完整藏文原文 · 德格版页 当前仅加载第 84 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་གཅིག་ནི་རྣམ་པར་བསྒོམ། །དེ་ཡི་ཐུགས་ཀར་ཞུགས་ནས་ནི། །རྡོ་རྗེ་རིགས་ཀུན་བཟླས་པར་བྱ། །པདྨའི་སེམས་དཔའ་ཆེན་པོའི་གཟུགས། །འཇིག་རྟེན་དབང་ཕྱུག་རྣམ་པར་བསྒོམ། །དེ་ཡི་ཐུགས་ཀར་ཞུགས་ནས་ནི། །པདྨའི་རིགས་ཀུན་
D480.084.0234a01.01བཟླས་པར་བྱ། །ནོར་བུ་རིན་ཆེན་སྐལ་བ་ཆེ། །རྡོ་རྗེ་རིན་ཆེན་རྣམ་པར་བསྒོམ། །དེ་ཡི་ཐུགས་ཀར་ཞུགས་ནས་ནི། །རིན་ཆེན་རིགས་ཀུན་བཟླས་པར་བྱ། །སེམས་དཔའ་ཆེན་པོ་རྡོ་རྗེ་ལས། །སེམས་དཔའི་གཟུགས་ནི་རྣམ་པར་བསྒོམ། །དེ་ཡི་ཐུགས་ཀར་ཞུགས་ནས་ནི། །ལས་
D480.084.0234a02.01ཀྱི་རིགས་ཀུན་བཟླས་པར་བྱ། །བདེན་པ་དམ་ཚིག་མཆོག་གྱུར་པ། །སངས་རྒྱས་ཐམས་ཅད་རབ་གྲོལ་བྱེད། །ཐོས་པ་ཙམ་གྱིས་ཐབས་ཆེན་པོ། །ཡང་ན་སྙིང་གར་རྡོར་རང་བཞིན། །སྣ་ཚོགས་བདག་པོ་བཟླས་བརྗོད་མཚུངས། །ཤེས་རབ་ཅན་གྱིས་གང་བསམས་པ། །ཕུན་
D480.084.0234a03.01སུམ་ཚོགས་ཀུན་བདེ་བར་ཐོབ། །གསང་བ་ཡང་དག་བཤད་པར་བྱ། །སངས་རྒྱས་གཟུགས་ནི་རྣམ་བསྒོམ་བྱ། །དེ་ཡི་ཐུགས་ཀར་འཇུག་བྱ་ཞིང་། །ཡིད་ཀྱིས་ཐམས་ཅད་བཅུག་ནས་ནི། །དེ་ཡི་སྐུ་ནི་མཚུངས་བར་སྤྲོ། །དེ་ཡི་ཐུགས་ཀའི་དབུས་སུ་ནི། །རྡོ་རྗེའི་རིགས་
D480.084.0234a04.01ནི་རབ་ཏུ་བཤད། །ཇི་བཞིན་སྔོན་གྱི་རྗེས་འབྲངས་ནས། །དེ་བཞིན་གཤེགས་པ་ཐམས་ཅད་སྤྲོ། །དེ་ལྟ་བུ་ཡི་སྦྱོར་བ་ཡིས། །དེ་བཞིན་གཤེགས་པའི་རིགས་བཟླས་ན། །ཐེ་ཚོམ་མེད་པར་སངས་རྒྱས་ཀུན། །སྐད་ཅིག་དེ་ཉིད་ཀྱིས་འགྲུབ་འགྱུར། །རྡོ་རྗེའི་མདའ་ནི་
D480.084.0234a05.01ཞི་བ་འདི། །འདི་ལྟ་བུ་ཡི་གཟུགས་བསྒོམ་བྱ། །དེ་ཡི་ཐུགས་ཀར་ཞུགས་ནས་ནི། །རྡོ་རྗེའི་གར་དང་མཚུངས་པར་བསྒོམ། །དེ་ལྟ་བུ་ཡི་སྦྱོར་བ་ཡིས། །རྡོ་རྗེའི་རིགས་ཅན་ཐམས་ཅད་ནི། །ཐེ་ཚོམ་མེད་པར་དངོས་གྲུབ་ཀུན། །ཡེ་ཤེས་བཟླས་པས་འགྲུབ་པར་འགྱུར། །
D480.084.0234a06.01པདྨའི་སེམས་དཔའ་བསྒོམ་བྱ་ཞིང་། །ཐུགས་ཀར་ཇི་བཞིན་འཇུག་པར་བྱ། །སྣ་ཚོགས་ཐབས་ནི་རབ་བསྒོམས་ན། །པདྨའི་རིགས་ཅན་འགྲུབ་པར་འགྱུར། །རྡོ་རྗེ་རིན་ཆེན་བསྒོམ་བྱ་ཞིང་། །ཐུགས་ཀར་ཇི་བཞིན་འཇུག་པར་བྱ། །རིན་ཆེན་མཛོད་ནི་བཅུག་ནས་སུ། །
D480.084.0234a07.01