完整藏文原文 · 德格版页 当前仅加载第 84 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེ། །དོན་ཡོད་དབང་ཕྱུག་དམ་པ་སྟེ། །ཐེག་པ་ཆེ་མཆོག་སྐྱེས་པའི་མཆོག །བྱང་ཆུབ་སེམས་དཔའ་བདག་གྲུབ་མཛོད། །སེམས་དཔའ་ཆེན་པོ་ཐབས་ཆེན་པོ། །རྡོ་རྗེ་འཁོར་ལོ་མཆོད་པ་ཆེ། །དངོས་གྲུབ་ཆེན་པོ་རྫུ་འཕྲུལ་ཆེ། །རྡོ་རྗེ་སེམས་དཔའ་
D480.084.0171b01.01བདག་གྲུབ་མཛོད། །རྡོ་རྗེ་མིང་ནི་ཡང་དག་གཟུང་། །ཕྱོགས་རྣམས་ཀུན་ཏུ་ཡང་དག་བསྐོར། །དཀྱིལ་འཁོར་རྫོགས་པར་བལྟ་བྱ་ཞིང་། །རྡོ་རྗེའི་རྣལ་འབྱོར་རྗེས་དྲན་བྱ། །སླར་ཡང་སྐྱིལ་མོ་ཀྲུང་བཅས་ཏེ། །ང་ནི་རང་ཉིད་འཁོར་ལོས་སྒྱུར། །ཕྱག་རྒྱའི་ཚོགས་ནི་བཅིང་
D480.084.0171b02.01བ་ལ། །སྟོང་ལས་ཉུང་བར་མི་བྱའོ། །ཐ་ན་རྡོ་རྗེ་སེམས་དཔའ་ནི། །དེ་ཉིད་ཕྱག་རྒྱ་ཡོངས་སུ་གཟུང་། །ལངས་ནས་ཚིག་ནི་བརྗོད་པར་བྱ། །བདག་ནི་རྡོ་རྗེ་སེམས་དཔའ་སྟེ། །དཀྱིལ་འཁོར་ཆེན་པོ་རབ་སྒྲུབ་པ། །རྡོ་རྗེ་ལ་སོགས་ཀུན་གཤེགས་ཤིག །བདག་ནི་
D480.084.0171b03.01རྒྱལ་པོ་རྡོ་རྗེ་འཛིན། །རྡོ་རྗེ་སེམས་དཔར་བདག་གྲུབ་མཛོད། །ཚོན་ཆེན་ཁ་བསྒྱུར་དྲི་ལྡན་པའི། །སྲད་བུ་ལྷག་པ་གྲིམས་པར་བསྒྲིལ། །རྡོ་རྗེ་སྲད་བུ་ཕྱག་རྒྱ་ཆེས། །དཀྱིལ་འཁོར་ཆེན་པོ་ཐིག་གདབ་བྱ། །འཁོར་ལོ་ཇི་བཞིན་བཀོད་ཇི་བཞིན། །ཇི་བཞིན་གཞུང་གི་རྗེས་འབྲངས་
D480.084.0171b04.01ནས། །དཀྱིལ་འཁོར་འཁོར་ལོ་ཇི་བཞིན་བྲི། །རྡོ་རྗེའི་ཐིག་ནི་ཡོངས་སུ་གདབ། །དེ་ནས་དེ་ཡི་རང་རིགས་གསང་། །འཁོར་ལོ་ཆེན་པོ་རབ་ཏུ་སྒྲུབ། །དཀྱིལ་འཁོར་ཆེན་པོའི་འཁོར་ལོ་ནི། །{གོ་རིམས་,གོ་རིམ་}བཞིན་དུ་བཤད་པར་བྱ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་
D480.084.0171b05.01མཛེས་བྱས་པའི། །ཐིག་བཞི་དང་ནི་ཡང་དག་ལྡན། །དར་དང་ཕྲེང་བས་རྣམ་པར་བརྒྱན། །མཚམས་ཀྱི་ཆ་ནི་ཐམས་ཅད་དང་། །སྒོ་ཡི་སྒོ་ཁྱུད་མཚམས་སུ་ནི། །རྡོ་རྗེ་རིན་ཆེན་རྣམས་ཀྱིས་སྤྲས། །ཕྱི་ཡི་དཀྱིལ་འཁོར་ཐིག་གདབ་བྱ། །དེ་ཡི་ནང་གི་རིམ་པ་ནི། །འཁོར་ལོ་
D480.084.0171b06.01ལྟ་བུར་བྲི་བར་བྱ། །རྡོ་རྗེ་ཕྲེང་བས་ཡོངས་སུ་བསྐོར། །ཀ་བ་བརྒྱད་ཀྱིས་ཉེ་བར་མཛེས། །རྡོ་རྗེ་ཀ་བའི་མདུན་གནས་པའི། །དཀྱིལ་འཁོར་ལྔ་ཡིས་རྣམ་པར་བརྒྱན། །ཇི་ལྟར་ཕྱི་དང་ནང་གནས་པའི། །དཀྱིལ་འཁོར་རེ་རེ་རྣམ་པར་དབྱེ། །དཀྱིལ་འཁོར་གྱི་ནི་དབུས་ཉིད་
D480.084.0171b07.01