完整藏文原文 · 德格版页 当前仅加载第 84 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
ནང་གི་དཀྱིལ་འཁོར་རྫོགས་ནས་ནི། །ཚོན་རྩི་ལས་ནི་དགང་བར་བྱའོ། །ཐིག་དང་རི་མོ་ཐམས་ཅད་ནི། །ཚོན་རྩི་ཀུན་གྱིས་རབ་ཏུ་དགང་། །དང་པོ་ནས་ནི་ཐ་མ་རུ། །ཕྱི་རོལ་དཀྱིལ་འཁོར་ཀུན་དུ་བྲི། །མཉམ་ཞིང་ཀུན་དུ་ཆ་མཉམ་པས། །གྲུ་བཞི་རུ་ནི་རབ་ཏུ་བརྟག །ཟུར་བཞི་
D480.084.0179a01.01པ་ལ་སྒོ་བཞི་པ། །རྟ་བབས་བཞིས་ནི་མཛེས་བྱས་པ། །ཀ་བ་བརྒྱད་དང་ཡང་དག་ལྡན། །ཡིད་དུ་འོང་ཞིང་ལེགས་པར་ཕྱེ། །ཐིག་བཞི་དང་ནི་ཡང་དག་ལྡན། །དར་དང་ཕྲེང་བས་རྣམ་པར་བརྒྱན། །རྡོ་རྗེ་རིན་ཆེན་སྲད་བུ་ཡིས། །ཕྱི་རོལ་དཀྱིལ་འཁོར་ཐིག་གདབ་བྱ། །ཁ་ཁྱེར་གྱིས་ནི་ཡོངས་སུ་བསྐོར། །
D480.084.0179a02.01རྡོ་རྗེ་ཁ་ཁྱེར་མཛེས་བྱས་ལ། །ཟླ་བ་ཕྱེད་པའི་ལྕུག་མས་ཁྱབ། །རྡོ་རྗེ་ཕྲེང་བའི་ཚོགས་དང་ལྡན། །དྲ་བ་དྲ་བ་ཕྱེད་པས་སྤྲས། །ཟླ་བ་ཕྱེད་པས་ཉེ་བར་མཛེས། །གཡེར་ཀའི་དྲ་བས་ཡང་དག་ལྡན། །ཁ་དོག་སྣ་ཚོགས་རྣམ་པར་བརྒྱན། །དེ་དང་དབུས་ཀྱི་བར་ཐིག་ལ། །བྱང་ཆུབ་སེམས་རྣམས་ཡང་
D480.084.0179a03.01དག་བྲི། །བསྐལ་པ་བཟང་པོ་སྟོང་དག་ནི། །འདས་པའི་རྫུ་འཕྲུལ་ཆེན་པོ་རྣམས། །ཤར་དུ་ཐམས་ཅད་རྡོ་རྗེ་མཚན། །ལྷོ་རུ་རིན་ཆེན་ཕྱག་མཚན་བསྣམས། །ནུབ་ཏུ་པདྨ་རྡོ་རྗེ་སོགས། །བྱང་དུ་ལས་ཀྱི་རྡོ་རྗེ་བསྣམས། །རྫུ་འཕྲུལ་ཆེན་པོའི་ལྷ་གང་དག །ཕྱི་རོལ་ཐིག་ལ་ཡང་དག་བྲི། །དྲག་
D480.084.0179a04.01པོ་ལ་སོགས་ལྷ་ཆེན་རྣམས། །སྣམ་བུ་ལས་ནི་ལུས་ཕྱེད་ཕྱུང་། །དབང་ཕྱུག་ཆེན་པོ་ཚངས་པ་ཆེ། །ཁྱབ་འཇུག་གཡུང་དྲུང་གཞོན་ནུ་ནི། །རིགས་བཅས་དཔུང་དང་བཅས་རྒྱལ་པོ། །ཤར་གྱི་དཀྱིལ་འཁོར་ཡང་དག་བྲི། །འཁྱིལ་པའི་འོད་ཅན་གཏུམ་པོ་དང་། །སེར་སྐྱ་རྡོ་རྗེ་སེར་སྐྱ་རྣམས། །
D480.084.0179a05.01རིགས་བཅས་འཁོར་ལོ་ཡང་དག་ལྡན། །ལྷོ་ཡི་ཕྱོགས་སུ་ཡང་དག་བྲི། །མྱོས་པ་ཕྲེང་ལྡན་རྒྱལ་ཉིད་པ། །རྣམ་པར་རྒྱལ་དང་སྐྱེལ་བྱེད་རྣམས། །རིགས་བཅས་དཔུང་དང་ཡང་དག་ལྡན། །ནུབ་ཀྱི་ཆ་རུ་ཡང་དག་བྲི། །ཀོ་ཤི་གོས་ཅན་མེ་དང་རླུང་། །རྡོ་རྗེ་འཇིགས་བྱེད་ལ་སོགས་རྣམས། །ནུབ་ཀྱི་
D480.084.0179a06.01ཆ་ལས་འོག་ཏུ་ནི། །བྱང་གི་ཆ་རུ་ཡང་དག་བྲི། །དེ་བཞིན་དཔུང་དང་བདག་པོར་བཅས། །མ་མོ་འཇིག་རྟེན་རབ་གྲགས་དང་། །གཙོ་བོ་འཁོར་ལོ་རྣམ་རོལ་པ། །ལྷ་མིན་ལ་སོགས་རྫུ་འཕྲུལ་ཆེ། །ཕྱི་རོལ་འཁོར་ལོའི་རིགས་སུ་བཤད། །རྒྱུད་ཆེན་གསང་བ་ཞེས་བྱ་ལས། །སྟོང་ཕྲག་བཅུ་རུ་བཤད་པ་
D480.084.0179a07.01