完整藏文原文 · 德格版页 当前仅加载第 84 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཐོབ་པ་གང་ཡིན་པ། །དེ་ནི་གསང་བ་འཛིན་ཇི་བཞིན། །གསང་བ་ཡི་ནི་ཚོགས་ཆེན་པོ། །འདི་ལ་ཞུགས་པ་གང་ཡིན་པ། །ས་ཐོབ་པར་ནི་ཤེས་བྱ་སྟེ། །མི་ལྡོག་རྒྱལ་བའི་བདག་ཉིད་སྲས། །རྒྱལ་བའི་གནས་ཀྱི་ས་ཐོབ་ཀྱང་། །ཡིད་ཆེས་པར་ནི་མི་འགྱུར་ཏེ། །དེ་
D480.084.0189b01.01ཡིས་ས་བརྒྱད་ཀྱི་བར་དུ། །ཐེག་པ་དམན་པ་སྤོང་མི་འགྱུར། །གསང་ཆེན་རྟོག་པ་འདི་རུ་ནི། །ཞུགས་པ་བདག་ཉིད་རྒྱལ་བའི་སྲས། །ཐེག་ཆེན་ལ་ནི་གཞོལ་བ་རྣམས། །ཡིད་ཆེས་བར་ནི་འགྱུར་བ་སྟེ། །གསང་བ་ཡི་ནི་ཕན་ཡོན་ནི། །སངས་རྒྱས་ཀྱིས་ནི་རབ་ཏུ་
D480.084.0189b02.01མཁྱེན། །འདིར་ནི་ཡོན་ཏན་མདོར་བསྡུས་པ། །སངས་རྒྱས་བདེ་བ་ཐོབ་པར་འགྱུར། །ཡོན་ཏན་གྱི་དབང་དུ་བྱས་པའི་རྒྱུད་རྫོགས་སོ།། །།བྱེད་པ་པོ་དང་སྐྱེད་བྱེད་མེད། །ལས་དང་འབྲས་བུ་གང་ལས་བཤད། །ང་ཞེས་ཇི་སྐད་བཤད་པ་ལ། །ང་ནི་བྱེད་
D480.084.0189b03.01པོ་སྐྱེད་བྱེད་དང་། །ང་ནི་སྐྱེ་དགུའི་བདག་པོ་ཡིན། །ང་ནི་སྣ་ཚོགས་བདག་པོ་སྟེ། །བྱེད་པོ་སྐྱེད་བྱེད་མེས་པོ་ཡིན། །ཡང་གསུངས་པ། དག་པ་དེ་བཞིན་གཤེགས་སྙིང་པོ། །སེམས་དཔའི་སྙིང་པོ་ཞེས་བྱར་བཤད། །ང་ནི་དེ་བཞིན་གཤེགས་སྙིང་པོ། །སེམས་ཅན་
D480.084.0189b04.01ཐམས་ཅད་བདག་དང་མཚུངས། །མྱ་ངན་འདས་བཅས་ས་འོག་སྟེང་། །ས་བླ་འཇིག་རྟེན་འདི་སེམས་ཅན། །མ་ལུས་སྲིད་པ་དག་གི་གནས། །སེམས་ཙམ་དུ་ནི་རབ་ཏུ་འཇུག །སེམས་ཅན་ཀུན་གྱི་སེམས་གང་ཡིན། །དེ་ནི་བྱེད་པོ་འབྱིན་བྱེད་བརྗོད། །ང་ནི་རྒྱལ་པོ་སེམས་
D480.084.0189b05.01དབང་ཕྱུག །ཅི་ཕྱིར་ང་ནི་བྱེད་པོར་བཤད། །ཇི་སྐད་གསང་བ་གཞན་ལས་གསུངས། །ང་ཉིད་རང་ལས་བྱུང་བ་སྟེ། །མྱ་ངན་འདས་བཅས་ས་འོག་སྟེང་། །ས་བླ་སྲིད་གསུམ་འཇིག་རྟེན་གསུམ། །གང་ཞིག་གནས་ཞེས་བྱ་བའི་སེམས། །གནས་མེད་ལས་བྱུང་གང་ཡིན་
D480.084.0189b06.01པ། །སྙིང་པོ་དེ་བཞིན་གཤེགས་དག་པ། །དེ་ཉིད་རང་བྱུང་ང་ཉིད་དོ། །ང་ནི་རྡོ་རྗེ་ཅན་ཡང་ཡིན། །སྡུག་བསྔལ་ཐམས་ཅད་སྤངས་པ་དང་། །ཉེས་པ་ཐམས་ཅད་ཟད་པས་ན། །ང་ནི་བྱང་ཆུབ་སེམས་རྡོ་རྗེ། །ང་ཉིད་རང་ཉིད་བྱུང་བའོ། །ང་ཉིད་ཡང་ནི་ཁྱབ་འཇུག་སྟེ། །
D480.084.0189b07.01