完整藏文原文 · 德格版页 当前仅加载第 84 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་སུ་བཤད། །སངས་རྒྱས་སྲས་བཅས་ཐམས་ཅད་དང་། །རྡོ་རྗེ་ཅན་ནི་རྒྱལ་སྲས་བཅས། །ཧཱུྃ་ཙམ་གྱི་ནི་སྦྱོར་བ་ཡིས། །ཀུན་དུ་ཡང་དག་དགུག་པར་བྱ། །ཡི་གེ་སྦྱོར་བ་གཅིག་གིས་ནི། །སངས་རྒྱས་ཀུན་གྱི་སྙིང་པོ་བརྟན། །གང་ཕྱིར་རྡོ་རྗེ་འཛིན་རྒྱལ་པོ། །
D480.084.0230b01.01འདི་ནི་རང་གི་སྦྱོར་བས་གནས། །ཆོས་ཀྱི་རྒྱུ་མཐུན་བག་ཆགས་ནི། །བྱང་ཆུབ་སེམས་ནི་མ་རྟོགས་པར། །ཐོག་མ་མེད་ལྡན་འཁོར་བ་ལས། །འབྱུང་བ་ཅུང་ཟད་ཡོད་མ་ཡིན། །ཉན་ཐོས་དང་ནི་རང་རྒྱལ་དང་། །བྱང་ཆུབ་སེམས་དཔའི་རྣམ་འཕྲུལ་ནི། །བྱང་ཆུབ་ཀྱི་ནི་
D480.084.0230b02.01སེམས་མེད་པར། །འགས་ཀྱང་མྱ་ངན་འདའ་མི་ནུས། །གལ་ཏེ་སངས་རྒྱས་འབྱུང་མེད་ན། །ཉན་ཐོས་དག་ནི་ག་ལས་བྱུང་། །སངས་རྒྱས་འབྱུང་བ་ཡོད་མིན་ན། །རང་རྒྱལ་དེ་ནི་འབྱུང་མི་འགྱུར། །གལ་ཏེ་བྱང་ཆུབ་སེམས་དཔའ་མེད། །སངས་རྒྱས་རྣམས་ནི་གང་
D480.084.0230b03.01ལས་འབྱུང་། །གལ་ཏེ་བྱང་ཆུབ་སེམས་མེད་ན། །དེ་བས་འཁོར་ལོ་འདི་ཀུན་ནི། །བྱང་ཆུབ་སེམས་ལས་ཡང་དག་བྱུང་། །བྱང་སེམས་གསང་བ་ཆེན་པོ་ནི། །ཡི་གེ་ཧཱུྃ་ལས་ཡང་དག་བྱུང་། །སངས་རྒྱས་ཐམས་ཅད་རབ་འབྱུང་བ། །ཡི་གེ་ཧཱུྃ་གི་སྣང་བར་འགྱུར། །གང་ཕྱིར་
D480.084.0230b04.01མཚན་ལྡན་གཟུགས་ཅན་ནི། །རྟག་ཏུ་སངས་རྒྱས་རབ་འབྱུང་བ། །ཧཱུྃ་ཡིག་གི་ནི་སྦྱོར་བ་ཧཱུྃ། །དེ་ཉིད་རྡོ་རྗེ་ཡང་དག་བྱུང་། །ཆོས་དབྱིངས་རབ་སྦྱོར་རྡོ་རྗེ་ནི། །དེ་ལས་ཡང་དག་འབྱུང་བར་འགྱུར། །དེ་ལས་རྡོ་རྗེ་རྣལ་འབྱོར་ཆེ། །རྣལ་འབྱོར་དབང་ཕྱུག་བླ་ན་མེད། ཐེ་ཚོམ་མེད་པར་རྣལ་འབྱོར་ཀུན། །
D480.084.0230b05.01ཡི་གེ་ཧཱུྃ་གི་སྦྱོར་བས་འགྲུབ། །དེ་ལྟ་བུ་ཡི་བཟླས་པ་ཡིས། །ཇི་ལྟར་བཅོམ་ལྡན་འདས་ཀྱིས་ནི། །སྔོན་ནི་བསྔོ་བ་མཛད་པ་ལྟར། །རྣལ་འབྱོར་ལས་བྱས་དགེ་བ་བསྔོ། །བྱང་ཆུབ་སེམས་དཔའི་མཐུ་ཡིས་ནི། །རང་གི་སེམས་ཀྱང་བསྔོ་བར་བྱ། །རྡོ་རྗེ་ཆེན་པོ་མཐར་ཕྱིན་བྱེད། །
D480.084.0230b06.01བྱང་ཆུབ་སེམས་ཀྱིས་བསྒྲལ་བར་བྱ། །ཆོས་ཀྱི་དབྱིངས་ཀྱི་སྙིང་པོ་ཆེ། །སེམས་ཅན་ཐམས་ཅད་གོས་པ་མེད། །ཐམས་ཅད་དེ་བཞིན་གཤེགས་སྙིང་པོ། །ཉོན་མོངས་འདམ་གྱིས་གོས་པ་མེད། །ཇི་ལྟར་ཟླ་བ་བཞིན་དུ་དག །ཟླ་བ་གང་བའི་འོད་གསལ་བ། །རྟག་ཏུ་
D480.084.0230b07.01