完整藏文原文 · 德格版页 当前仅加载第 84 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་བྱང་ཆུབ་ལ་གནས་པ། །སེམས་ཅན་ཀུན་གྱི་དོན་བྱའི་ཕྱིར། །བློ་ཆེན་ལྡན་པས་བཏང་སྙོམས་བཞག །མ་ཧཱ་མཻ་ཏྲི་སཱ་ར་ཎ། མ་ཧཱ་ཀཱ་རུ་ཎི་ཀཱ་ཡ་སྥ་ར་ཎ། སརྦ་བུད་དྷ་པྲ་མོ་ད་སྥ་ར་ཎ། མ་ཧོ་པེ་ཀྵ་སྥ་ར་ཎ། ནམ་མཁའ་འམ་ནི་ཕྱོགས་
D480.084.0223a01.01གཞན་དུ། །རྡོ་རྗེའི་གཟུགས་ནི་རྣམ་པར་བསམ། །སེམས་ཅན་མཉམ་པར་དམིགས་པ་ཡིས། །ནམ་མཁའ་ཀུན་དུ་ཡོངས་སུ་སྤྲོ། །བཛྲ་མུཥྚི་བྷ་བ། རྡོ་རྗེ་སེམས་དཔའ་རྒྱལ་པོ་ཆེ། །སྙིང་ག་རྡོ་རྗེ་ཆོས་ཉིད་བརྟན། །དོན་རྣམས་ཐམས་ཅད་བསྒོམ་པར་བྱ། །
D480.084.0223a02.01ཆོས་ཀྱི་དབྱིངས་ནི་ཡོངས་སུ་སྤྲོ། །སངས་རྒྱས་རྗེས་དྲན་ནས་བརྩམས་ཏེ། །རྣམ་པ་ཀུན་དུ་སྣ་ཚོགས་ཉིད། །དེ་ནི་རང་གི་བདག་ཉིད་བསྒོམ། །ཆོས་ཀྱི་དབྱིངས་ནི་ཡོངས་སུ་སྤྲོ། །རྡོ་རྗེ་ཕྲ་མོ་གཞན་དང་ལྡན། །ཆོས་རྣམས་ཐམས་ཅད་རྣམ་བསྒོམ་པ། །མྱུར་
D480.084.0223a03.01དུ་ཕྱོགས་ཀུན་ཡོངས་སུ་སྤྲོ། །སྙིང་གར་རྡོ་རྗེ་བསྒོམ་བྱ་ཞིང་། །མ་ཧཱ་བོ་དྷི་སཏྭ་བི་ཤྭ། བུད་དྷ་ཨ་ནུ་སྨྲྀ་ཏི་བི་ཤྭ། བཛྲ་པཱ་ཎི་རྴ་ཡ། ས་རཱུ་པཾ། ཟླ་བའི་དཀྱིལ་འཁོར་དབུས་སུ་ནི། །བྱང་ཆུབ་སེམས་ནི་བསྒོམ་པར་བྱ། །ས་མནྟ་བྷ་དྲ་བི་ཤྭ། ཟླ་བའི་དཀྱིལ་
D480.084.0223a04.01འཁོར་དབུས་གནས་པ། །བདག་ཉིད་རྡོ་རྗེ་རྣམ་པར་བསྒོམ། །བཛྲ་སཏྭ། ཟླ་བའི་དཀྱིལ་འཁོར་དབུས་གནས་པར། །རྡོ་རྗེ་བསྙེམས་པ་རོལ་བཅས་པ། །བཛྲ་སཏྭ་ས་མ་ཡ་ས་མཱ་དྷི་ཛྙཱ་ན་པི་ཤྭ། ཟླ་བའི་དཀྱིལ་འཁོར་དབུས་གནས་པར། །སངས་རྒྱས་
D480.084.0223a05.01གཟུགས་སུ་རང་བདག་ཉིད། །ཏ་ཐཱ་ག་ཏ་ས་མོ་ཧཾ། དབང་པོ་གཉིས་ནི་སྙོམས་འཇུག་པ། །རྡོ་རྗེ་སློབ་དཔོན་དག་གིས་བྱ། །གལ་ཏེ་དངོས་གྲུབ་མཆོག་འདོད་ན། །ཤེས་རབ་ཅན་གྱིས་ངེས་པར་བྱ། །མཉམ་པར་བཞག་པའི་སེམས་ཀྱིས་ནི། །སངས་རྒྱས་རྗེས་སུ་
D480.084.0223a06.01དྲན་པ་བསམ། །ཇི་བཞིན་མཚན་གྱིས་བརྒྱན་པ་རུ། །རྟག་ཏུ་བདག་ཉིད་རྣམ་པར་བསྒོམ། །ཇི་ལྟར་སངས་རྒྱས་དེ་བཞིན་བདག །བདག་ཉིད་སངས་རྒྱས་རྟག་ཏུ་བསྒོམ། །སངས་རྒྱས་གང་ཡིན་དེ་བདག་ཉིད། །སངས་རྒྱས་མང་པོར་ཡང་དག་གནས། །
D480.084.0223a07.01