完整藏文原文 · 德格版页 当前仅加载第 84 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བ་ལ་ནི་བཀའ་ནོད་གྱུར། །ཕྱག་ན་རྡོ་རྗེ་སྟོབས་ཆེན་ལ། །དེ་ནས་སངས་རྒྱས་ཀུན་གསུངས་པ། །ཨོྃ་ཧ་ན་ཧ་ན་བཛྲ་ཧཱུྃ་ཕཊ། དེ་ནས་རྡོ་རྗེ་འཛིན་དྲག་པོས། །སངས་རྒྱས་ཀུན་གྱི་གསུང་ཐོས་ནས། །འཇིགས་པ་འགུགས་པའི་རྡོ་རྗེ་ནི། །རང་
D480.084.0250a01.01ཉིད་ཀྱི་ནི་སྔགས་འདི་བརྗོད། །ཨོྃ་བཛྲ་ཨཱ་ཀཪྵ་ཡ་ཤཱི་གྷྲཾ། སརྦ་དུཥྚ་གྲྀཧྞ་བཛྲ་ས་ཏྱེ་ན་ཧཱུྃ་ཛཿ། དེ་ནས་བརྗོད་པ་ཙམ་གྱིས་ནི། །མཁའ་འགྲོ་མ་ནི་མདངས་འཕྲོག་པ། །རྣལ་འབྱོར་སྔགས་དང་ཕྱག་རྒྱར་བཅས། །རི་རབ་ཏུ་ནི་ཀུན་དུ་འདུས། །རྡོ་རྗེ་ལྕགས་ཀྱུས་བཀུག་
D480.084.0250a02.01ནས་ནི། །འབར་བ་དང་བཅས་འབར་བར་གྱུར། །སྤྱི་བོར་ཐལ་མོ་སྦྱར་ནས་རྩིག །སྨྲས་པ་རྡོ་རྗེ་འཛིན་པས་སྐྱོབས། །སྐལ་ཆེན་རྡོ་རྗེ་ཅན་གྱིས་གསུངས། །ཀྱེ་གདུག་ཚོགས་ཆེན་པོ་མྱུར་བ་རུ། །གསོད་པ་སྤོངས་ལ་བཀའ་ཉན་གྱིས། །དེ་དག་རེ་རེ་ཞིང་སྨྲས་པ། །བདག་
D480.084.0250a03.01ཅག་འདི་རྣམས་ཤ་ཟ་སྟེ། །གང་ཞིག་རྟག་ཏུ་གསོན་གྱུར་པ། །བདག་ཅག་ལ་ནི་ཐབས་བསྟན་གསོལ། །དེ་ནས་རྒྱལ་པོ་རྡོ་རྗེ་འཆང་། །དེ་ཡིས་ཐབས་ནི་འདི་གསུངས་སོ། །ཟླ་གཅིག་ལོན་ནས་ཤི་བ་གང་། །དེ་ནི་བཟའ་བ་བླང་བར་གྱིས། །བྱང་ཆུབ་སེམས་ལ་ཆགས་
D480.084.0250a04.01བྲལ་ནས། །གསང་བ་སྨོད་པ་ལྷུར་ལེན་པ། །ཁྱོད་དང་ལྷན་ཅིག་ཡང་དག་སྦྱོར། །དེ་བཟའ་བ་ནི་གནང་བར་གྱིས། །ཕྱག་རྒྱ་ཡི་ནི་སྙིང་པོ་འདི། །རྟག་ཏུ་བཅང་བར་བྱ་བ་སྟེ། །ཕྱི་རོལ་ཐམས་ཅད་སྤངས་ནས་ནི། །སངས་རྒྱས་བསྟན་པ་བསྲུང་བར་གྱིས། །ཨོྃ་བཛྲ་
D480.084.0250a05.01པྲ་ཏི་གྲྀ་ཧྞ་ཧྲྀ་ད་ཡ་ཨཱ་ཀཪྵ་ཡ། ཙརྱ་ཡཾ་མེ་ས་དྷོ་དྷེ་ན་མི་ནི་ཡ་ཏེ་ཧཱ་ས་རི་དྷ་ཡཾ་ནི་ཥྐ་མ་དུ་ས་མ་ཡ་ཧཱུྃ་ཛཿ། དེ་ནས་རྒྱལ་པོ་རྡོ་རྗེ་འཛིན། །རང་གི་སྔགས་དང་ཕྱག་རྒྱར་ལྡན། །ཁྲོ་བོ་སྤྱི་གཙུག་རྒྱལ་པོ་ནི། །རྣལ་འབྱོར་པ་ནི་དེ་ཡིས་སྤྲོས། །གལ་ཏེ་དམ་ཚིག་ལས་འདས་ན། །
D480.084.0250a06.01ཁྲ་བོ་བདག་ཉིད་ཆེན་པོ་ཡི། །རྟག་ཏུ་མགོ་བོ་འགས་བྱེད་ཅིང་། །རིགས་དང་བཅས་པ་ངེས་པར་སྲེག །བདུད་རྩི་སྨན་གྱི་རྒྱལ་པོ་ཞེས། །བྱ་བ་དེ་འདྲའི་ཏིང་འཛིན་ལ། །སེམས་དཔའ་ཆེན་པོ་སྙོམས་ཞུགས་ནས། །ནད་ཀྱི་དོན་དུ་ཚོལ་བར་གྱུར། །བཅོམ་ལྡན་འདས་ཀྱིས་
D480.084.0250a07.01