完整藏文原文 · 德格版页 当前仅加载第 84 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཆོས་རྣམས་ཐོབ་བྱེད་ཅིང་། །དགེ་བ་ལ་རྟེན་སྦྱིན་པའང་ཡིན། །ཕྱག་རྒྱ་ཡི་ནི་མཚན་ཉིད་བརྗོད། །སངས་རྒྱས་ཀུན་དང་བརྟུལ་ཞུགས་ལྡན། །བྱང་ཆུབ་སེམས་དཔའ་རྣམས་དང་ནི། །རྡོ་རྗེ་འཆང་བ་ཐམས་ཅད་དག །སྤྱོད་ལམ་ཕྱག་རྒྱ་མཚོན་པར་བྱེད། །སྔགས་
D480.084.0155b01.01རྣམས་ཀྱི་ནི་མཚན་ཉིད་ཀྱང་། །སངས་རྒྱས་ཀུན་གྱི་ཐུགས་ཡིན་ཏེ། །ཆོས་ཀྱི་སྙིང་པོ་སྒྲུབ་བྱེད་ཅིང་། །ཆོས་ཀྱི་དབྱིངས་དང་ཡང་དག་ལྡན། །སྔགས་ཀྱི་མཚན་ཉིད་ཡིན་པར་བརྗོད། །རིག་སྔགས་ཀྱི་ནི་མཚན་ཉིད་གསུངས། །འཁོར་བར་མྱོང་བའི་སྡུག་བསྔལ་དང་། །འདོད་
D480.084.0155b02.01ཆགས་ལ་སོགས་ཉེས་པའི་ཚོགས། །རིགས་དང་བཅས་པ་ཞི་བྱེད་པའི། །རིག་སྔགས་ཀྱི་ནི་མཚན་ཉིད་བརྗོད། །དེ་བཞིན་ཁོ་ནར་གཟུངས་སྔགས་ཀྱི། །སངས་རྒྱས་ཆོས་རྣམས་འཛིན་བྱེད་ཅིང་། །ཆོས་རྣམས་འཛིན་པར་བྱེད་པ་དང་། །དགེ་བ་ཞེས་བྱ་འཛིན་བྱེད་པ། །
D480.084.0155b03.01གཟུངས་སྔགས་ཀྱི་ནི་མཚན་ཉིད་བརྗོད། །རྩ་བའི་ཕྱག་རྒྱའི་གནས་ནི་གང་། །ཇི་ལྟར་བཅིང་བྱ་ཐུབ་ཆེན་པོ། །ཕྱག་རྒྱ་དག་ནི་འཆིང་བ་ན། །ཇི་ལྟར་རྡོ་རྗེ་ཅན་ཀུན་མཉེས། །དང་པོ་ཁོ་ནར་ཁྲུས་བྱ་ཞིང་། །དེ་བཞིན་ཕྱོགས་དག་བཅིང་བ་དང་། །ལོག་འདྲེན་རྣམས་ཀྱང་བཅིང་བྱ་
D480.084.0155b04.01སྟེ། །གོས་དག་གཙང་མ་བགོ་བྱ་ཞིང་། །གྲོང་དང་ཡུལ་འཁོར་དག་དང་ནི། །གྲོང་ཁྱེར་དང་ནི་གྲོང་རྡལ་རྣམས། །དེ་ཡི་དབུས་སུ་ཕྱག་རྒྱ་དག །ནམ་ཡང་བཅིང་བར་མི་བྱ་སྟེ། །ལྷ་ཁང་ཡང་ན་དགོན་པའམ། །རི་བོ་ཡི་ནི་ཕུག་དག་གམ། །རྣམ་པ་སྣ་ཚོགས་ཀྱིས་
D480.084.0155b05.01དབེན་ཞིང་། །འདུ་འཛི་མེད་པའི་གནས་གཙང་མ། །དེར་ནི་སྐྱིལ་ཀྲུང་བཅའ་བར་བྱ། །བཀྲ་ཤིས་སྐྱིལ་ཀྲུང་ཉིད་བྱ་སྟེ། །ཇི་ལྟར་བྱང་ཆུབ་སེམས་དཔའ་ཡིས། །བྱང་ཆུབ་སྙིང་པོར་བཅིངས་པ་བཞིན། །དེར་ནི་མིག་དག་བཙུམ་བྱ་ཞིང་། །སོ་ལ་སོ་ནི་གཞག་པར་བྱ། །མཆུ་
D480.084.0155b06.01གཉིས་དག་ཀྱང་མཉམ་བྱ་ཞིང་། །དྲན་པ་རྩེ་གཅིག་བྱས་ནས་ཀྱང་། །སྦྱོར་མེད་སྦྱོར་བའི་སྔགས་བཟླ་ཞིང་། །ཕྱག་རྒྱ་ཆེན་པོ་བཅིང་བར་བྱ། །ཕྱག་རྒྱའི་རྣམ་པ་དེ་ལྟ་བུའི། །བཅིངས་པས་རྡོ་རྗེ་ཅན་ཀུན་མཉེས། །རིག་སྔགས་ཇི་ལྟར་བཟླ་བར་བྱ། །དབང་ཕྱུག་ཆེན་པོ་གསང་བས་
D480.084.0155b07.01