完整藏文原文 · 德格版页 当前仅加载第 84 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་སུ་སྦྱར་བར་བྱ། །དེ་བཞིན་གྲོང་ཁྱེར་འདི་རུ་ཡང་དག་འོང་བ་དང་། །ཡང་ན་ཇི་ལྟར་འདོད་བཞིན་ཡང་དག་བྲི། །དེ་ཡང་ཕྱག་རྒྱ་དག་གི་ཚོགས་དང་བཅས། །བསྒོམ་པར་འོས་པ་རྡོ་རྗེ་ཡང་དག་བྲི། །ཡང་ན་གསང་བའི་ཆོས་ཀྱིས་མཆོད་གྱུར་པ། །
D480.084.0264a01.01ད་ནི་གཟུགས་དང་ལྡན་པ་ཡང་དག་བྲི། །དབུས་ཀྱི་རིམ་པར་རྡོ་རྗེ་སེམས་དཔའ་བཞུགས། །ཞགས་པ་དང་ལྡན་འཁོར་གྱི་ཕྱག་རྒྱ་བཅས། །རྡོ་རྗེ་འབར་བ་ནོར་བུ་པདྨ་ལས། །འབར་བའི་དང་བཅས་མེ་དང་ལྡན་པར་གཞག །ཤར་གྱི་དཀྱིལ་འཁོར་འཁོར་ལོ་ལྔ་ཡི་
D480.084.0264a02.01བདག་ཉིད་ཆེ། །རྡོ་རྗེའི་དཀྱིལ་འཁོར་གང་དུ་མི་བསྐྱོད་གཙོ། །རྡོ་རྗེའི་ཕྱག་རྒྱ་ཆེ་དང་རོལ་པར་གྱུར། །དབང་ཕྱུག་ཆེན་པོ་རྩེ་གསུམ་ལྡན་ནོན་མཆོག །དེ་ནས་ཕྱོགས་བཞིའི་གནས་དག་དང་། །རྡོ་རྗེ་ལྕགས་ཀྱུ་མདའ་དང་དགའ་བ་དག །འབར་བའི་མེ་ཡི་
D480.084.0264a03.01འོད་ཟེར་ཡང་དག་ལྡན། །འབར་བའི་དབུས་ན་གནས་པའི་ཕྱག་རྒྱ་མངའ། །དེ་ནི་རིན་ཆེན་རིགས་ན་ཡིད་འོང་བ། །རྡོ་རྗེའི་དབུས་ན་རྡོ་རྗེ་རིན་ཆེན་བཞུགས། །དེ་ནས་ཕྱོགས་བཞིའི་གནས་དག་ཏུ། །རིན་ཆེན་གཟི་བརྗིད་རྒྱལ་མཚན་བཞད་ཕྱག་རྒྱ། །དེ་བཞིན་པདྨའི་
D480.084.0264a04.01རིགས་ནི་ཡིད་འོང་ལ། །རྡོ་རྗེ་པདྨའི་ཕྱག་རྒྱ་སྟེ། །དེ་ནས་ཕྱོགས་བཞིའི་མཚམས་དག་ཏུ། །པདྨའི་རལ་གྲི་འཁོར་ལོ་དེ་བཞིན་སྨྲ། །དེ་བཞིན་ལས་ཀྱིས་བྱས་པའི་རིགས་དེ་ལས། །རྡོ་རྗེ་རྣོན་པོ་མེ་ཆེན་དང་ལྡན་པ། །དེ་ཡི་ཕྱོགས་བཞིའི་མཚམས་ནི་བརྟན་པ་རུ། །
D480.084.0264a05.01ལས་དང་གནོད་སྦྱིན་བསྲུང་བ་ཁུ་ཚུར་རྣམས། །དེ་ལས་རྒྱ་ཆེར་གཟུགས་ཀྱི་ཚོགས་དག་ལ། །རྡོ་རྗེ་བཙུན་མོའི་མཆོག་དྲག་མཁའ་འགྲོ་མ། །འབར་བའི་མཆེ་བ་ཆེན་པོ་འཇིགས་རུང་མ། །དབུས་ན་རྡོ་རྗེ་ཉི་མ་འབར་བ་ལྡན། །ས་དག་བསྲུང་བའི་ཆོ་གར་བཅས། །
D480.084.0264a06.01རྒྱ་ཆེར་གཞུང་མཆོག་རྟག་ཏུ་བལྟ་བར་བྱ། །སྦྱང་དང་དབབ་པའི་ལས་རྣམས་ཐམས་ཅད་ནི། །ཡན་ལག་མཆོག་ལྡན་དམ་པ་ལས་གཟུང་བྱ། །དེ་ནས་ཕྱག་རྒྱ་ཕྱག་རྒྱའི་ཡན་ལག་བསླབ། །མཆོད་པའི་ཕྱག་རྒྱས་མཆོད་པའི་ཕྱག་རྒྱར་བརྗོད། །དེ་ནས་སྒོ་དང་མཚམས་
D480.084.0264a07.01