完整藏文原文 · 德格版页 当前仅加载第 84 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་དྲིལ་བུ་དཀྲོལ་བྱ་ཞིང་། །གདུག་པའི་དཀྱིལ་འཁོར་བསྡིགས་པར་བྱ། །གདུག་པའི་སེམས་ནི་གདུལ་བྱ་ཞིང་། །ཉོན་མོངས་མཆོག་ཏུ་གསད་པར་བྱ། །དབབ་ཅིང་བརྗོད་པ་ཉིད་དུ་བྱ། །རྡོ་རྗེ་མཆོད་པས་མཆོད་པར་བྱ། །གླུ་དང་མཆོད་པ་ཡང་དག་ལྡན། །རྡོ་རྗེ་
D480.084.0259b01.01གླུ་ནི་བླང་བར་བྱ། །རྡོ་རྗེ་ཡི་ནི་གླུ་འདི་དག །བླང་ཞིང་མཆོག་རྣམས་མཉེས་པར་བྱ། །བཏུད་ཅིང་དབུལ་བར་བྱ་བ་ཉིད། །རྡོ་རྗེ་གླུ་ནི་བླང་བར་བྱ། །ཤ་ཏ་ཤ་ཏ་མ་ཏས་ཏ་ཏི་རི། ཊ་ཏ་ཊ་ཏ་བྲི་ཏི་ཧ་ཏ། མ་ཏ་ཤ་ཏ་བྲ་ཏ་ཀ་ཏ། ཏ་བི་ཊ་བི་ཊ་ཊ་ཊ་ཊ། བ་ཊ་ཨི་ཏི་ཏ་ཊ་
D480.084.0259b02.01ཊ་ཊ། ཀ་ར་ཊ་ར་ཊ་ར་ར་ཊ། རྡོ་རྗེ་ཏི་རིན་ཏི་རི་ཡི། །ཕྱག་རྒྱས་བདག་ཉིད་དབང་བསྐུར་བྱ། །ཇི་ལྟར་འདོད་པ་བཀའ་མནོས་ནས། །རྡོ་རྗེའི་སྔགས་ནི་རབ་ཏུ་བསྐུལ། །སྔོན་པོ་གོས་ཀྱིས་སྟོད་གཡོགས་བྱ། །སྔོན་པོ་ཡིས་ནི་མིག་དགབ་བྱ། །རྡོ་རྗེ་ཏི་རིན་ཏི་རི་ཡི། །
D480.084.0259b03.01ཕྱག་རྒྱ་རྡོ་རྗེ་སློབ་མ་བཅིང་། །ཨོྃ་གྲྀཧྣ་བཛྲ་ས་མ་ཡ་ཧཱུྃ་བྃ། ཅི་རིགས་པར་ནི་གཞུག་བྱ་ཞིང་། །རྡོ་རྗེའི་སྔགས་ནི་བསྐུལ་བར་བྱ། །རྡོ་རྗེ་ཡི་ནི་སྔགས་འདི་ཡིས། །རྡོ་རྗེ་སློབ་མ་གཞུག་པར་བྱ། །ཨོྃ་བཛྲ་ས་མ་ཡ་པྲ་བེ་ཤེ་ཡཱ་མི། རྡོ་རྗེ་དབྱིངས་སོགས་དཀྱིལ་འཁོར་དུ། །
D480.084.0259b04.01རྒྱས་པར་ཇི་ལྟར་སྔ་མ་བཞིན། །ཡེ་ཤེས་དབབ་པའི་ལས་དག་ནི། །མཁས་པ་དག་གིས་བྱ་ཉིད་དོ། །མཆོད་པ་དང་ནི་གཏོར་མ་ཉིད། །རྡོ་རྗེ་ཅན་གྱིས་སྔར་གསུངས་ཉིད། །ཤེས་རབ་ཅན་གྱིས་ཀུན་བསླབ་ཅིང་། །བདག་ཉིད་དང་བས་རབ་ཏུ་བྱ། །རྡོ་རྗེ་ཧཱུྃ་མཛད་
D480.084.0259b05.01ཕྱག་རྒྱ་ཡིས། །ཤེས་རབ་ཅན་གྱིས་ཧཱུྃ་བསྒྲུབ་བྱ། །ལྷ་ལ་སོགས་པ་གདུག་པ་ཀུན། །བཀུག་ཅིང་དེ་རུ་གཞུག་པར་བྱ། །རྡོ་རྗེའི་རྣལ་འབྱོར་བསླབ་བྱ་ཞིང་། །བདག་ཉིད་དམ་ནི་གཞན་ཡང་རུང་། །རྡོ་རྗེ་ཕྲེང་བས་དབང་བསྐུར་བྱ། །རྡོ་རྗེ་མནའ་ཡི་ཕྱག་རྒྱ་ཡིས། །སྔོན་
D480.084.0259b06.01ལ་མནའ་ནི་བསྒག་པར་བྱ། །རྡོ་རྗེ་ཡེ་ཤེས་ཡེ་ཤེས་ཆེ། །རྡོ་རྗེ་ཡེ་ཤེས་རབ་བསྒྲུབ་བྱ། །ལག་པས་རྡོ་རྗེ་མཚན་མ་བཟུང་། །རྡོ་རྗེ་སྔགས་ནི་རབ་བསྒྲུབ་བྱ། །རྡོ་རྗེ་ཡི་ནི་སྔགས་འདི་ཡིས། །རྡོ་རྗེ་མཚན་མ་རབ་ཏུ་སྦྱིན། །ཨོྃ་བཛྲ་པཱ་ཎི་ཀརྨ་ཀཱ་རོད་བྷཱ་བ། དེ་ནས་མིང་གི་དབང་བསྐུར་
D480.084.0259b07.01