完整藏文原文 · 德格版页 当前仅加载第 84 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་ཀྱིས་ནི་དྲི་མའི་ཚོགས། །ཐམས་ཅད་རྣལ་འབྱོར་པ་ཡིས་འཇོམས། །ཧཱུྃ་བཛྲ་པྲ་བརྟ། གང་ལ་བྱང་ཆུབ་སེམས་ཉིད་ནི། །རྗེས་སུ་དྲན་པས་རབ་ཕབ་ན། །སེམས་ཅན་དེ་ཡིས་སངས་རྒྱས་ཀྱི། །བྱང་ཆུབ་ཉིད་ནི་ཐོབ་པར་འགྱུར། །ཧཱུྃ་བོ་དྷི་སཏྭ་པྲ་བརྟ། ཕྱག་
D480.084.0266b01.01ན་རྡོ་རྗེ་རྗེས་དྲན་ནས། །དག་པའི་ཆོས་ཉིད་ཕབ་བྱས་ནས། །སེམས་ཅན་དེ་ཡིས་བདེ་བ་ནི། །དམ་པའི་ཐོབ་འགྱུར་ཐེ་ཚོམ་མེད། །ཧཱུྃ་བཛྲ་དྷཱ་ར་པྲ་བརྟ། རྣམ་པའི་མཆོག་རྣམས་ཀུན་ལྡན་པ། །སངས་རྒྱས་གཟུགས་ནི་རྣམ་པར་བསྒོམ། །སངས་རྒྱས་ཆོས་
D480.084.0266b02.01རྣམས་ཕམ་བྱས་ན། །འཇིགས་པ་ངེས་པར་འབྱུང་མི་འགྱུར། །ཧཱུྃ་བུདྡྷ་པྲ་བརྟ། ཟླ་བ་རྡོ་རྗེ་རང་བཞིན་དངོས། །བསྐྱེད་པ་བཞིན་དུ་བསྒོམ་བྱས་ན། །བློ་བཟང་ཟླ་བ་རྡོ་རྗེ་མཚུངས། །མྱུར་དུ་མཁའ་ལ་འགྲོ་བར་འགྱུར། །བུདྡྷ་པྲ་བརྟ་ཡ་ཧཱུྃ། ཟླ་བའི་དབུས་སུ་རང་
D480.084.0266b03.01བདག་ཉིད། །བསྒོམ་ཞིང་གང་ལ་ཕབ་བྱས་པ། །སེམས་ཅན་དེ་རྣམས་མི་ལྡོག་པར། །འགྱུར་བ་རུ་ནི་ཐེ་ཚོམ་མེད། །ས་ཏྭ་པྲ་བརྟ་ཡ་ཧཱུྃ། ཕྱག་ན་རྡོ་རྗེ་རང་བདག་ཉིད། །མཁས་པ་ཡིས་ནི་བསྒོམ་བྱ་ཞིང་། །གང་དུ་ཕབ་པའི་གནས་དེ་ནི། །དཔལ་དང་བདེ་
D480.084.0266b04.01བ་འཕེལ་བར་འགྱུར། །མྱུར་བ་ཉིད་དུ་ཐེ་ཚོམ་མེད། །བཛྲ་སཏྭ་པྲ་བརྟ་ཡ་ཧཱུྃ། སངས་རྒྱས་གཟུགས་སུ་རང་བདག་ཉིད། །མཉམ་པར་བཞག་པས་བསྒོམ་བྱ་ཞིང་། །རྡོ་རྗེ་དེ་ནི་གར་ཕབ་པ། །རྫུ་འཕྲུལ་རྒྱ་ནི་ཆེན་པོར་གྱུར། །བུདྡྷ་པྲ་བརྟ་ཡ་ཧཱུྃ། རྡོ་རྗེ་
D480.084.0266b05.01ཁྲོ་བོ་སྙོམས་འཇུག་པས། །རང་གི་ལུས་ནི་རབ་བསྐོར་བ། །གང་གི་མིང་གིས་བྱས་པ་དེ། །ཐེ་ཚོམ་མེད་པར་བྱང་ཆུབ་ཐོབ། །ཨོྃ་བཛྲ་བ་ལི་ཏ་ཀྲོ་དྷ་མཱ་ར་ཡ་ཧཱུྃ། དབུགས་ནི་དབྱུང་དང་རྔུབ་པ་ལ། །ཡི་གེ་ཧཱུྃ་ནི་རབ་སྦྱོར་ཞིང་། །རྡོ་རྗེ་ཁྲོ་བོ་སྙོམས་འཇུག་པས། །འདོད་
D480.084.0266b06.01ཆགས་ལ་སོགས་ཉེས་པ་གཞོམ། །ཨོྃ་བཛྲ་ཤྭཱ་ས་བི་བཱ་ཏ་ལ་ཧཱུྃ་ཕཊ། རྡོ་རྗེ་ལྟ་བས་བལྟ་བྱ་ཞིང་། །རྡོ་རྗེ་ཁྲོ་བོ་རབ་སྦྱོར་བས། །སེམས་ཅན་གང་ལ་བལྟ་བྱས་ན། །དེ་ནི་འཁོར་བ་ལས་གྲོལ་འགྱུར། །ཨོྃ་བཛྲ་དྲྀཥཱི་བི་ནཱ་ཤ་ཡ་ཧཱུྃ་ཕཊ། ལུས་ངག་གི་ནི་བདག་ཉིད་གནས། །རང་སེམས་
D480.084.0266b07.01