完整藏文原文 · 德格版页 当前仅加载第 84 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པའི། །རྡོ་རྗེ་ཁྲོ་བོ་མཐོང་བར་གྱུར། །སངས་རྒྱས་ལྔ་དང་དེ་བཞིན་དུ། །ཁྲོ་བོ་དྲུག་བདུན་རྣམ་པར་གནས། །ཚངས་སོགས་ལྷ་རྣམས་དེ་དག་ཀྱང་། །ངོ་མཚར་དག་ནི་སྐྱེས་པར་གྱུར། །འཇིགས་ཤིང་སྐྲག་ནས་ལྷ་དེ་དག །གཅིག་ལ་གཅིག་ནི་སྨྲ་བར་
D480.084.0253b01.01བྱེད། །གཙོ་བོ་ཇི་བཞིན་མཐོང་འགྱུར་ཞིང་། །ཤིན་ཏུ་ངོ་མཚར་ཅི་ཞིག་སྣང་། །སླར་ཡང་ལྷ་ཡི་འཇིག་རྟེན་དག །སྲིད་པ་ནང་དུ་མཐོང་མི་འགྱུར། །འགྲོ་བ་ལྔ་ཡི་སེམས་ཅན་མིན། །རི་རབ་དང་ནི་རྒྱ་མཚོ་མིན། །ཟླ་བ་ཉི་མ་མ་མཐོང་ཞིང་། །རི་དང་ཁང་པ་དག་ཀྱང་
D480.084.0253b02.01མིན། །ཅི་བདག་ཅག་ནི་རྨོངས་གྱུར་ཏམ། །ཡང་ན་མིག་ནི་ལོང་བར་གྱུར། །ཡང་ན་བདག་ཅག་སེམས་གཡེངས་པ། །སྒྱུ་མའི་རྣམ་འཕྲུལ་འདི་ཅི་ཞིག །བདག་ཅག་གིས་ནི་སྔར་འཇིགས་མཐོང་། །དྲག་ཅིང་བཀུག་ནས་ཐལ་བར་བྱས། །རི་རབ་རི་ཡི་རྩེ་མོ་རུ། །སྡུག་
D480.084.0253b03.01བསྔལ་ཆེན་པོས་གཟིར་བར་གྱུར། །སླར་ཡང་རི་རབ་ཡོད་མ་ཡིན། །ཁྲོ་བོ་རྫུ་འཕྲུལ་ཆེན་པོ་མེད། །གཞན་དང་ཁྲོ་བོ་ཆེན་པོ་གཅིག །དབང་ཕྱུག་ཆེན་པོ་གནོད་པར་བྱེད། །གནས་ནི་ཆུང་ངུར་གྱུར་པ་ཡང་། །རྒྱ་ཆེན་པོ་རུ་འདི་རུ་སྣང་། །སྟོང་གསུམ་འདི་ཡང་མི་སྣང་
D480.084.0253b04.01སྟེ། །བདག་ཅག་འཇིག་རྟེན་གཞན་དུ་ཕྱིན། །དེ་ལྟར་བརྗོད་པ་སྣ་ཚོགས་པ། །གཅིག་ལ་གཅིག་ནི་སྨྲ་བར་བྱེད། །མི་སྨྲ་བར་ནི་གནས་གྱུར་ནས། །རྡོ་རྗེ་ཅན་ལ་ལྟ་བར་བྱེད། །གནོད་སྦྱིན་འབྱུང་པོ་ཤ་ཟ་སོགས། །གདུག་པ་ཀུན་དང་གདོན་སོགས་ཀྱིས། །མུན་
D480.084.0253b05.01པར་ཁྱབ་པ་བཞིན་དུ་ནི། །སྟོང་གསུམ་འདི་ནི་མཐོང་བར་གྱུར། །གཞན་ནི་ཅུང་ཟད་མ་མཐོང་སྟེ། །གཞན་དུ་ཕྱོགས་དག་མུན་པས་ཁྱབ། །རྡོ་རྗེ་ཁྲོ་བོ་འཁྲུལ་གྱུར་ཅིང་། །སྒྱུ་མ་ཡིས་ནི་རྨོངས་གྱུར་ཅིང་། །ཀུན་དུ་རྨོངས་པ་ཉིད་གྱུར་ཅིང་། །གཅིག་ལ་གཅིག་ནི་རྨོངས་
D480.084.0253b06.01པར་གྱུར། །ཧ་ཧ་ཞེས་བྱའི་སྒྲ་སྒྲོགས་ཤིང་། །བདག་ཅག་འདིར་ནི་གང་དུ་ཕྱིན། །ཚིག་ནི་རབ་ཏུ་རྗོད་བྱེད་ཅིང་། །གཅིག་ལ་གཅིག་ནི་སྨྲ་བར་བྱེད། །འདི་ནི་སུ་ཞིག་བདག་ཅག་གང་། །འདི་ནི་སུ་ཡི་གམ་དུ་ཕྱིན། །བདག་ཅག་རང་གི་གནས་ན་ལྟུང་། །བདག་
D480.084.0253b07.01