完整藏文原文 · 德格版页 当前仅加载第 84 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །སློབ་མ་རྡོ་རྗེ་སློབ་དཔོན་གྱིས། །ཇི་བཞིན་གསང་བ་ཆེན་པོར་གཞུག །སྣོད་དང་སྣོད་མིན་བརྟག་པ་ཉིད། །བདག་ཉིད་ཆེན་པོས་མི་བྱའོ། །འདི་ནི་མཐོང་བ་ཙམ་གྱིས་ཀྱང་། །སངས་རྒྱས་ཉིད་ནི་འགྲུབ་པར་འདོད། །གལ་ཏེ་དེ་ནི་སྣོད་མིན་ན། །དེ་ལ་
D480.084.0184b01.01གཞུག་པ་སྦྱིན་པར་བྱ། །ཡང་ན་གང་ཞིག་དོན་གཉེར་འགྱུར། །དེ་ལ་ཇི་ལྟར་བདེ་བ་ཉིད། །ཅི་སྟེ་གང་ཞིག་འདུག་པར་འགྱུར། །མཁས་པས་གཞུག་པ་སྦྱིན་པར་བྱ། །གང་ཕྱིར་མཐོང་བ་ཙམ་གྱིས་ནི། །ཐམས་ཅད་འགྲུབ་པར་གདོན་མི་ཟ། །འོན་ཀྱང་གང་
D480.084.0184b02.01ཞིག་འདུག་པར་འགྱུར། །དེ་ལ་ལས་ནི་བྱ་བ་མིན། །གཞུག་པ་ཙམ་ཞིག་སྦྱིན་བྱའོ། །རྣམ་པ་ཐམས་ཅད་ཉིད་མི་བྱ། །དགའ་ཞིང་དད་དང་ལྡན་གྱུར་ན། །སྣོད་དུ་རུང་བ་བརྟག་པར་བྱ། །གསུམ་ལ་སྐྱབས་འགྲོ་སྔོན་སོང་བའོ། །དེ་ལ་གཞུག་པ་སྦྱིན་པར་བྱ། །
D480.084.0184b03.01རྡོ་རྗེ་སེམས་དཔའི་ཕྱག་རྒྱ་ཆེ། །རྡོ་རྗེ་སློབ་མ་ལ་སྦྱིན་བྱ། །རྡོ་རྗེ་སེམས་དཔའ་སེམས་དཔའ་ཆེས། །སྦྱོར་བཞིན་སུ་ཡིན་བརྗོད་པར་བྱ། །དཀར་པོ་དམར་པོ་དང་ལྡན་པའི། །གོས་ཀྱིས་མིག་ནི་བཀབ་གྱུར་དང་། །རྡོ་རྗེ་འཇུག་བྱེད་ཕྱག་རྒྱ་ཡིས། །རྡོ་རྗེ་སློབ་མ་གཞུག་
D480.084.0184b04.01པར་བྱ། །དེ་ནས་སྒོ་ཡི་ལས་བྱ་སྟེ། །སྔོན་ལ་རྡོ་རྗེ་ལྕགས་ཀྱུ་ཡིས། །རྡོ་རྗེ་ལྕགས་ཀྱུ་དགུག་བྱ་ཞིང་། །ཡི་གེ་ཛཿནི་བརྗོད་པར་བྱ། །བཛྲ་ཨཾ་ཀུ་ཤ་ཛཿ། རྡོ་རྗེ་ལྕགས་ཀྱུ་བཀུག་ནས་ནི། །རྡོ་རྗེ་ཞགས་པས་གཞུག་པར་བྱ། །ལྷོ་ཡི་སྒོར་ནི་སྦྱོར་བྱ་ཞིང་། །ཡི་གེ་ཧཱུྃ་ནི་
D480.084.0184b05.01བརྗོད་པར་བྱ། །ཧཱུྃ་བཛྲ་པཱ་ཤ་ཧཱུྃ། རྡོ་རྗེ་ཞགས་པས་བཅུག་ནས་ནི། །ལྕགས་སྒྲོག་ལྡན་པས་བཅིང་བར་བྱ། །ནུབ་ཀྱི་སྒོ་རུ་བཅིངས་ནས་ནི། །ཡི་གེ་བཾ་ནི་བརྗོད་པར་བྱ། །བཛྲ་སྥོ་ཊ་བཾ། རྡོ་རྗེ་ལྕགས་ཀྱུ་ཡང་དག་དགུག །རྡོ་རྗེ་ཞགས་པས་གཞུག་བྱ་ཞིང་། །རྡོ་རྗེ་
D480.084.0184b06.01ལྕགས་སྒྲོག་གིས་བཅིང་བྱ། །རྡོ་རྗེ་དྲིལ་བུས་ཡང་དག་དབབ། །བཛྲ་གྷནྜེ་ཨཿ། རྡོ་རྗེ་གཞུག་པའི་ཕྱག་རྒྱ་ཡིས། །དཀྱིལ་འཁོར་མཆོད་ཕྱིར་གཞུག་པར་བྱ། །དམ་ཚིག་ཕྱག་རྒྱ་ཆེན་པོ་ཡིས། །རྡོ་རྗེའི་ཡེ་ཤེས་ཡང་དག་དབབ། །ས་མ་ཡ་སྟྭཾ། དམ་ཚིག་
D480.084.0184b07.01