིག་ལས་གྲོལ། །འཛུམ་པ་དང་བཅས་ཟླ་བའི་མདོག །ཤིན་ཏུ་ཆགས་པ་དགའ་ཆེན་པོ། །མྱུར་དུ་རྡོ་རྗེའི་ཚིག་བརྗོད་དེ། །རྡོ་རྗེ་ཉིད་ཀྱི་སྙིང་པོ་ཡིན། །ཨོཾ་མ་ཧཱ་སུ་ཁ་བཛྲ་སཏྭ་ཧཱུྃ་ཛཿཧཱུྃ་བྃ་ཧོཿ། རྡོ་རྗེའི་གླུ་ནི་བླང་བྱ་ཞིང་། །བྱང་ཆུབ་
D480.084.0235a05.01སེམས་དཔའི་སྤྱོད་པ་ཆེ། །སངས་རྒྱས་བྱང་ཆུབ་རབ་སྟེར་བྱེད། །འདོད་པའི་ཆགས་པ་ཡང་དག་དྲན། །ཐམས་ཅད་རྗེས་ཆགས་བདེ་བ་ཐུགས་མཆོག་མངའ། །རྡོ་རྗེ་སེམས་དཔའ་རབ་ཏུ་དགའ་བ་མཆོག །ཀྱེ་ཁྱོད་བདེ་ཆེན་བསྟན་པས་འཕེལ་མཛད་པ། །རབ་ཏུ་མྱུར་
D480.084.0235a06.01དུ་སྒྲུབ་པ་འགྲུབ་པར་མཛོད། །རྡོ་རྗེའི་གླུ་ནི་དེ་ལྟ་བུ། །བླང་ཞིང་འཁོར་ལོ་སྤྱན་དྲང་བྱ། །རྡོ་རྗེ་སེམས་དཔའ་རྒྱལ་པོ་ཆེ། །རྗེས་སུ་ཆགས་ཤིང་རབ་འགྲུབ་འགྱུར། །སེམས་དཔའི་སྐྱིལ་ཀྲུང་ཡང་དག་གནས། །རྡོ་རྗེ་བསྙེམས་ཚུལ་འཆང་བའི་མཆོག །རོལ་པ་དང་
D480.084.0235a07.01