完整藏文原文 · 德格版页 当前仅加载第 84 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་ཐུགས་ཀ་ནས་བྱུང་སྟེ། །རྣམ་པར་སྣང་མཛད་ཐུགས་ཀ་ནས། །སངས་རྒྱས་ཀུན་ནི་བཅུག་ནས་ཀྱང་། །བདག་ཉིད་རྡོ་རྗེའི་ལྷ་མོ་རུ། །རྡོ་རྗེ་ཐལ་མོ་བྱས་ནས་ནི། །རྡོ་རྗེ་བསྡམས་པའི་མཐིལ་བརྡབ་བྱ། །རྡོ་རྗེ་རྣལ་འབྱོར་བསྒྲུབ་བྱ་ཞིང་། །རྡོ་རྗེ་
D480.084.0214a01.01ཡེ་ཤེས་ཡང་དག་བརྡབ། །རྡོ་རྗེ་དབབ་པ་བྱས་ནས་ནི། །དེ་བཞིན་དུ་ནི་བྷ་གར་ཞུགས། །རྡོ་རྗེ་ཐལ་མོ་བྱས་ནས་ནི། །སོར་མོའི་རྩེ་མོས་མཉམ་དུ་བརྡབ། །འདོད་ཆགས་ཞེ་སྡང་གཏི་མུག་དང་། །རྟག་ཏུ་ཉོན་མོངས་དང་འབྲེལ་བ། །ཉོན་མོངས་ཞེས་བྱའི་སྒྲིབ་པ་དག །
D480.084.0214a02.01སྐད་ཅིག་གིས་ནི་རིགས་བརྒྱ་འཇོམས། །བཛྲ་ཧ་ན། དེ་བཞིན་བྷ་གར་གནས་ནས་ནི། །སངས་རྒྱས་སྐུ་ནི་མཉམ་དུ་སྤྲོ། །རྡོ་རྗེ་ལྷ་མོར་རང་བདག་ཉིད། །རྣམ་པར་སྣང་མཛད་ཐུགས་ཀར་གནས། །རྡོ་རྗེ་ལྷ་མོ་བཅིངས་ནས་ནི། །བཛྲ་བཛྲ་ལན་གཉིས་བརྗོད། །རྡོ་རྗེ་
D480.084.0214a03.01བསྡམས་པ་ངེས་བཀྲོལ་ན། །སྡུག་བསྔལ་ཐམས་ཅད་འཇོམས་པའི་མཆོག །བཛྲ་ཧ་ར། དེ་ནས་རྣམ་པར་སྣང་མཛད་བསྒྲུབ་པའི་ཡེ་ཤེས་ཀྱི་ཕྱག་རྒྱ་ནི། སྔར་གྱི་ཏིང་འཛིན་ཇི་བཞིན་དུ། །རྡོ་རྗེ་དབྱིངས་ནི་རབ་ཏུ་བྱ། །རྣལ་འབྱོར་ལྔ་ལའང་རབ་ཏུ་གནས། །སངས་རྒྱས་
D480.084.0214a04.01ཉིད་ཀྱང་རྙེད་དཀའ་མིན། །ཨོཾ་ཙིཏྟ་པྲ་ཏི་བོ་དྷཾ་ཀ་རོ་མི། ཨོཾ་བོ་དྷི་ཙིཏྟ་ཨུཏྤཱ་ད་ཡཱ་མི། ཨོཾ་ཏིཥྛ་བཛྲ། ཨོཾ་བཛྲ་ཨཱཏྨ་ཀོ་ཧཾ། ཨོཾ་ཡ་ཐཱ་སརྦ་ཏ་ཐཱ་ག་ཏཱ་སྟ་ཐཱ་ཨ་ཧཾ། རྣལ་འབྱོར་ལྔ་པོ་འདི་ཡིས་ནི། །ཕྱག་རྒྱ་ལྔ་ནི་ཡང་དག་བསྒྲུབ། །རྣམ་པར་སྣང་མཛད་རང་བདག་ཉིད། །
D480.084.0214a05.01དངོས་གྲུབ་ཐམས་ཅད་ཐོབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་རྫོགས་པའི་བྱང་ཆུབ་ཀྱི་ཕྱག་རྒྱ་རྣམས་སོ། །སེམས་དཔའི་སྐྱིལ་མོ་ཀྲུང་འདུག་སྟེ། །རྡོ་རྗེ་གསོར་ལ་གཟུང་བར་བྱ། །སྐུ་དང་གསུང་ཐུགས་ཕྱག་རྒྱ་དག །རྡོ་རྗེ་སེམས་དཔའ་རང་ཉིད་
D480.084.0214a06.01འགྱུར། །བཛྲ་ས་ཏྭཱ་ཧཾ། བསྒྲུབ་པ་དག་གི་མཆོག་ཆེན་པོ། །དེ་ནས་ཡང་དག་བཤད་པར་བྱ། །རང་ཉིད་རྡོ་རྗེ་གསུང་གིས་བཤད། །རྡོ་རྗེ་རྣལ་འབྱོར་བསྒྲུབ་པར་བྱ། །བསྙེམས་བཅས་རྡོ་རྗེ་གསོར་ནས་ནི། །རྡོ་རྗེ་བསྙེམས་ཚུལ་ཡང་དག་གཟུང་། །རྡོ་རྗེ་དབབ་
D480.084.0214a07.01