完整藏文原文 · 德格版页 当前仅加载第 84 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་གསུམ་དུ་ནི་ཡོངས་སུ་སྤྲོ། །སྥ་ར་ཎ་བཛྲ། རེག་པས་སྦྱོར་བ་བསྡུ་བྱ་སྟེ། །སྐྲག་ཅིང་རྨོངས་པར་མི་བྱའོ། །གནས་གསུམ་དུ་ཡང་བསྡུ་བྱ་སྟེ། །བློ་ཡིས་སོ་སོར་བརྟག་པར་བྱ། །སཾ་ཧ་ར་ཎ་བཛྲ། ཆོས་ལ་དམིགས་པའི་སེམས་
D480.084.0222a01.01ཉིད་ནི། །རྨོངས་ཤིང་གཞོམ་པར་མི་བྱའོ། །རྡོ་རྗེ་དེ་ནི་བརྟན་བྱ་ཞིང་། །རྡོ་རྗེ་ཕྲ་མོ་རེག་པར་བྱ། །བཛྲ་དྲྀ་ཌྷ་ཏིཥྛ། རྡོ་རྗེ་སེམས་དཔའ་འཇིགས་མེད་པ། །རྒྱལ་པོ་ཚངས་པའི་གཙུག་ཕུད་ཅན། །སྤྱི་བོར་སེམས་དཔའ་བསྒོམ་བྱ་ཞིང་། །སྐུ་ནི་ཐམས་ཅད་
D480.084.0222a02.01ཡོངས་སུ་སྤྲོ། །བཛྲ་ཨཱཏྨ་ཀ །དཔྲལ་བར་རྡོ་རྗེ་རིན་ཆེན་ནི། །མཉམ་པར་བཞག་པས་བསྒོམ་པར་བྱ། །མཚན་མ་དག་ནི་སྤྲོ་བྱ་ཞིང་། །སེམས་དཔའ་ཀུན་ཡང་སྤྲོ་བར་བྱ། །བཛྲ་རཏྣ་ཨཱཏྨ་ཀ །རྡོ་རྗེ་ཆོས་ནི་ཤིན་ཏུ་དག །སྣ་ཡི་རྩེ་མོར་བསྒོམ་པར་བྱ། །
D480.084.0222a03.01དེ་ཡི་མཚན་མ་སྤྲོ་བྱ་ཞིང་། །ལུས་རྣམས་ཀུན་ཡང་སྤྲོ་བར་བྱ། །བཛྲ་པདྨ་ཨཱཏྨ་ཀ །ལུས་ཀུན་ལ་ནི་ཡང་དག་ཁྱབ། །ཆོས་ཀྱི་དབྱིངས་ནི་ཡོངས་སུ་བསྒོམ། །དེ་ཡི་མཚན་མ་སྤྲོ་བྱ་ཞིང་། །སེམས་དཔའ་ཀུན་ཡང་སྤྲོ་བར་བྱ། །སརྦ་བཛྲ་ཨཱཏྨ་ཀ། སེམས་
D480.084.0222a04.01དཔའ་དེ་བཞིན་རིན་ཆེན་ལས། །ཆོས་ནི་སྤྱི་བོར་བསྒོམ་པར་བྱ། །དེ་ཡི་མཚན་མ་སྤྲོ་བྱ་ཞིང་། །སྐུ་ནི་ཐམས་ཅད་ཡོངས་སུ་སྤྲོ། །སརྦ་བཛྲ། སྣ་ལ་ལྕགས་ཀྱུ་ཡང་དག་གནས། །བློ་ལྡན་མི་ཡིས་བསམ་པར་བྱ། །སངས་རྒྱས་ཐམས་ཅད་གཞུག་བྱ་ཞིང་། །
D480.084.0222a05.01རང་གི་ལུས་ནི་བརྟན་པར་བྱ། །སྙིང་ག་འདོད་ཆགས་གནས་སུ་ནི། །འདོད་ཆགས་རྣམ་པར་དག་པ་བསམ། །སངས་རྒྱས་ཐམས་ཅད་མཉེས་བྱ་སྟེ། །ཆོས་ཀྱི་དབྱིངས་ནི་བརྟན་པར་འགྱུར། །ལེགས་སོ་ཞེས་པ་གཟུང་བྱ་སྟེ། །སྤྱི་བོར་ཡང་དག་གནས་པའི་
D480.084.0222a06.01མཆོག །སངས་རྒྱས་ཐམས་ཅད་མཉེས་བྱ་ཞིང་། །ཆོས་ཀྱི་དབྱིངས་ནི་ཡོངས་སུ་སྤྲོ། །ཧྲྀ་ད་བཛྲ་ཨཾ་ཀུ་ཤ །ཏིཥྛ་བཛྲ་རཱ་ག་ཧྲྀ་ད་ཡེ་ཨཱ་དི་བཛྲ་དུཥྚི། སྙིང་གར་རྡོ་རྗེ་ཉི་མ་ནི། །བློ་ལྡན་མི་ཡིས་བསྒོམ་པར་བྱ། །འོད་ཀྱི་གཟི་བརྗིད་སྤྲོ་བྱ་ཞིང་། །འཇིག་རྟེན་
D480.084.0222a07.01