完整藏文原文 · 德格版页 当前仅加载第 84 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
དབུས་ཀྱི་ལྟེ་བར་ནི། །དེ་རུ་ཡི་གེ་ཧཱུྃ་བསྒོམ་བྱ། །ཐེག་པ་ཆེན་པོ་མངོན་པར་བསྡུས། །ཇི་བཞིན་མདོ་ཡི་རྗེས་འབྲངས་ནས། །ཇི་བཞིན་རྒྱལ་པོ་སྐྱེས་བུར་བཅས། །ཡི་གེ་ཧཱུྃ་ནི་དང་པོར་བཅས། །དེ་བཞིན་ཡིད་ཀུན་རྣལ་འབྱོར་པས། །སྙིང་ག་རུ་ནི་བསྒོམ་
D480.084.0233a01.01པར་བྱ། །བདག་ཉིད་རྡོ་རྗེའི་གཟུགས་སུ་སྟེ། །དབུས་སུ་ཡི་གེ་ཧཱུྃ་བསྒོམ་བྱ། །དེ་བཞིན་ཡི་གེ་ཐམས་ཅད་ཀྱང་། །རྣལ་འབྱོར་པས་ནི་སྙིང་གར་བསྒོམ། །ཟླ་བའི་གཟུགས་ལས་ཡང་དག་གནས། །བདག་ཉིད་ཡོངས་སུ་བསྒོམ་བྱ་ཞིང་། །རིགས་ཀྱི་ལྷ་ཡི་སྦྱོར་བ་ཡིས། །རང་
D480.084.0233a02.01བདག་ཉིད་ནི་བསྒོམ་པར་བྱ། །རྡོ་རྗེ་སེམས་དཔའ་གང་འགའ་ཞིག །གང་དང་གང་ཞིག་མངོན་འདོད་པ། །རིགས་པ་དེ་ནི་སྙིང་གར་བསྒོམ། །ཡི་གེ་ཧཱུྃ་ནི་དང་པོར་སྦྱར། །གང་ཕྱིར་དེ་ལས་རྟོགས་པ་འབྱུང་། །དེ་བཞིན་ཡིད་ཀུན་རྣལ་འབྱོར་པས། །སྙིང་གར་བསྒོམས་པས་བསྒོམ་
D480.084.0233a03.01པར་བྱ། །ཡང་ན་ནམ་མཁའི་སྦྱོར་བ་ཡིས། །ཡི་གེ་ཧཱུཾ་ནི་དང་པོར་སྦྱར། །ནམ་མཁའི་རང་བཞིན་བསྒོམ་བྱ་ཞིང་། །ཡི་གེ་དག་ནི་ཐམས་ཅད་སྦྱར། །ཡང་ན་ནམ་མཁའི་ཟླ་དབུས་སུ། །གནས་པའི་ཡི་གེ་ཧཱུྃ་བསྒོམ་བྱ། །བདག་ཉིད་རིགས་ཀྱི་ལྷ་མོར་བསམ། །སྐད་ཅིག་
D480.084.0233a04.01དེ་ལ་རབ་འགྲུབ་འགྱུར། །ཧཱུྃ་ནི་ཇི་སྐད་བསྟན་པ་བཞིན། །སྔགས་ཀུན་རབ་ཏུ་བསྒོམ་པར་བྱ། །རིག་པ་ཀུན་གྱི་གསང་བ་ནི། །རྒྱུད་ཀུན་ཡང་དག་བསྡུས་པ་སྟེ། །བཟླས་པའི་གསང་བ་དེས་སྤངས་པ། །གསང་བ་འདི་ནི་རྣམ་པ་དྲུག །རིག་འཛིན་རྣམས་ཀྱི་སྙིང་པོ་དང་། །རྣལ་
D480.084.0233a05.01འབྱོར་རྒྱུད་ནི་བསྡུས་པ་དང་། །དོན་ཡོད་ཤིན་ཏུ་རྨད་འབྱུང་བ། །གསང་བ་ལས་ཀྱང་མཆོག་གསང་བཤད། །བཟླས་བརྗོད་ཙམ་གྱི་སྦྱོར་བ་ཡིས། །ལྟ་བའི་རི་བོ་འཇོམས་པར་འགྱུར། །རང་གི་སྙིང་གའི་དབུས་སུ་ནི། །ཟླ་བའི་དཀྱིལ་འཁོར་བསྒོམ་པར་བྱ། །ཟླ་བའི་དཀྱིལ་
D480.084.0233a06.01འཁོར་དེ་དབུས་སུ། །ཟླ་བ་གཉིས་པ་བསྒོམ་པར་བྱ། །དབུགས་འབྱུང་རྔུབ་པ་གང་ཡིན་པ། །རྡོ་རྗེ་ཡི་གེ་ཧཱུྃ་དུ་བསྒོམ། །མེ་བསྲུབས་པ་ཡི་སྦྱོར་བ་ཡིས། །སྟེང་དང་འོག་ཏུ་རྒྱུ་བར་བྱ། །ཟླ་བའི་དཀྱིལ་འཁོར་ཡང་དག་གནས། །དབུས་སུ་ཡི་གེ་ཧྲཱིཿབསྒོམ་བྱ། །སྟེང་འོག་
D480.084.0233a07.01